Matìyò 13
13
Zə̀zə̌ fə wù ùswum
(Mâk 4.1-9; Lukâs 8.4-8)
1A ntsuk fə ghà fə̀ kə, Yesù ə ŋwò tsə a ndaw zù dòʼò tsə a kə̀lə̀ ìŋwù i Galìlî ani tyi dè ayiə. 2Aghee lwe bə̀ a kə̀lə̀ we, ŋwàâ kə ghè kə̀ kə ŋge dùw ŋwò. U nyi kə anə kəmfə̀n. Aghû yə̀ ə kwuni dòʼò tsə kə anə iŋgwùŋə. 3U tyi dè ghu nə̀ ndə̀mə̀ àyiə anə mə̀nzə̀zə̌ dzìy tsə nə̀.
“Wù ùswum ù lìy kə mùə̀ tsə kə ŋwô, u sək yə̀ ani zù təm təndzòʼ anə uswum. 4Abù ù təmə yə̂ nəniy ndzòʼ tə̀, tə̀liy tiy tswaʼi yə̀ anə dzəd, ŋwùni bù tsuw fwu ŋwò kə. 5Ndzòʼ tə̀ liy tiy tswaʼi yə̀ anə lòʼo tə una tə də bày kwu way zuub tiy. Tə zə̀àŋì nɛmə fyi kə aŋwòə zuub tiy kə banə wày awò àghaŋə ani nyi tswi tsə. 6Abù inyi yiy kwuni fyi kwoʼ bə̂ nəniy, tsə̀ ə zuk màʼà kə ndzòʼ tə ghà tə̀, tə pfə ŋwò yə̀ aŋwòə ghaŋə tə ghu tiy kə kə̀ banə nyi tswi tsə dzə̂. 7Ndzòʼ tə̀ liy tiy tswaʼi yə̀ anə lòʼo kə təfàb, fàb tə̌ nɛmə fyàŋì na tsə ndzòʼ tə ghè tə̀. 8Ndzòʼ tə̀ liy tiy tswaʼi yə̀ anə zùb tə̀ dzoŋə̀ tìy. Tə fyi kə, nɛmə kə, boŋ kə. Tə̀ liy tiy boŋ kə təsam fəbwaam, tə̀ liy tiy mə̀vəm intìfoŋ, tə̀liy tiy mə̀vəm inti.”
9Yesù dzày kəd tsə nə̀, “Wù wə̀ ù kwu nəniy utswuŋi wiy, u zuw ayiə yə mə dzây.”
Yesù ə tyi dè yə̀ ìmyìŋì i zə̀zə̌ fə
(Mâk 4.10-12; Lukâs 8.9-10)
10Tsə̀təndii tə Yesù tǐy bù bəb tsə a we nə, “À də̌ kìə̀ wò sì dzày təŋ kə nəniy ayiə yiy anə mə̀nzə̀zə̌?”
11Yesù ə kwuni bə̀lì kə a ghu nə, “Zə̀kìy dê ghà nə̀ nù tə ayiə tə ù kə bôʼ nù na nəniy kwùmə̀ yə̀ nə̀ yəə ù liə ani saʼ muə̀ tə aghù ate. Ù kə kə̀ kwuni dê fyi dzə̂ awò àghè àliy yiy. 12Aghû yə̀ ghu zwulə nəniy ayiə yə mə tyi dê nəniy, Zə̀kìy ki zəŋi nə̀ ghu zuw kəli dzwâb tsə tə̀ ghu kəli tsə utwab. A kwuni bû àghù yə̀ ghu də zwulə way, ghu kî nìyzə̀ ə̀ ŋwò ayiə yə ghu bôʼ kwu nəniy. 13Sələ kə iyiə kə mə dzîy nəniy ayiə yiy ate â ghu anə mənzə̀zə̌ à də̀ ani zəŋi tsə nə̀ ghu ki lia kòʼò kyilə way, ghu ki zwələ soʼò kwuni zuw kyilə way. 14I dê tsə nə̀ ayiə yə aghû yə̀ zəŋə nəniy, a mə zəŋi nə̀ tɛb k-a-zə̀ kìy bû fyi ìsoŋə̀ yiy anə yiə yə̀ Ìzayà wè ntwùm ə̀ Kə̀zə̀ kə twâ na nəniy nə̀,
‘Aghû yə̀ ni zwələ, kwuni zuw kyilə way.
Ghu ni fwələ kwuni kòʼò kyilə way,
15aŋwòə fôŋ tə ghu tiy kə kwuli dòʼò ŋwò,
ghu fè na kə utswuŋi u ghu twe ani zuw ayiə,
ghu mə kəmə na asə ghu yiy twe ani kòʼ ayiə ate.
Ghu ghii zəŋi anə ayiə yə ghu də wày, ani zuw anə utswùŋì u ghu,
wày sòʼo ani kòʼ kəli iyiə ìliy yiy anə asə ə ghu.
Abu ghu mə̀ də ani zuw, kòʼ kəli sòʼò,
ghu mə kyemì bə̂ â mìə̀,
Mə mə zəŋi taw kə ghu.’ ”
16Zə̀kiy mə kwuni lwì asə ghii yiy ghà fwələ̀ nəniy kòʼo kyilə. Ù mə lwì soʼò utswuŋi ghii wiy ghà zwələ nəniy ayiə yiy zuw kyilə. 17Mə ndzəmə̀ dzìy bə̀ àyiə àsoŋə yìy â ghà nə̀ ndə̀mə̀ àghě ntwum ə̀ Kə̀zə̀ nə̀ àghù yə̀ ghu kə də nəniy tsitsi, ghu maa ŋge dìy ani kòʼ ayiə yə ghà koʼò, nə̀ ani zuw soʼò ayiə yə ghǎ zuw nəniy, ghu dìy kè kə.
Yesù ə tyi dè yə̀ zə̀zə̌ fə kwùmə yə̀ nə̀ wù ùswum
(Mâk 4.13-20; Lukâs 8.11-15)
18Ghà ə zwəli tsə fyiə kə zə̀zə̌ fə̀ myìŋə̀ nəniy. 19Aghù yə̀ àdzə̀m ghu zuw nəniy ntwum yə kwùmə̀ yə̀ nə̀ loʼo kə Zə̀kìy saʼa nəniy ate, kə̀ kwuni zuw kəli nəway, ghu də yəə à də̌ ndzòʼ tə̀ tə kə tswaʼi nəniy anə dzəd. Satàn ə bù nìy ŋwò fyi kə ntwùm ìghè yə̀ anə fòŋ tə ghu. 20Ndzòʼ tə̀ tə kə tswaʼi nəniy anə lòʼo tə una à də̀ aghû yə̀ ghu zuw nəniy ntwùm ə̀ Kə̀zə̀ nə̀ dwiʼi kiy. 21Ghu də yəə à də̌ ndzòʼ tə̀ ghaŋə tiy də kamə nyi tswi tsə anə təzùb, ghu də dyòʼò tsòŋə̀ wày. Abu ghu fyi kpee kə nə̀ ùtswə̀d wìy, moo aghê ə zəŋi tsə ghu nə̀ ìbɛb yiy kwùmə̀ yə̀ nə̀ ntwùm ə̀ Kə̀zə̀, ghu dyaŋi tu dòʼò yə̀ i nyi ghà yə̀. 22Ndzòʼ tə̀ tə kə tswaʼi nəniy anə lòʼo kə təfàb, Tə də yəə à də̀ aghû yə̀ ghu zuw nəniy ntwùm ə̀ Kə̀zə̀, Ayiə ə mbyi, nə̀, niyoŋi kə ukhiy kiy, nə̀ ighaa yiy ani kəli tsə ndə̀mə̀ ndə̀mə̀ tə ufyiə, à də̀ ufyiə wə u kwuni fyaŋə̀ nia nəniy fôŋ tə ghu tiy. Ghu də yəə à də̌ ndzòʼ tə̀ tə də wày ani boŋ utam. 23Ndzòʼ tə̀ tə kə tswaʼi nəniy anə zùb tə̀ dzoŋə̀ tìy, à də̀ aghû yə̀ ghu zuw tsə nəniy ntwùm ə̀ Kə̀zə̀, ghu zuw kəli tsə, mu tsə utam mə̀mbwàm, àliy yiy mə̀vəm intyìfoŋ, àliy yiy mə̀vəm inti.
Zə̀zə̌ fə ughè anə tə ndzòʼ
24Yesù ə kàm dzày fwuli tsə zə̀zə̌ fə̀ liy fiy â ghu nə̀, “Loʼo kə Zə̀kìy saʼa nəniy ate kə də yəə à də̌ Wù ùswum ù lìy ù kə zuu tsə nəniy ndzòʼ tə̀ dzoŋə̀ tìy anə uswum u we. 25Tsuk fə̀ liy fiy nə̀ ntsukə tiy, wù wə̀ ù bà nəniy we ù bù zuu tsə uzuu a təŋə ndzòʼ tə we tu ŋwò kə. 26Abù asaŋ ə ghè yə̀ nɛmə kə nəniy, kpe tsə ani boŋ, a də̌ nə̀ uzuu u ghè wə̀ mə nɛmə sòʼò. 27Aghee kəfàʼ ə wù ùswum wə bù dzày tsə a we nə, ‘A Mwe, wò kə mgbaŋ zuu ndzòʼ tə̀ dzoŋə̀ tìy anə uswum yiə̀, uzuu wiy kwuni ŋwò bə̀ yə̀ ate?’ ” 28U bə̀lì kə aghee kəfàʼ yə̀ a ghu nə, “À bù zuu na wù wə̀ ù bà nəniy miə.” Aghee kə̀fàʼ yə̀ mee a we nə, “Wò liə ŋwô nə̀ ghè zû sway ŋwô fyi bə̂ ùzuu ughè wə̀ ə̀?” 29U bə̀lì kə a ghu nə, “Hàay! Abu ghà sway nəniy uzuu wiy, ghà də ani zə̀ swə màʼà dyaŋi asaŋ.” 30Ghà na tsə kə ùzuu ughè wə̀ ghi u si nɛmə yə nə̀ àsaŋə, soŋə fə̀ kpiy fiy kpe tsə. Mə kî dzìy yə̀ awò àghě kəfàʼ yamə nə̀ abu ghu dziy zû kpîy, ghu ki tsway yə̂ dzə̂ ùzuu ughè wə̀, ghu kwû na yə̂ anə abwoʼ ghu pìə̀ maʼà kə. Ghu kpîy kə asaŋ aghè yə̀, ghu na nyi kə anə uta.
Zə̀zə̌ fə nyàŋə fə sàm ə̀ kə̀ fyiə
(Mâk 4.30-32; Lukâs 13.18-21)
31Yesù ə dzày fəli tsə zə̀zə̌ fə̀ liy fiy nə̀, “Loʼo kə Zə̀kìy saʼa nəniy ate kə də yəə à də̌ nyòŋə fə sàm ə̀ kə̀ fyiə wù lìy kə nîy kə nəniy zù zu tsə anə uswum. 32Yəə ì tsəb tɛb tsîy fyi kə sam tə ufyiə tə tə̀ dzə̀m, bəə ì nɛmə fyi kə nəniy, i ghaʼ tsìy tsə ŋkàʼ mə̀ ìndzə̀m in də nəniy anə uswum, nyə̀ tsə uŋkwè ŋwùni bù biə ndaw tə ghu ate.”
Yesù ə dzày fəzə̀zə̌ kwùmə̀ yə̀ nə̀ mbwùŋ
(Lukâs 13.20,21)
33Yesù ə nam dzày fwuli tsə zə̀zə̌ fə̀liy fiy â ghu nə̀, “Loʼo kə Zə̀kìy saʼa nəniy ate anə kəbyiwuŋ, kə də yəə wìyəŋi nì nìy tsə̀lə̀ kəə mbwùŋ kwe tsə anə mfòŋ mə̀ kyaŋə̀ mə̀ ùfyiə miy, u na tsə mfòŋ mə̀ ghè mə ə kwoʼ kpe dzwàb tsə.”
Yesù kə dzày təŋ kə àyiə anə mənzə̀zə̌
(Mâk 4.33-34)
34Yesù kə dzày ayiə â ŋwàâ kə aghù kə̀ anə mə̀nzə̀zə̌. Ù kə kə̀ ndwâm dzây dzə̂ ìyiə ìliy yiy nə̀ ù kə dzày dzə̂ nəway anə fəzə̀zə̌. 35Ù kə àyiə yə ghî zəŋi nə̀ ayiə yə aghě ntwùm ə̀ Kə̀zə̀ yìy kə dzây na nəniy nə̀ a bû fyi kə ìsoŋə̀ yiy. Ghu kə dzày na nə̀,
“Abu mə dziy dzày ayiə â ghu, mə kî dzìy anə mənzə̀zə̌,
mə kî dzìy àyiə yə ghu də kamə kəli kôʼ dzə̂ anə wokə mbyi kə kaʼ nəniy.”
Yesù ə tyi dè yə̀ fyiə kə zə̀zə̌ fə uzǔ fə̀ kə myiŋə̀ nəniy
36Abù Yesù nyəli maʼà tsə nəniy ŋwàâ kə aghù kə̀, zù tsìy nyi yə̀ a ndaw, tsə̀təndii tə we tiy kway nyi yə̀ we. Ghu mee a we nə, “Dzǎy bə̀ â ghə̀d fyiə kə zə̀zə̌ fə uzǔ fə anə uswum usaŋ myìŋə̀ nəniy.”
37Yesù ə bə̀lì kə nə̀, “Wù wə̀ ù kə zuu nəniy ndzòʼ tə̀dzoŋə̀ tìy à də̌ Wà Wù. 38Uswum u ghè wə̀ à də̌ mbyi yə, ndzòʼ tə̀ dzoŋə̀ tə̀ à də̀ aghû yə̀ ghu ni zè nəniy anə lòʼo kə Zə̀kìy saʼa nəniy ate. Uzuu wə̀ à də aghû yə̀ ghu nî zê nəniy â Satàn. 39À də̀ Satàn wə̀ ù bà nəniy miə, ù bù wàŋì na nəniy sam tə uzuu tə. Soŋə fə̀ kpiy fə̀ də̀ soŋə fə mbyi nî mìy nəniy ate. Aghû yə̀ ghu nî dziy kpiy à də̌ tsə̀təndii t-a-zə̀. 40Anə ayiə yə ghu nî tsàʼà fyiə bə̂ ùzuu wə anə asaŋ, ghu piə̀ maʼà kə anə uvə̀lə̀. À də̀ ighəd i nî fyiə ani bu mbyi mây tsə. 41Wà Wù nì twumə fyiə yə̀ tsə̀təndii t-a-zə̀, nə̀ ghu kwi ŋwô fyi aghû yə̀ ghu də kwu way Zə̀kìy àdzə̀m a lòʼo kə Zə̀kìy saʼa nəniy ate, aghû yə̀ ghu zəŋə nəniy ayiə̀ àbɛbə, ghu zəŋə sòʼò nə̀ aghê si zəŋə ayiə̀ àbɛbə yiy, nə̀ àghè liy yə àdzə̀m ghu zəŋə ayiə àbɛbə yiy. 42Tsə̀təndii t-a-zə̀ tə̀ nî nìy kə aghê àbɛbə yə ghu maʼà yə̂ anə nɛm kə uvə̀lə̀ ùbyaʼa wiy. Ghu ni diy, fələ àsooŋ.” 43Aghû yə̀ ghu də nəniy tsitsi anə sə k-a-zə̀ ghu ni mwaa anə lòʼo kə Zə̀kìy saʼa nəniy ate yəə à də̌ tsə̀. Wù wə̀ ù kwu nəniy utswuŋi wiy, u zuw ayiə yə mə dzây.
Zə̀zə̌ fə ufyiə ùdzoŋə̀ wìy u nûw dòʼò nəniy anə uswum
44Loʼo kə Zə̀kìy saʼa nəniy ate anə kəbyiwuŋ, kə də yəə à də̀ ayiə yə a kə fyi nəniy nə̀ wù wə̀ ù kə kaw kôʼ nəniy ufyiə ùdzoŋə̀ wìy anə uswum. U kaʼ ani dwiʼi nìy nù na dzwàb tsə. U dzwoŋi yə̀ a ndàw we, nìy fè ŋwò mà tsə ufyiə wə ù kə kwu nəniy ùdzə̀m. U zù dzwoŋi zù zwe ŋwò kə uswum ughè wə̀.
Fə̀zə̀zə̌ kwùmə yə̀ nə̀ àtay àsoŋə̀ yìy
45Loʼo kə Zə̀kìy saʼa nəniy ate kə də yəə bekivən nì kwu nəniy atay àdzoŋə̀ yìy. 46Abù ù kòʼ tsə nəniy itay ìsoŋə̀ yə̀ i ŋgee dzwabə̀ nəniy, u zù fè tsə ufyiə wə ùdzə̀m ù kwu nəniy, zù zwe kə itay ìsoŋə̀ yə̀.
Zə̀zə̌ fə uwè u tətsi
47Loʼo kə Zə̀kìy saʼa nəniy ate kə də yəə à də̀ uwee u tətsi ghu maʼà nyi tswi yə̂ anə iŋwù, kwi kə ndə̀mə̀ ndə̀mə̀ tə tətsi. 48Abù tsi tiy lwe tsə anə uwè, ghu sè zù anə iŋgwùŋə ani dzə̀ ŋwò fyi kə tsi tə anə uwè. Ghu sày ŋwò kə tsi tə̀dzoŋə̀ tə̀ kwe tsə anə kəkaŋ, swày màʼà yə̀ tə̀ bɛbə tə. 49I nî dyòʼò aghi awò mbyi ani mày. Tsə̀təndii t-a-zə̀ tiy nî bè ŋwò, tə ni dzàw na fyi yə̂ àghè àbɛbə yiy nə̀ noŋ, aghû yə̀ ghu də nəniy tsitsi nə̀ noŋ. 50Ghu ni nîy kə aghê àbɛbə yə ghu maʼà yə̂ anə nɛm kə uvə̀lə̀ ù byaʼa wiy. Ghu ni dîy, fələ àsooŋ.
Ityi dè ìfyiə yiy nə̀ ìwiy yiy
51Yesù ə bəb tsə a ghu nə, “Ghà mə zuw kəli ayiə yə mə dzây nəniy ə̀?”
Ghu bə̀lì kə a we nə, “ìny, ghè mə zuw.”
52Yesù ə dzày tsə a ghu nə, “Abu à tsəb də kə ndiə ù tyiə dê nəniy ulâŋ wiy, ù bù dòʼò tsə nəniy tsə̀ndii anə lòʼò kə Zə̀kìy saʼa nəniy ate anə kəvələ, u də̀ yəə à də̀ mwe ə̀ ndaw wə ù nìy fyiə bə̂ nəniy ufyiə ùsoŋə̀ wìy nə̀ ùwiy anə idzwə i ndaw yə ù nia nəniy ufyiə wiy ate.”
Ghu kə twe màʼà Yesù anə inaʼ i Nazalèt
(Mâk 6.1-6; Lukâs 4.16-30)
53Abù Yesù dzày mà tsə nəniy zə̀zə̌ mə, u ŋwò tsə awote 54zù anə inaʼ i we. U zù kaʼ yə̀ ani tyi dè ayiə anə ndàw kə̀dzəŋə awò àghù yìy, adzwə ŋge zwum yə̀ àghù ate. Ghu kaʼ ani bəb nə̀ “Ù nìy bə yə̀ə ndzòʼò ùtwab wə̀ nə̀ daʼa kiy ani zəŋi mali tə yiə tə ate ə? 55À wə̀ wǎy wà kwàmə̀ ŋkàʼ wə̀ ə̀? Â we də̌ wà Mə̀li ə? Dzɛ̂m, nə̀ Yùsə̂f, nə̀ Simùn, nə̀ Dzudàs we də̀ awizə̂ ə? 56Awizə̂ we iyəŋi we mgbaŋ muə fə anə inaʼ ə? Ù sì kwuni nìy bə̀ yə̀ ndzòʼò ùtwab wə nə̀ ndzòʼò daʼa kə ə?” 57Fòŋtiy fwu ghu anə yiə yə̀ Yesù kə zəŋə nəniy.
Yesù ə kwuni dzày yə̀ aghu nə “Ghu ŋgwamə nia kyabə tsə̀ wè ntwùm ə̀ Kə̀zə̀ anə lòʼo tədzə̀m, à mày kə anə inaʼ i we nə̀ anə isəd i ndaw i we, ghu kwuni twe màʼà yə̀ we.” 58Ù kə kə̀ bây zəŋi nəway mali tə yiə tiy awote, aŋwòə ghu kə kwu way ibɛmə yiy.
Currently Selected:
Matìyò 13: isu
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© CABTAL 2023
Matìyò 13
13
Zə̀zə̌ fə wù ùswum
(Mâk 4.1-9; Lukâs 8.4-8)
1A ntsuk fə ghà fə̀ kə, Yesù ə ŋwò tsə a ndaw zù dòʼò tsə a kə̀lə̀ ìŋwù i Galìlî ani tyi dè ayiə. 2Aghee lwe bə̀ a kə̀lə̀ we, ŋwàâ kə ghè kə̀ kə ŋge dùw ŋwò. U nyi kə anə kəmfə̀n. Aghû yə̀ ə kwuni dòʼò tsə kə anə iŋgwùŋə. 3U tyi dè ghu nə̀ ndə̀mə̀ àyiə anə mə̀nzə̀zə̌ dzìy tsə nə̀.
“Wù ùswum ù lìy kə mùə̀ tsə kə ŋwô, u sək yə̀ ani zù təm təndzòʼ anə uswum. 4Abù ù təmə yə̂ nəniy ndzòʼ tə̀, tə̀liy tiy tswaʼi yə̀ anə dzəd, ŋwùni bù tsuw fwu ŋwò kə. 5Ndzòʼ tə̀ liy tiy tswaʼi yə̀ anə lòʼo tə una tə də bày kwu way zuub tiy. Tə zə̀àŋì nɛmə fyi kə aŋwòə zuub tiy kə banə wày awò àghaŋə ani nyi tswi tsə. 6Abù inyi yiy kwuni fyi kwoʼ bə̂ nəniy, tsə̀ ə zuk màʼà kə ndzòʼ tə ghà tə̀, tə pfə ŋwò yə̀ aŋwòə ghaŋə tə ghu tiy kə kə̀ banə nyi tswi tsə dzə̂. 7Ndzòʼ tə̀ liy tiy tswaʼi yə̀ anə lòʼo kə təfàb, fàb tə̌ nɛmə fyàŋì na tsə ndzòʼ tə ghè tə̀. 8Ndzòʼ tə̀ liy tiy tswaʼi yə̀ anə zùb tə̀ dzoŋə̀ tìy. Tə fyi kə, nɛmə kə, boŋ kə. Tə̀ liy tiy boŋ kə təsam fəbwaam, tə̀ liy tiy mə̀vəm intìfoŋ, tə̀liy tiy mə̀vəm inti.”
9Yesù dzày kəd tsə nə̀, “Wù wə̀ ù kwu nəniy utswuŋi wiy, u zuw ayiə yə mə dzây.”
Yesù ə tyi dè yə̀ ìmyìŋì i zə̀zə̌ fə
(Mâk 4.10-12; Lukâs 8.9-10)
10Tsə̀təndii tə Yesù tǐy bù bəb tsə a we nə, “À də̌ kìə̀ wò sì dzày təŋ kə nəniy ayiə yiy anə mə̀nzə̀zə̌?”
11Yesù ə kwuni bə̀lì kə a ghu nə, “Zə̀kìy dê ghà nə̀ nù tə ayiə tə ù kə bôʼ nù na nəniy kwùmə̀ yə̀ nə̀ yəə ù liə ani saʼ muə̀ tə aghù ate. Ù kə kə̀ kwuni dê fyi dzə̂ awò àghè àliy yiy. 12Aghû yə̀ ghu zwulə nəniy ayiə yə mə tyi dê nəniy, Zə̀kìy ki zəŋi nə̀ ghu zuw kəli dzwâb tsə tə̀ ghu kəli tsə utwab. A kwuni bû àghù yə̀ ghu də zwulə way, ghu kî nìyzə̀ ə̀ ŋwò ayiə yə ghu bôʼ kwu nəniy. 13Sələ kə iyiə kə mə dzîy nəniy ayiə yiy ate â ghu anə mənzə̀zə̌ à də̀ ani zəŋi tsə nə̀ ghu ki lia kòʼò kyilə way, ghu ki zwələ soʼò kwuni zuw kyilə way. 14I dê tsə nə̀ ayiə yə aghû yə̀ zəŋə nəniy, a mə zəŋi nə̀ tɛb k-a-zə̀ kìy bû fyi ìsoŋə̀ yiy anə yiə yə̀ Ìzayà wè ntwùm ə̀ Kə̀zə̀ kə twâ na nəniy nə̀,
‘Aghû yə̀ ni zwələ, kwuni zuw kyilə way.
Ghu ni fwələ kwuni kòʼò kyilə way,
15aŋwòə fôŋ tə ghu tiy kə kwuli dòʼò ŋwò,
ghu fè na kə utswuŋi u ghu twe ani zuw ayiə,
ghu mə kəmə na asə ghu yiy twe ani kòʼ ayiə ate.
Ghu ghii zəŋi anə ayiə yə ghu də wày, ani zuw anə utswùŋì u ghu,
wày sòʼo ani kòʼ kəli iyiə ìliy yiy anə asə ə ghu.
Abu ghu mə̀ də ani zuw, kòʼ kəli sòʼò,
ghu mə kyemì bə̂ â mìə̀,
Mə mə zəŋi taw kə ghu.’ ”
16Zə̀kiy mə kwuni lwì asə ghii yiy ghà fwələ̀ nəniy kòʼo kyilə. Ù mə lwì soʼò utswuŋi ghii wiy ghà zwələ nəniy ayiə yiy zuw kyilə. 17Mə ndzəmə̀ dzìy bə̀ àyiə àsoŋə yìy â ghà nə̀ ndə̀mə̀ àghě ntwum ə̀ Kə̀zə̀ nə̀ àghù yə̀ ghu kə də nəniy tsitsi, ghu maa ŋge dìy ani kòʼ ayiə yə ghà koʼò, nə̀ ani zuw soʼò ayiə yə ghǎ zuw nəniy, ghu dìy kè kə.
Yesù ə tyi dè yə̀ zə̀zə̌ fə kwùmə yə̀ nə̀ wù ùswum
(Mâk 4.13-20; Lukâs 8.11-15)
18Ghà ə zwəli tsə fyiə kə zə̀zə̌ fə̀ myìŋə̀ nəniy. 19Aghù yə̀ àdzə̀m ghu zuw nəniy ntwum yə kwùmə̀ yə̀ nə̀ loʼo kə Zə̀kìy saʼa nəniy ate, kə̀ kwuni zuw kəli nəway, ghu də yəə à də̌ ndzòʼ tə̀ tə kə tswaʼi nəniy anə dzəd. Satàn ə bù nìy ŋwò fyi kə ntwùm ìghè yə̀ anə fòŋ tə ghu. 20Ndzòʼ tə̀ tə kə tswaʼi nəniy anə lòʼo tə una à də̀ aghû yə̀ ghu zuw nəniy ntwùm ə̀ Kə̀zə̀ nə̀ dwiʼi kiy. 21Ghu də yəə à də̌ ndzòʼ tə̀ ghaŋə tiy də kamə nyi tswi tsə anə təzùb, ghu də dyòʼò tsòŋə̀ wày. Abu ghu fyi kpee kə nə̀ ùtswə̀d wìy, moo aghê ə zəŋi tsə ghu nə̀ ìbɛb yiy kwùmə̀ yə̀ nə̀ ntwùm ə̀ Kə̀zə̀, ghu dyaŋi tu dòʼò yə̀ i nyi ghà yə̀. 22Ndzòʼ tə̀ tə kə tswaʼi nəniy anə lòʼo kə təfàb, Tə də yəə à də̀ aghû yə̀ ghu zuw nəniy ntwùm ə̀ Kə̀zə̀, Ayiə ə mbyi, nə̀, niyoŋi kə ukhiy kiy, nə̀ ighaa yiy ani kəli tsə ndə̀mə̀ ndə̀mə̀ tə ufyiə, à də̀ ufyiə wə u kwuni fyaŋə̀ nia nəniy fôŋ tə ghu tiy. Ghu də yəə à də̌ ndzòʼ tə̀ tə də wày ani boŋ utam. 23Ndzòʼ tə̀ tə kə tswaʼi nəniy anə zùb tə̀ dzoŋə̀ tìy, à də̀ aghû yə̀ ghu zuw tsə nəniy ntwùm ə̀ Kə̀zə̀, ghu zuw kəli tsə, mu tsə utam mə̀mbwàm, àliy yiy mə̀vəm intyìfoŋ, àliy yiy mə̀vəm inti.
Zə̀zə̌ fə ughè anə tə ndzòʼ
24Yesù ə kàm dzày fwuli tsə zə̀zə̌ fə̀ liy fiy â ghu nə̀, “Loʼo kə Zə̀kìy saʼa nəniy ate kə də yəə à də̌ Wù ùswum ù lìy ù kə zuu tsə nəniy ndzòʼ tə̀ dzoŋə̀ tìy anə uswum u we. 25Tsuk fə̀ liy fiy nə̀ ntsukə tiy, wù wə̀ ù bà nəniy we ù bù zuu tsə uzuu a təŋə ndzòʼ tə we tu ŋwò kə. 26Abù asaŋ ə ghè yə̀ nɛmə kə nəniy, kpe tsə ani boŋ, a də̌ nə̀ uzuu u ghè wə̀ mə nɛmə sòʼò. 27Aghee kəfàʼ ə wù ùswum wə bù dzày tsə a we nə, ‘A Mwe, wò kə mgbaŋ zuu ndzòʼ tə̀ dzoŋə̀ tìy anə uswum yiə̀, uzuu wiy kwuni ŋwò bə̀ yə̀ ate?’ ” 28U bə̀lì kə aghee kəfàʼ yə̀ a ghu nə, “À bù zuu na wù wə̀ ù bà nəniy miə.” Aghee kə̀fàʼ yə̀ mee a we nə, “Wò liə ŋwô nə̀ ghè zû sway ŋwô fyi bə̂ ùzuu ughè wə̀ ə̀?” 29U bə̀lì kə a ghu nə, “Hàay! Abu ghà sway nəniy uzuu wiy, ghà də ani zə̀ swə màʼà dyaŋi asaŋ.” 30Ghà na tsə kə ùzuu ughè wə̀ ghi u si nɛmə yə nə̀ àsaŋə, soŋə fə̀ kpiy fiy kpe tsə. Mə kî dzìy yə̀ awò àghě kəfàʼ yamə nə̀ abu ghu dziy zû kpîy, ghu ki tsway yə̂ dzə̂ ùzuu ughè wə̀, ghu kwû na yə̂ anə abwoʼ ghu pìə̀ maʼà kə. Ghu kpîy kə asaŋ aghè yə̀, ghu na nyi kə anə uta.
Zə̀zə̌ fə nyàŋə fə sàm ə̀ kə̀ fyiə
(Mâk 4.30-32; Lukâs 13.18-21)
31Yesù ə dzày fəli tsə zə̀zə̌ fə̀ liy fiy nə̀, “Loʼo kə Zə̀kìy saʼa nəniy ate kə də yəə à də̌ nyòŋə fə sàm ə̀ kə̀ fyiə wù lìy kə nîy kə nəniy zù zu tsə anə uswum. 32Yəə ì tsəb tɛb tsîy fyi kə sam tə ufyiə tə tə̀ dzə̀m, bəə ì nɛmə fyi kə nəniy, i ghaʼ tsìy tsə ŋkàʼ mə̀ ìndzə̀m in də nəniy anə uswum, nyə̀ tsə uŋkwè ŋwùni bù biə ndaw tə ghu ate.”
Yesù ə dzày fəzə̀zə̌ kwùmə̀ yə̀ nə̀ mbwùŋ
(Lukâs 13.20,21)
33Yesù ə nam dzày fwuli tsə zə̀zə̌ fə̀liy fiy â ghu nə̀, “Loʼo kə Zə̀kìy saʼa nəniy ate anə kəbyiwuŋ, kə də yəə wìyəŋi nì nìy tsə̀lə̀ kəə mbwùŋ kwe tsə anə mfòŋ mə̀ kyaŋə̀ mə̀ ùfyiə miy, u na tsə mfòŋ mə̀ ghè mə ə kwoʼ kpe dzwàb tsə.”
Yesù kə dzày təŋ kə àyiə anə mənzə̀zə̌
(Mâk 4.33-34)
34Yesù kə dzày ayiə â ŋwàâ kə aghù kə̀ anə mə̀nzə̀zə̌. Ù kə kə̀ ndwâm dzây dzə̂ ìyiə ìliy yiy nə̀ ù kə dzày dzə̂ nəway anə fəzə̀zə̌. 35Ù kə àyiə yə ghî zəŋi nə̀ ayiə yə aghě ntwùm ə̀ Kə̀zə̀ yìy kə dzây na nəniy nə̀ a bû fyi kə ìsoŋə̀ yiy. Ghu kə dzày na nə̀,
“Abu mə dziy dzày ayiə â ghu, mə kî dzìy anə mənzə̀zə̌,
mə kî dzìy àyiə yə ghu də kamə kəli kôʼ dzə̂ anə wokə mbyi kə kaʼ nəniy.”
Yesù ə tyi dè yə̀ fyiə kə zə̀zə̌ fə uzǔ fə̀ kə myiŋə̀ nəniy
36Abù Yesù nyəli maʼà tsə nəniy ŋwàâ kə aghù kə̀, zù tsìy nyi yə̀ a ndaw, tsə̀təndii tə we tiy kway nyi yə̀ we. Ghu mee a we nə, “Dzǎy bə̀ â ghə̀d fyiə kə zə̀zə̌ fə uzǔ fə anə uswum usaŋ myìŋə̀ nəniy.”
37Yesù ə bə̀lì kə nə̀, “Wù wə̀ ù kə zuu nəniy ndzòʼ tə̀dzoŋə̀ tìy à də̌ Wà Wù. 38Uswum u ghè wə̀ à də̌ mbyi yə, ndzòʼ tə̀ dzoŋə̀ tə̀ à də̀ aghû yə̀ ghu ni zè nəniy anə lòʼo kə Zə̀kìy saʼa nəniy ate. Uzuu wə̀ à də aghû yə̀ ghu nî zê nəniy â Satàn. 39À də̀ Satàn wə̀ ù bà nəniy miə, ù bù wàŋì na nəniy sam tə uzuu tə. Soŋə fə̀ kpiy fə̀ də̀ soŋə fə mbyi nî mìy nəniy ate. Aghû yə̀ ghu nî dziy kpiy à də̌ tsə̀təndii t-a-zə̀. 40Anə ayiə yə ghu nî tsàʼà fyiə bə̂ ùzuu wə anə asaŋ, ghu piə̀ maʼà kə anə uvə̀lə̀. À də̀ ighəd i nî fyiə ani bu mbyi mây tsə. 41Wà Wù nì twumə fyiə yə̀ tsə̀təndii t-a-zə̀, nə̀ ghu kwi ŋwô fyi aghû yə̀ ghu də kwu way Zə̀kìy àdzə̀m a lòʼo kə Zə̀kìy saʼa nəniy ate, aghû yə̀ ghu zəŋə nəniy ayiə̀ àbɛbə, ghu zəŋə sòʼò nə̀ aghê si zəŋə ayiə̀ àbɛbə yiy, nə̀ àghè liy yə àdzə̀m ghu zəŋə ayiə àbɛbə yiy. 42Tsə̀təndii t-a-zə̀ tə̀ nî nìy kə aghê àbɛbə yə ghu maʼà yə̂ anə nɛm kə uvə̀lə̀ ùbyaʼa wiy. Ghu ni diy, fələ àsooŋ.” 43Aghû yə̀ ghu də nəniy tsitsi anə sə k-a-zə̀ ghu ni mwaa anə lòʼo kə Zə̀kìy saʼa nəniy ate yəə à də̌ tsə̀. Wù wə̀ ù kwu nəniy utswuŋi wiy, u zuw ayiə yə mə dzây.
Zə̀zə̌ fə ufyiə ùdzoŋə̀ wìy u nûw dòʼò nəniy anə uswum
44Loʼo kə Zə̀kìy saʼa nəniy ate anə kəbyiwuŋ, kə də yəə à də̀ ayiə yə a kə fyi nəniy nə̀ wù wə̀ ù kə kaw kôʼ nəniy ufyiə ùdzoŋə̀ wìy anə uswum. U kaʼ ani dwiʼi nìy nù na dzwàb tsə. U dzwoŋi yə̀ a ndàw we, nìy fè ŋwò mà tsə ufyiə wə ù kə kwu nəniy ùdzə̀m. U zù dzwoŋi zù zwe ŋwò kə uswum ughè wə̀.
Fə̀zə̀zə̌ kwùmə yə̀ nə̀ àtay àsoŋə̀ yìy
45Loʼo kə Zə̀kìy saʼa nəniy ate kə də yəə bekivən nì kwu nəniy atay àdzoŋə̀ yìy. 46Abù ù kòʼ tsə nəniy itay ìsoŋə̀ yə̀ i ŋgee dzwabə̀ nəniy, u zù fè tsə ufyiə wə ùdzə̀m ù kwu nəniy, zù zwe kə itay ìsoŋə̀ yə̀.
Zə̀zə̌ fə uwè u tətsi
47Loʼo kə Zə̀kìy saʼa nəniy ate kə də yəə à də̀ uwee u tətsi ghu maʼà nyi tswi yə̂ anə iŋwù, kwi kə ndə̀mə̀ ndə̀mə̀ tə tətsi. 48Abù tsi tiy lwe tsə anə uwè, ghu sè zù anə iŋgwùŋə ani dzə̀ ŋwò fyi kə tsi tə anə uwè. Ghu sày ŋwò kə tsi tə̀dzoŋə̀ tə̀ kwe tsə anə kəkaŋ, swày màʼà yə̀ tə̀ bɛbə tə. 49I nî dyòʼò aghi awò mbyi ani mày. Tsə̀təndii t-a-zə̀ tiy nî bè ŋwò, tə ni dzàw na fyi yə̂ àghè àbɛbə yiy nə̀ noŋ, aghû yə̀ ghu də nəniy tsitsi nə̀ noŋ. 50Ghu ni nîy kə aghê àbɛbə yə ghu maʼà yə̂ anə nɛm kə uvə̀lə̀ ù byaʼa wiy. Ghu ni dîy, fələ àsooŋ.
Ityi dè ìfyiə yiy nə̀ ìwiy yiy
51Yesù ə bəb tsə a ghu nə, “Ghà mə zuw kəli ayiə yə mə dzây nəniy ə̀?”
Ghu bə̀lì kə a we nə, “ìny, ghè mə zuw.”
52Yesù ə dzày tsə a ghu nə, “Abu à tsəb də kə ndiə ù tyiə dê nəniy ulâŋ wiy, ù bù dòʼò tsə nəniy tsə̀ndii anə lòʼò kə Zə̀kìy saʼa nəniy ate anə kəvələ, u də̀ yəə à də̀ mwe ə̀ ndaw wə ù nìy fyiə bə̂ nəniy ufyiə ùsoŋə̀ wìy nə̀ ùwiy anə idzwə i ndaw yə ù nia nəniy ufyiə wiy ate.”
Ghu kə twe màʼà Yesù anə inaʼ i Nazalèt
(Mâk 6.1-6; Lukâs 4.16-30)
53Abù Yesù dzày mà tsə nəniy zə̀zə̌ mə, u ŋwò tsə awote 54zù anə inaʼ i we. U zù kaʼ yə̀ ani tyi dè ayiə anə ndàw kə̀dzəŋə awò àghù yìy, adzwə ŋge zwum yə̀ àghù ate. Ghu kaʼ ani bəb nə̀ “Ù nìy bə yə̀ə ndzòʼò ùtwab wə̀ nə̀ daʼa kiy ani zəŋi mali tə yiə tə ate ə? 55À wə̀ wǎy wà kwàmə̀ ŋkàʼ wə̀ ə̀? Â we də̌ wà Mə̀li ə? Dzɛ̂m, nə̀ Yùsə̂f, nə̀ Simùn, nə̀ Dzudàs we də̀ awizə̂ ə? 56Awizə̂ we iyəŋi we mgbaŋ muə fə anə inaʼ ə? Ù sì kwuni nìy bə̀ yə̀ ndzòʼò ùtwab wə nə̀ ndzòʼò daʼa kə ə?” 57Fòŋtiy fwu ghu anə yiə yə̀ Yesù kə zəŋə nəniy.
Yesù ə kwuni dzày yə̀ aghu nə “Ghu ŋgwamə nia kyabə tsə̀ wè ntwùm ə̀ Kə̀zə̀ anə lòʼo tədzə̀m, à mày kə anə inaʼ i we nə̀ anə isəd i ndaw i we, ghu kwuni twe màʼà yə̀ we.” 58Ù kə kə̀ bây zəŋi nəway mali tə yiə tiy awote, aŋwòə ghu kə kwu way ibɛmə yiy.
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© CABTAL 2023