Surat Ralan na'a Vaidida

<div class="version vid2178 iso6393frd" data-vid="2178" data-iso6393="frd">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Yohanes norat ne, Yesus yai Raja i ntevut dida salasilan ra te wahal</div><div class="r"> Lukas 7:18-35</div><div class="p"> 1Na&#42892;ut i Yesus nair munuk roak Ni tamata vutu rahin irua ovi rorang Ia, na nban-talik wan yai ma ti nair tamata ra ovu nfamalik Ubu Ni Ivar Lolin na&#42892;a ahu ovi rna&#42892;a propinsi Galilea.</div><div class="p"> 2Na&#42892;ut inyai, na Yohanes i nbaptis tamata ra nana&#42892;a roak bu&#42892;i ralan. Ia nrenar na&#42892;a afa ovi Yesus notu ra, 3ba nsinir ni tamata ifira ma ti rorat Yesus ne, &#8220;Bapa, Oa ini Raja i veka mtevut mami salasilan ra, wean i Ubu nfadoku roak na&#42892;a Ni tnorung a, te musti amnaban tamata liak?&#8221;</div><div class="p"> 4Ba Yesus nfalak verin ira ne, &#8220;Myewal mia ma fyamalik verin Yohanes na&#42892;a afa ovi mryenar, ovu afa ovi msyi&#42892;ik ra. 5Tamata ovi rkibu rsirea ewal, tamata ovi raklukut rbana nala ewal. Tamata ovi rira suhut ngabaa lolin ewal ira, ovu tamata ovi raktun, rafrenar ewal. Tamata ovi rmata roak rva&#42892;at ewal, ovu ufamalik Ubu Ni Ivar Lolin verin tamata ovi kasian ra. 6Ubu naflahar tamata ovi ralarira ra wol raruan na&#42892;a rira inorang verin Ya&#42892;a.&#8221;</div><div class="s">Yesus nangrihi na&#42892;a Yohanes i nbaptis tamata ra</div><div class="p"> 7Ti ma Yohanes ni tamata ra rban-talik wan yai, na Yesus nfamalik Yohanes verin tamata rivun ovi rna&#42892;a inyai. Ia nfalak ne, &#8220;Na&#42892;ut i miti wan lean vu dawan yai ma msyi&#42892;ik Yohanes, na minovak aka? Miti ma msyi&#42892;ik tavtevu ovi nait nean tia ma watan ira a? Wahal! 8Inabira ma ti msyi&#42892;ik aka? Beta ne inabira ma msyi&#42892;ik tamata isa i neluk kadaravit ovi lolin urun a? Wahal, tevek tamata ovi reluk kadaravit lolin ra rleal raja rira rahan dawan ra. 9Inabira ma ti msyi&#42892;ik aka? Beta ne inabira ma msyi&#42892;ik nabi isa? Wean inyai, na kena lahir, ovu Yohanes ni dawan a nlia nabi ra. 10Tevek lan a, Ubu nfamalik ia na&#42892;a Ni Surat Ralan a, ma nfalak ne, &#8216;Ini Ya&#42892;a Ning tamata sansinir a,</div><div class="q1">Ya&#42892;a usinir lan ia, beti Oa,</div><div class="q1">ma nasusan Mu linga&#42892;an a.&#8217;#11:10 Keluaran 23:20; Malakhi 3:1</div><div class="p"> 11Afa i ufalak verin mia ini, kena urun! Tali lalan ma naran amar ini, wol tamata isa vali ni dawan a veran lia Yohanes i nbaptis tamata ra. Na&#42892;uk tamata ovi rtorung ma Ubu nfareta rira vava&#42892;at ra, na rira dawan a nlia Yohanes, velik ne tamata ko&#42892;u ira watan. 12Tali amar i Yohanes betmane nfamalik Ubu Ni banbanan a, ma naran amar ini, na tamata ovi rsitaha sian ra rangal Ubu Ni Fareta a. 13Tevek Yohanes wol nma obin, na tali lalan ana, Musa ni inukun ra ovu nabi ra rfamalik roak Ubu Ni Fareta a. 14Wean i inabira ma myorang afa ovi ufalak ra, na eka mryenar. Lan ana, rfadoku roak na&#42892;a Surat Ralan ne, nabi Elia veka nma ewal. Velik aba, ia nfamalik Yohanes.#11:14 Malakhi 4:5-6 15Iki arun, na eka nrenar ma lolin!</div><div class="p"> 16Ya&#42892;a veka ala vaivatul kamkuma aka ma ufamalik tamata ovi rva&#42892;at na&#42892;a tuvu ini? Ira wearira kasiko&#42892;u ovi rdoku wan i rfedi-rfaha afa na&#42892;a, ma rafwak verin rira kida ra ne, 17&#8216;Amafraik flo&#42892;its verin mia, na&#42892;uk mifena ma msyo&#42892;i-msyomar. Amdedang dadedang ovi lalau ra, na&#42892;uk wol byakar.&#8217; 18Wean inyai vali verin Yohanes i nma ma ntolat ovu wol nenu anggur a, na&#42892;uk rafena ia ma rfalak ne, &#8216;Nait sian nleal ia.&#8217; 19Ya&#42892;a, Tamata Yanan Ya&#42892;a, uma ma ufna&#42892;an ovu ufnenu. Ira rafena vali Ya&#42892;a, ma rfalak ne, &#8216;Ia nafna&#42892;an sian ovu ba&#42892;i nanavut, ovu notu kida ovu tamata ovi ba&#42892;i rera babahir kulu ra, ovu vali notu kida ovu tamata salasilan ra!&#8217; Velik ne wean inyai, na&#42892;uk tali afa ovi Ubu Ni tamata ra rotu, na tamata ra veka rsi&#42892;ik ne, Ni kaka&#42892;a dawan a kena.&#8221;</div><div class="s">Yesus ntabu tamata Yahudi ovi wol rorang Ia</div><div class="r"> Lukas 10:13-15</div><div class="p"> 20Yesus ntabu tamata ovi rleal ahu ovi notu roak mujizat rivun na&#42892;a, tevek wol rahil ma rtalik tali rira salasilan ra obin. 21Ia nfalak ne, &#8220;Sian urun i lahir verin mia tamata ovi mtyali ahu Korazim ovu ahu Betsaida! Ya&#42892;a otu mujizat rivun roak na&#42892;a bira ahu ra, na&#42892;uk wol myahil ma mtyalik tali bira salasilan ra obin. Lalan a, tamata ra na&#42892;a kota Tirus ovu Sidon rira sian a dawan urun, ovu wol rsi&#42892;ik mujizat i wean mujizat avyai. Na&#42892;uk wean i otu mujizat wean avyai na&#42892;ut lalan a na&#42892;a inyai, na ira rahil ma mnanat roak ma rtalik tali rira salasilan ra, ovu reluk roak kadaravit ovi rotu tali bibi vulun ra, ovu vali rdoku fun ma rfadoku kfuan na&#42892;a ulurira ra.#11:21 Ira rotu wean inyai ma al nfaturu ne, ralarira lalau urun ma rahil roak ma rtalik tali rira salasilan ra. 22Na&#42892;uk ufalak verin mia ne, na&#42892;a amar i Ubu veka nukun tamata ra, na inukun i nala verin tamata ovi rna&#42892;a Tirus ovu Sidon maraan lia mia. 23Tamata ovi mnya&#42892;a ahu Kapernaum! Mnyarin ne Ubu veka nfasaka mia ma mirata lanit ratan? Wahal lahir! Ubu veka naling vatuk mia ma ti mnya&#42892;a yafwan kakiwal. Otu mujizat rivun roak na&#42892;a wahabira ralan ra, na&#42892;uk wol myahil. Wean i mujizat avyai na&#42892;a kota i ni sian a dawan naran Sodom, na ira rahil roak ma kota yai ndiri obin ma naran amar ini.#11:23 Na&#42892;a vai Yunani, vaivatul Hades ihin a ne, matmatan wan. 24Na&#42892;uk ufalak verin mia ne, na&#42892;a amar i Ubu veka nukun tamata ra, na Ni inukun i veka nala verin mia aleman lia tali inukun i veka nala verin tamata ovi rna&#42892;a kota Tirus ovu kota Sidon.&#8221;</div><div class="s">Yesus nair ita ma ralad lolin verin Ubu</div><div class="r"> Lukas 10:21-22</div><div class="p"> 25Nata Yesus naflurut ma nfalak ne, &#8220;Duila&#42892;a, Yamang Oa! Oa fwareta lanit ratan ovu lanit ivavan a! Ufalak fara weninyai verin Oa, tevek wol fwalyawang munuk afa avyai verin tamata ovi rira kaka&#42892;a dawan a, ovu tamata ovi rbitar ra. Na&#42892;uk Oa fwalyawang verin tamata ovi ka&#42892;i rfikir ne, ira wearira kasiko&#42892;u ra.#11:25 Afa avyai ihin a ne, afa ovi kena te afa ovi Yesus nair ra munuk, na&#42892;uk tafsiran ra rsitaku ulurira ra. 26Bapa, afa avyai rotu ma ralam lolin urun.#11:26 Yesus naflurut munuk roak verin Yaman a. Na&#42892;a ayat 27, na Ia nangrihi verin Ni tamata ra.</div><div class="p"> 27Yamang nala munuk roak afakataka verin Ya&#42892;a.#11:27 Tafsiran boku rfalak ne, Ubu nala munuk kaka&#42892;a dawan verin Yesus. Tamata ovi rna&#42892;a lanit ivavan a wol rka&#42892;a Ya&#42892;a. Yamang a&#42892;uk sa&#42892;i nka&#42892;a Ya&#42892;a. Tamata ovi rna&#42892;a lanit ivavan a vali wol rka&#42892;a Yamang a. Ya&#42892;a a&#42892;uk sa&#42892;i uka&#42892;a Ia, ovu vali tamata ovi ralang a nfalak ma ufalyawang Yamang a verin ira. 28Ya&#42892;a era ma tamata ovi mifrea ra, ovu vali tamata ovi bira varvara aleman ra, mya boma otu ma myari mia.#11:28 Tamata ni varvara aleman ihin a wean ini: Tamata Yahudi rkarya ma dawan ma rorang rira inukun ovu adat ra. Tamata Farisi ra rkiwal tamata Yahudi ra ma rorang afa avyai munuk, boma ki rti lanit ratan a. Na&#42892;uk wol kena, tevek wol tamata isa vali norang lahir inukun ovu adat ra munuk, ba wol rka&#42892;a ne, veka rna&#42892;a lanit ratan, te veka rna&#42892;a yafwan kakiwal. 29Myorang afa ovi air verin mia ovu afa ovi ufalak ra, tevek ufakabava tenang a ovu ufamafung ralang verin mia. Mia ralabira ra veka malinan vali. 30Varvara i ala verin mia yai maraan watan, ovu afa ovi ufalak ma myotu ra wol susa ma fyabana.&#8221;</div>
 </div>
 </div>
</div>

Naꞌut i Yesus nair munuk roak Ni tamata vutu rahin irua ovi rorang Ia, na nban-talik wan yai ma ti nair tamata ra ovu nfamalik Ubu Ni Ivar Lolin naꞌa ahu ovi rnaꞌa propinsi Galilea.
Naꞌut inyai, na Yohanes i nbaptis tamata ra nanaꞌa roak buꞌi ralan. Ia nrenar naꞌa afa ovi Yesus notu ra, ba nsinir ni tamata ifira ma ti rorat Yesus ne, “Bapa, Oa ini Raja i veka mtevut mami salasilan ra, wean i Ubu nfadoku roak naꞌa Ni tnorung a, te musti amnaban tamata liak?”
Ba Yesus nfalak verin ira ne, “Myewal mia ma fyamalik verin Yohanes naꞌa afa ovi mryenar, ovu afa ovi msyiꞌik ra. Tamata ovi rkibu rsirea ewal, tamata ovi raklukut rbana nala ewal. Tamata ovi rira suhut ngabaa lolin ewal ira, ovu tamata ovi raktun, rafrenar ewal. Tamata ovi rmata roak rvaꞌat ewal, ovu ufamalik Ubu Ni Ivar Lolin verin tamata ovi kasian ra. Ubu naflahar tamata ovi ralarira ra wol raruan naꞌa rira inorang verin Yaꞌa.”

Ti ma Yohanes ni tamata ra rban-talik wan yai, na Yesus nfamalik Yohanes verin tamata rivun ovi rnaꞌa inyai. Ia nfalak ne, “Naꞌut i miti wan lean vu dawan yai ma msyiꞌik Yohanes, na minovak aka? Miti ma msyiꞌik tavtevu ovi nait nean tia ma watan ira a? Wahal! Inabira ma ti msyiꞌik aka? Beta ne inabira ma msyiꞌik tamata isa i neluk kadaravit ovi lolin urun a? Wahal, tevek tamata ovi reluk kadaravit lolin ra rleal raja rira rahan dawan ra. Inabira ma ti msyiꞌik aka? Beta ne inabira ma msyiꞌik nabi isa? Wean inyai, na kena lahir, ovu Yohanes ni dawan a nlia nabi ra. Tevek lan a, Ubu nfamalik ia naꞌa Ni Surat Ralan a, ma nfalak ne, ‘Ini Yaꞌa Ning tamata sansinir a,
Yaꞌa usinir lan ia, beti Oa,
ma nasusan Mu lingaꞌan a.’
Afa i ufalak verin mia ini, kena urun! Tali lalan ma naran amar ini, wol tamata isa vali ni dawan a veran lia Yohanes i nbaptis tamata ra. Naꞌuk tamata ovi rtorung ma Ubu nfareta rira vavaꞌat ra, na rira dawan a nlia Yohanes, velik ne tamata koꞌu ira watan. Tali amar i Yohanes betmane nfamalik Ubu Ni banbanan a, ma naran amar ini, na tamata ovi rsitaha sian ra rangal Ubu Ni Fareta a. Tevek Yohanes wol nma obin, na tali lalan ana, Musa ni inukun ra ovu nabi ra rfamalik roak Ubu Ni Fareta a. Wean i inabira ma myorang afa ovi ufalak ra, na eka mryenar. Lan ana, rfadoku roak naꞌa Surat Ralan ne, nabi Elia veka nma ewal. Velik aba, ia nfamalik Yohanes. Iki arun, na eka nrenar ma lolin!
Yaꞌa veka ala vaivatul kamkuma aka ma ufamalik tamata ovi rvaꞌat naꞌa tuvu ini? Ira wearira kasikoꞌu ovi rdoku wan i rfedi-rfaha afa naꞌa, ma rafwak verin rira kida ra ne, ‘Amafraik floꞌits verin mia, naꞌuk mifena ma msyoꞌi-msyomar. Amdedang dadedang ovi lalau ra, naꞌuk wol byakar.’ Wean inyai vali verin Yohanes i nma ma ntolat ovu wol nenu anggur a, naꞌuk rafena ia ma rfalak ne, ‘Nait sian nleal ia.’ Yaꞌa, Tamata Yanan Yaꞌa, uma ma ufnaꞌan ovu ufnenu. Ira rafena vali Yaꞌa, ma rfalak ne, ‘Ia nafnaꞌan sian ovu baꞌi nanavut, ovu notu kida ovu tamata ovi baꞌi rera babahir kulu ra, ovu vali notu kida ovu tamata salasilan ra!’ Velik ne wean inyai, naꞌuk tali afa ovi Ubu Ni tamata ra rotu, na tamata ra veka rsiꞌik ne, Ni kakaꞌa dawan a kena.”


Yesus ntabu tamata ovi rleal ahu ovi notu roak mujizat rivun naꞌa, tevek wol rahil ma rtalik tali rira salasilan ra obin. Ia nfalak ne, “Sian urun i lahir verin mia tamata ovi mtyali ahu Korazim ovu ahu Betsaida! Yaꞌa otu mujizat rivun roak naꞌa bira ahu ra, naꞌuk wol myahil ma mtyalik tali bira salasilan ra obin. Lalan a, tamata ra naꞌa kota Tirus ovu Sidon rira sian a dawan urun, ovu wol rsiꞌik mujizat i wean mujizat avyai. Naꞌuk wean i otu mujizat wean avyai naꞌut lalan a naꞌa inyai, na ira rahil ma mnanat roak ma rtalik tali rira salasilan ra, ovu reluk roak kadaravit ovi rotu tali bibi vulun ra, ovu vali rdoku fun ma rfadoku kfuan naꞌa ulurira ra. Naꞌuk ufalak verin mia ne, naꞌa amar i Ubu veka nukun tamata ra, na inukun i nala verin tamata ovi rnaꞌa Tirus ovu Sidon maraan lia mia. Tamata ovi mnyaꞌa ahu Kapernaum! Mnyarin ne Ubu veka nfasaka mia ma mirata lanit ratan? Wahal lahir! Ubu veka naling vatuk mia ma ti mnyaꞌa yafwan kakiwal. Otu mujizat rivun roak naꞌa wahabira ralan ra, naꞌuk wol myahil. Wean i mujizat avyai naꞌa kota i ni sian a dawan naran Sodom, na ira rahil roak ma kota yai ndiri obin ma naran amar ini. Naꞌuk ufalak verin mia ne, naꞌa amar i Ubu veka nukun tamata ra, na Ni inukun i veka nala verin mia aleman lia tali inukun i veka nala verin tamata ovi rnaꞌa kota Tirus ovu kota Sidon.”


Nata Yesus naflurut ma nfalak ne, “Duilaꞌa, Yamang Oa! Oa fwareta lanit ratan ovu lanit ivavan a! Ufalak fara weninyai verin Oa, tevek wol fwalyawang munuk afa avyai verin tamata ovi rira kakaꞌa dawan a, ovu tamata ovi rbitar ra. Naꞌuk Oa fwalyawang verin tamata ovi kaꞌi rfikir ne, ira wearira kasikoꞌu ra. Bapa, afa avyai rotu ma ralam lolin urun.
Yamang nala munuk roak afakataka verin Yaꞌa. Tamata ovi rnaꞌa lanit ivavan a wol rkaꞌa Yaꞌa. Yamang aꞌuk saꞌi nkaꞌa Yaꞌa. Tamata ovi rnaꞌa lanit ivavan a vali wol rkaꞌa Yamang a. Yaꞌa aꞌuk saꞌi ukaꞌa Ia, ovu vali tamata ovi ralang a nfalak ma ufalyawang Yamang a verin ira. Yaꞌa era ma tamata ovi mifrea ra, ovu vali tamata ovi bira varvara aleman ra, mya boma otu ma myari mia. Myorang afa ovi air verin mia ovu afa ovi ufalak ra, tevek ufakabava tenang a ovu ufamafung ralang verin mia. Mia ralabira ra veka malinan vali. Varvara i ala verin mia yai maraan watan, ovu afa ovi ufalak ma myotu ra wol susa ma fyabana.”

Klausytis Matius 11