Luke 21
21
Tjipo tje tjilikadzi
(Mako 12:41-44)
1Kukati Jesu emilidza mesho, kabona bafumi belonga zwipo zwabo mutjija tje mari e Ng'umba ye Ndzimu. 2Kabona tjilikadzi ye nshayi elonga maloso mabili e khopa. 3Kati, “Ndolebesa ndoti, tjilikadzi iyeyi ye nshayi yalonga kunopinda kwabo bose. 4Bathu bose badusa zwipo zwabo benokola mu fumwa yabo, koga iye mu bushayi gugwe, walonga kose kwaanotjila ndiko.”
Kukolomogwa kwe Ng'umba ye Ndzimu
(Matewu 24:1-2; Mako 13:1-2)
5Ndizo bamwe be badiyiwa babe bakati belebeleka ngekwe Ng'umba ye Ndzimu, sekwa yakanakisiwa nge mabgwe mabuya nenge zwipo zwe Ndzimu, 6Jesu kabadwa kati, “Ngekwe zwithu izwezwi zwamunobona, mazhuba anowozha, kusingowosala bgwe ipapa lakatiliyana ne limwe, lisingowoligigwa pasi.”
Mang'oni ne kudziyidziwa
(Matewu 24:3-14; Mako 13:3-13)
7Bakambhuzwa beti, “N'diyi, zwithu izwezwi zowoshingikala lini? Kakale tjilakidzo tjekuti zwabe pejo nge kushingikala tjowobeni?”
8Ngono kashandula eti, “Ibeni ne njele kuti musidzimidziwe, ngobe banji banowozha nge zina langu beti, ‘Ndimi iye,’ kakale beti, ‘Misi yasedzela.’ Koga musibatobele. 9Ha muhwa ngekwe ngwa nenge kupandukilana pakati kwe bathu, musitje. Ngoti zwithu izwezwi zwakafanila shingikala kutanga, koga bupelo agutowoswika ipapo.”
10Kadwilila kati, “Itjaba tjowomukila itjaba ne bushe gukamukila bushe. 11Kowobe ne kutengenyeka kwe shango kwakabangalala ne bhamba ne njigwele ne zwinoshingikala zwinotjisa ne zwilakidzo zwikulu zwinodwa kudzimu. 12Koga ikoku kowoti kusathu kukashingikala, banomusunga bakamudziyidza. Banowomukakatila ku bakulu be ng'umba dze mitembezelo ne mu ng'umba dze busungwa, kakale mowoyisiwa mbeli kwa bomambo ne balauli ngekwe zina langu. 13Kobe kwabe tjibaka tjekuti mupe butendeki, 14#Luke 12:11, 12koga simisani mimoyo yenyu, musidziyidzike kuti mowodabila tjini. 15Ngobe ndowomupa matama ne butjenjedu gusingawokundiwa kene kunyanyayidziwa nge zwita zwenyu. 16Mowosungisiwa nge bazwadzi nenge bana ba tate benyu nenge makamu enyu nenge bazwalani benyu, ngono banowobulaya bamwe benyu. 17Bathu bose banowomubenga ngekwe zina langu. 18Koga akuna vudzi ling'ompela mu misholo yenyu linowolashika. 19Nge kudzikitadza kwenyu, mowowana butjilo gwenyu.
Jesu unoleba ngekwe paladziwa kwe Jerusalema
(Matewu 24:15-21; Mako 13:14-19)
20“Koga ha mubona Jerusalema yakakombiwa nge ngwa, zibani kuti tjibaka tje kupaladziwa kwayo. 21Ipapo bamu Judiya ngabatizhile ku matombo, ba mu nzi nkulu ngababhude ne bamu shango basingine mu nzi nkulu. 22#Hoseya 9:7Ngobe eyi ndiyo misi ye kubgwilizila kuti matama wose akakwagwa ashingikale. 23Yee mme wee! Kowobangalala seni kumuli imwi bakadzi bakazwisenga ne banomwisa mu misi iyeyo! Kowobe ne buyendasi bukulu mu shango ne bushongola mu bathu ibaba. 24Banowobulawa nge thumo, ngono bakatapigwa mu zwitjaba zose. Nzi we Jerusalema unowokanyangiwa nge Bezwitjaba, kuswikila tjibaka tjebe Bezwitjaba tjipela.”
Kuzha kwe Nkololo we Nthu
(Matewu 24:29-31; Mako 13:24-27)
25 #
Isaya 13:10; Ezekiele 32:7; Jowele 2:31; Zumbunulo 6:12, 13 “Kowobe ne zwilakidzo mu zhuba ne mu mwedzi nenge mu nyenyedzi. Mu shango zwitjaba zowodziyidzika, zwishanganyiwa nsholo nge kuwona nenge kumidukana kwe vula ye gungwa. 26Bathu betimbamamisiwa ngotja, bedziyidzika nge kuti ini tjinozha mu shango, ngobe masimba apezhugwi anowotengenyeka. 27#Daniyele 7:13; Zumbunulo 1:7Ngono kudwapo banowobona Nkololo we Nthu ezha ali mu gole, nge masimba nenge kukudziwa. 28Ha zwithu izwezwi zwitangisa kushingikala, mumilidze mesho yenyu mulinge pezhugwi, ngobe dzutunugwa kwenyu kowobe kwabe pejo.”
Tjidiyo ngekwe miti
(Matewu 24:32-35; Mako 13:28-31)
29Ipapo kababudza tjifaniso etji, “Mulinge mpaya ne miti yose. 30Ha ithinila, mozwibonegwa mukaziba kuti tjilimo tjabe pejo. 31Sa ikoko ha mubona zwithu izwezwi zwishingikala, zibani kuti bushe gwe Ndzimu gwabe pejo.
32“Ndolebesa ndoti kumuli, zwithu izwezwi zowoshingikala bathu ibaba bangwenu basathu bakapela. 33Zhuzhugwi na pasi zowopela, koga matama angu anowosala.”
Ibeni nenjele
34“Ibeni nenjele kuti ndizo mimoyo yenyu isikuligwe ngoja nenge kulaladza nenge kudziyidzika mu butjilo guno, zhuba ilelo lidwa limubhata se dati makakangang'wa, 35ngobe lowozha mu bathu bose mu shango pamwe ne pamwe. 36Ibeni nenjele, misi yose mutembezele, kuti mube ne simba le kukunda zwithu zose izwezwi ha zwishingikala ne kuma mbeli kwe Nkololo we Nthu.”
37 #
Luke 19:47
Zhuba ne zhuba Jesu wakabe ediya mu Ng'umba ye Ndzimu, ngono madekwana mamwe ne mamwe ebhuda enolala ku dombo linoyi Dombo le Mitoba. 38Mangwanana bathu bose bakabe bezha kunli kuwunhwilila mu Ng'umba ye Ndzimu.
Currently Selected:
Luke 21: KBTP
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Kalanga Bible © Bible Society of Botswana, 2008, 2018.
Luke 21
21
Tjipo tje tjilikadzi
(Mako 12:41-44)
1Kukati Jesu emilidza mesho, kabona bafumi belonga zwipo zwabo mutjija tje mari e Ng'umba ye Ndzimu. 2Kabona tjilikadzi ye nshayi elonga maloso mabili e khopa. 3Kati, “Ndolebesa ndoti, tjilikadzi iyeyi ye nshayi yalonga kunopinda kwabo bose. 4Bathu bose badusa zwipo zwabo benokola mu fumwa yabo, koga iye mu bushayi gugwe, walonga kose kwaanotjila ndiko.”
Kukolomogwa kwe Ng'umba ye Ndzimu
(Matewu 24:1-2; Mako 13:1-2)
5Ndizo bamwe be badiyiwa babe bakati belebeleka ngekwe Ng'umba ye Ndzimu, sekwa yakanakisiwa nge mabgwe mabuya nenge zwipo zwe Ndzimu, 6Jesu kabadwa kati, “Ngekwe zwithu izwezwi zwamunobona, mazhuba anowozha, kusingowosala bgwe ipapa lakatiliyana ne limwe, lisingowoligigwa pasi.”
Mang'oni ne kudziyidziwa
(Matewu 24:3-14; Mako 13:3-13)
7Bakambhuzwa beti, “N'diyi, zwithu izwezwi zowoshingikala lini? Kakale tjilakidzo tjekuti zwabe pejo nge kushingikala tjowobeni?”
8Ngono kashandula eti, “Ibeni ne njele kuti musidzimidziwe, ngobe banji banowozha nge zina langu beti, ‘Ndimi iye,’ kakale beti, ‘Misi yasedzela.’ Koga musibatobele. 9Ha muhwa ngekwe ngwa nenge kupandukilana pakati kwe bathu, musitje. Ngoti zwithu izwezwi zwakafanila shingikala kutanga, koga bupelo agutowoswika ipapo.”
10Kadwilila kati, “Itjaba tjowomukila itjaba ne bushe gukamukila bushe. 11Kowobe ne kutengenyeka kwe shango kwakabangalala ne bhamba ne njigwele ne zwinoshingikala zwinotjisa ne zwilakidzo zwikulu zwinodwa kudzimu. 12Koga ikoku kowoti kusathu kukashingikala, banomusunga bakamudziyidza. Banowomukakatila ku bakulu be ng'umba dze mitembezelo ne mu ng'umba dze busungwa, kakale mowoyisiwa mbeli kwa bomambo ne balauli ngekwe zina langu. 13Kobe kwabe tjibaka tjekuti mupe butendeki, 14#Luke 12:11, 12koga simisani mimoyo yenyu, musidziyidzike kuti mowodabila tjini. 15Ngobe ndowomupa matama ne butjenjedu gusingawokundiwa kene kunyanyayidziwa nge zwita zwenyu. 16Mowosungisiwa nge bazwadzi nenge bana ba tate benyu nenge makamu enyu nenge bazwalani benyu, ngono banowobulaya bamwe benyu. 17Bathu bose banowomubenga ngekwe zina langu. 18Koga akuna vudzi ling'ompela mu misholo yenyu linowolashika. 19Nge kudzikitadza kwenyu, mowowana butjilo gwenyu.
Jesu unoleba ngekwe paladziwa kwe Jerusalema
(Matewu 24:15-21; Mako 13:14-19)
20“Koga ha mubona Jerusalema yakakombiwa nge ngwa, zibani kuti tjibaka tje kupaladziwa kwayo. 21Ipapo bamu Judiya ngabatizhile ku matombo, ba mu nzi nkulu ngababhude ne bamu shango basingine mu nzi nkulu. 22#Hoseya 9:7Ngobe eyi ndiyo misi ye kubgwilizila kuti matama wose akakwagwa ashingikale. 23Yee mme wee! Kowobangalala seni kumuli imwi bakadzi bakazwisenga ne banomwisa mu misi iyeyo! Kowobe ne buyendasi bukulu mu shango ne bushongola mu bathu ibaba. 24Banowobulawa nge thumo, ngono bakatapigwa mu zwitjaba zose. Nzi we Jerusalema unowokanyangiwa nge Bezwitjaba, kuswikila tjibaka tjebe Bezwitjaba tjipela.”
Kuzha kwe Nkololo we Nthu
(Matewu 24:29-31; Mako 13:24-27)
25 #
Isaya 13:10; Ezekiele 32:7; Jowele 2:31; Zumbunulo 6:12, 13 “Kowobe ne zwilakidzo mu zhuba ne mu mwedzi nenge mu nyenyedzi. Mu shango zwitjaba zowodziyidzika, zwishanganyiwa nsholo nge kuwona nenge kumidukana kwe vula ye gungwa. 26Bathu betimbamamisiwa ngotja, bedziyidzika nge kuti ini tjinozha mu shango, ngobe masimba apezhugwi anowotengenyeka. 27#Daniyele 7:13; Zumbunulo 1:7Ngono kudwapo banowobona Nkololo we Nthu ezha ali mu gole, nge masimba nenge kukudziwa. 28Ha zwithu izwezwi zwitangisa kushingikala, mumilidze mesho yenyu mulinge pezhugwi, ngobe dzutunugwa kwenyu kowobe kwabe pejo.”
Tjidiyo ngekwe miti
(Matewu 24:32-35; Mako 13:28-31)
29Ipapo kababudza tjifaniso etji, “Mulinge mpaya ne miti yose. 30Ha ithinila, mozwibonegwa mukaziba kuti tjilimo tjabe pejo. 31Sa ikoko ha mubona zwithu izwezwi zwishingikala, zibani kuti bushe gwe Ndzimu gwabe pejo.
32“Ndolebesa ndoti kumuli, zwithu izwezwi zowoshingikala bathu ibaba bangwenu basathu bakapela. 33Zhuzhugwi na pasi zowopela, koga matama angu anowosala.”
Ibeni nenjele
34“Ibeni nenjele kuti ndizo mimoyo yenyu isikuligwe ngoja nenge kulaladza nenge kudziyidzika mu butjilo guno, zhuba ilelo lidwa limubhata se dati makakangang'wa, 35ngobe lowozha mu bathu bose mu shango pamwe ne pamwe. 36Ibeni nenjele, misi yose mutembezele, kuti mube ne simba le kukunda zwithu zose izwezwi ha zwishingikala ne kuma mbeli kwe Nkololo we Nthu.”
37 #
Luke 19:47
Zhuba ne zhuba Jesu wakabe ediya mu Ng'umba ye Ndzimu, ngono madekwana mamwe ne mamwe ebhuda enolala ku dombo linoyi Dombo le Mitoba. 38Mangwanana bathu bose bakabe bezha kunli kuwunhwilila mu Ng'umba ye Ndzimu.
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Kalanga Bible © Bible Society of Botswana, 2008, 2018.