<div class="version vid1157 iso6393lbk" data-vid="1157" data-iso6393="lbk">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">Nan Makwani Maipoon isnan Genesis</span></div><div class="ip"><span class="content">Nan ayen nan kali ay Genesis et </span><span class="bdit"><span class="content">Lapona</span></span><span class="content">. Okhochen nan nay liblo nan nenwad-ayan Apo Dios isnan lofong, nan takho, ya nan ngonon, nan nailapowan nan fasol, nan nanginaakhan nan takho isnan likhat khapo isnan fasol, ya nan okhali ay ipailan Apo Dios isnan am-in ay takho. Mabfalin ay khedwaen tako nan Genesis is chwa ay parti:</span></div><div class="ip"><span class="content">1. Kapitolo 1-11: Nan nawad-ayan nan lofong ya nan kaokhochan nan nalpowan nan takho. Maokhod sina nan maipoon ken cha Adan ya si Eva, Cain ya si Abel, Noe ya nan lifog, ya nan tori id Babilonia.</span></div><div class="ip"><span class="content">2. Kapitolo 12 - 50: Nan kaokhochan nan ikik-it nan cheycha'y Israelitas. Si Abraham nan inmona, ya nachamchamag khapo isnan pammatina ken Apo Dios. Wad-ay akhes sina nan kaog-okhochan cha Isaac ay aman Jacob (ay makwanin Israel) ya nan cheycha'y sinpoo ya chwa ay an-ak Jacob. Chaicha nan namangon isnan sinpoo ya chwa ay tribon Israel. Nan wadwad-ay ay maokhod isna et si Jose ay esang isnan an-ak Jacob ya nan khapon nan inmayan nan pangafong Jacob ay en nakiili id Egipto.</span></div><div class="ip"><span class="content">Olay mo okhochen nan nay liblo nan maipoon isnan takho, ngem nan chadlos kapatekhan et nan inang-angnen Apo Dios. Nailapo isnan nangab-ana isnan ngonon ya isnan anongosna isnan mangikaliyan Apo Dios ay at itot-oloyna ay manoktokkhong isnan takhona. Nan chadlos maog-okhod isnan nay ay liblo et nan okhalin Apo Dios ay mangokom ya menchosa isnan mangangnen isnan ngaag, ya nan mangichad-alanana ya mamadfachangana isnan takhona. Nan nay liblo et nakhaeb ta maisolat nan kaokhochan nan pammatin nan takho ya ta fachangana chatako tatno ad-i tako iwayang nan pammati, mod-i ket ta pabfikasen tako ya palamoten tako nan pammati tako.</span></div><div class="iot"><span class="content">Nan Linaona</span></div><div class="io1"><span class="content">Nan nawad-ayan nan ngonon ya nan takho 1:1 - 2:25</span></div><div class="io1"><span class="content">Nan lapon nan fasol ya nan likhat 3:1-24</span></div><div class="io1"><span class="content">Nan wanen-ed cha Adan engkhana ken Noe 4:1 - 5:32</span></div><div class="io1"><span class="content">Si Noe ya nan lifog 6:1 - 10:32</span></div><div class="io1"><span class="content">Nan tori id Babilonia 11:1-9</span></div><div class="io1"><span class="content">Nan wanen-ed cha Sem engkhana ken Abram 11:10-32</span></div><div class="io1"><span class="content">Nan ikik-it nan Israelitas: Abraham, Isaac ya si Jacob 12:1 - 35:29</span></div><div class="io1"><span class="content">Nan wanen-ed Esau 36:1-43</span></div><div class="io1"><span class="content">Si Jose ya nan et-adna 37:1 - 45:28</span></div><div class="io1"><span class="content">Nan Israelitas id Egipto 46:1 - 50:26</span></div>
        </div>
    </div>
</div>

Nan Makwani Maipoon isnan Genesis
Nan ayen nan kali ay Genesis et Lapona . Okhochen nan nay liblo nan nenwad-ayan Apo Dios isnan lofong, nan takho, ya nan ngonon, nan nailapowan nan fasol, nan nanginaakhan nan takho isnan likhat khapo isnan fasol, ya nan okhali ay ipailan Apo Dios isnan am-in ay takho. Mabfalin ay khedwaen tako nan Genesis is chwa ay parti:
1. Kapitolo 1-11: Nan nawad-ayan nan lofong ya nan kaokhochan nan nalpowan nan takho. Maokhod sina nan maipoon ken cha Adan ya si Eva, Cain ya si Abel, Noe ya nan lifog, ya nan tori id Babilonia.
2. Kapitolo 12 - 50: Nan kaokhochan nan ikik-it nan cheycha'y Israelitas. Si Abraham nan inmona, ya nachamchamag khapo isnan pammatina ken Apo Dios. Wad-ay akhes sina nan kaog-okhochan cha Isaac ay aman Jacob (ay makwanin Israel) ya nan cheycha'y sinpoo ya chwa ay an-ak Jacob. Chaicha nan namangon isnan sinpoo ya chwa ay tribon Israel. Nan wadwad-ay ay maokhod isna et si Jose ay esang isnan an-ak Jacob ya nan khapon nan inmayan nan pangafong Jacob ay en nakiili id Egipto.
Olay mo okhochen nan nay liblo nan maipoon isnan takho, ngem nan chadlos kapatekhan et nan inang-angnen Apo Dios. Nailapo isnan nangab-ana isnan ngonon ya isnan anongosna isnan mangikaliyan Apo Dios ay at itot-oloyna ay manoktokkhong isnan takhona. Nan chadlos maog-okhod isnan nay ay liblo et nan okhalin Apo Dios ay mangokom ya menchosa isnan mangangnen isnan ngaag, ya nan mangichad-alanana ya mamadfachangana isnan takhona. Nan nay liblo et nakhaeb ta maisolat nan kaokhochan nan pammatin nan takho ya ta fachangana chatako tatno ad-i tako iwayang nan pammati, mod-i ket ta pabfikasen tako ya palamoten tako nan pammati tako.
Nan Linaona
Nan nawad-ayan nan ngonon ya nan takho 1:1 - 2:25
Nan lapon nan fasol ya nan likhat 3:1-24
Nan wanen-ed cha Adan engkhana ken Noe 4:1 - 5:32
Si Noe ya nan lifog 6:1 - 10:32
Nan tori id Babilonia 11:1-9
Nan wanen-ed cha Sem engkhana ken Abram 11:10-32
Nan ikik-it nan Israelitas: Abraham, Isaac ya si Jacob 12:1 - 35:29
Nan wanen-ed Esau 36:1-43
Si Jose ya nan et-adna 37:1 - 45:28
Nan Israelitas id Egipto 46:1 - 50:26

Klausytis Genesis Nan Makwani Maipoon isnan Genesis