<div class="version vid2197 iso6393tgl" data-vid="2197" data-iso6393="tgl">
 <div class="book bkACT">
 <div class="chapter ch2" data-usfm="ACT.2">
 <div class="label">2</div><div class="s">Ang Pagdating ng Espiritu Santo</div><div class="p"> 1Nagkakatipon#Lev. 23:15-21; Deut. 16:9-11. silang lahat sa isang lugar nang sumapit ang araw ng Pentecostes. 2Walang anu-ano'y may ingay na nagmula sa langit, na tulad ng ugong ng malakas na hangin, at napuno nito ang bahay na kinaroroonan nila. 3May nakita silang parang mga dilang apoy na dumapo sa bawat isa sa kanila, 4at silang lahat ay napuspos ng Espiritu Santo at nagsimulang magsalita ng iba't ibang wika, ayon sa ipinagkaloob sa kanila ng Espiritu.</div><div class="p"> 5May mga debotong Judio noon sa Jerusalem na nagmula sa bawat bansa sa buong mundo. 6Nang marinig nila ang ugong, nagdatingan ang maraming tao. Namangha sila sapagkat nagsasalita ang mga alagad sa wika ng mga nakikinig. 7Sa pagkamangha at pagtataka ay kanilang nasabi, &#8220;Hindi ba taga-Galilea silang lahat? 8Bakit sila nakapagsasalita sa ating wika? 9Tayo'y mga taga-Partia, Media, Elam, Mesopotamia, Judea at Capadocia, Ponto at Asia#2:9 ASIA: Nang panahong iyon, ang &#8220;Asia&#8221; ay tumutukoy sa isang lalawigan na sakop ng Imperyong Romano. Malaking bahagi ng lugar na ito ay sakop ngayon ng bansang Turkey.. 10Mayroon pa sa ating taga-Frigia at Pamfilia, Egipto at sa mga lupain ng Libya na malapit sa bayan ng Cirene, at mga nagmula sa Roma, mga Judio at mga Hentil na nahikayat sa pananampalatayang Judio. 11May mga taga-Creta at Arabia rin. Paano sila nakapagsasalita sa ating mga wika tungkol sa mga kahanga-hangang ginawa ng Diyos?&#8221; 12Hindi nila lubusang maunawaan ang nangyari, kaya't nagtanungan sila, &#8220;Ano ang kahulugan nito?&#8221;</div><div class="p"> 13Ngunit may ilang nagsabi nang pakutya, &#8220;Lasing lang ang mga iyan!&#8221;</div><div class="s">Nangaral si Pedro</div><div class="p"> 14Kaya't tumayo si Pedro, kasama ng labing-isang apostol, at nagsalita nang malakas, &#8220;Mga taga-Judea, at kayong lahat na nakatira sa Jerusalem, pakinggan ninyong mabuti ang sasabihin ko. 15Hindi lasing ang mga taong ito, gaya ng palagay ninyo. Alas nuwebe pa lamang ng umaga ngayon. 16Ang nakikita ninyo'y katuparan ng ipinahayag ni Propeta Joel,</div><div class="q1"> 17&#8216;Ito#Joel 2:28-32 (LXX). ang gagawin ko sa mga huling araw,&#8217; sabi ng Diyos,</div><div class="q1">&#8216;Ibubuhos ko ang aking Espiritu sa lahat ng tao;</div><div class="q2">ipahahayag ng inyong mga anak na lalaki at babae ang aking mensahe.</div><div class="q1">Ang inyong mga kabataang lalaki ay makakakita ng mga pangitain,</div><div class="q2">at ang inyong matatandang lalaki ay magkakaroon ng mga panaginip.</div><div class="q1"> 18Sa panahong iyon, ibubuhos ko rin ang aking Espiritu,</div><div class="q2">sa aking mga alipin, maging lalaki at maging babae,</div><div class="q2">at ipahahayag nila ang aking mensahe.</div><div class="q1"> 19Magpapakita ako ng mga kababalaghan sa langit</div><div class="q2">at mga himala sa lupa;</div><div class="q2">dugo, apoy at makapal na usok.</div><div class="q1"> 20Ang araw ay magdidilim,</div><div class="q2">ang buwan ay pupulang parang dugo,</div><div class="q2">bago dumating ang dakila at maluwalhating araw ng Panginoon.</div><div class="q1"> 21At sinumang tumawag sa pangalan ng Panginoon ay maliligtas.&#8217;</div><div class="p"> 22&#8220;Mga Israelita, pakinggan ninyo ito! Si Jesus na taga-Nazaret ay sinugo ng Diyos. Pinatunayan ito ng mga himala, mga kababalaghan, at mga palatandaang ginawa ng Diyos sa pamamagitan niya. Alam ninyo ito sapagkat ang lahat ng ito ay naganap sa kalagitnaan ninyo. 23Ang Jesus na ito, na ipinagkanulo sa inyo ayon sa pasya at kaalaman ng Diyos sa mula't mula pa, ay ipinapako ninyo at ipinapatay sa mga taong masasama. 24Subalit#Mt. 28:5-6; Mc. 16:6; Lu. 24:5. siya'y muling binuhay ng Diyos at pinalaya mula sa kapangyarihan ng kamatayan, sapagkat hindi maaaring siya'y bihagin nito, 25gaya#Awit 16:8-11 (LXX). ng sinabi ni David tungkol sa kanya,</div><div class="q1">&#8216;Nakita ko ang Panginoon na lagi kong kasama,</div><div class="q2">hindi ako matitinag sapagkat kapiling ko siya.</div><div class="q1"> 26Dahil dito, natuwa ang puso ko at</div><div class="q2">ang mga salita ko'y napuno ng galak,</div><div class="q2">at ang katawan ko'y mananatiling may pag-asa.</div><div class="q1"> 27Sapagkat ang kaluluwa ko'y di mo pababayaan sa daigdig ng mga patay,#2:27 daigdig ng mga patay: Sa Griego ay Hades.</div><div class="q1">At hindi mo hahayaang makaranas ng pagkabulok ang iyong Banal na Lingkod.</div><div class="q1"> 28Itinuro mo sa akin ang mga landas patungo sa buhay,</div><div class="q2">dahil ikaw ang kasama ko, ako'y mapupuno ng kagalakan.&#8217;</div><div class="p"> 29&#8220;Mga kapatid, may katiyakang sinasabi ko sa inyo na ang ninuno nating si David ay namatay at inilibing, at naririto ang kanyang libingan hanggang ngayon. 30Siya'y#Awit 132:11; 2 Sam. 7:12-13. propeta at alam niya ang pangako sa kanya ng Diyos, na magiging haring tulad niya ang isang magmumula sa kanyang angkan. 31Noon pa man ay nakita na ni David ang muling pagkabuhay ng Cristo at ipinahayag niya ito nang kanyang sabihing, &#8216;hindi siya pinabayaan sa daigdig ng mga patay,#2:31 daigdig ng mga patay: Sa Griego ay Hades. at hindi nakaranas ng pagkabulok ang kanyang katawan.&#8217; 32Ang Jesus na ito ay muling binuhay ng Diyos at saksi kaming lahat sa pangyayaring iyon. 33Pinaupo siya sa kanan ng Diyos at tinanggap niya mula sa Ama ang ipinangakong Espiritu Santo. Ito ang kanyang ibinuhos sa amin, tulad ng inyong nakikita at naririnig. 34Hindi#Awit 110:1. si David ang umakyat sa langit, kundi sinabi lamang niya,</div><div class="q1">&#8216;Sinabi ng Panginoon sa aking Panginoon,</div><div class="q2">&#8220;Maupo ka sa kanan ko,</div><div class="q1"> 35hanggang lubusan kong mapasuko sa iyo ang mga kaaway mo.&#8221;&#8217;</div><div class="p"> 36&#8220;Kaya't dapat malaman ng buong Israel na itong si Jesus na ipinako ninyo sa krus ay siyang ginawa ng Diyos na Panginoon at Cristo!&#8221;</div><div class="p"> 37Nabagabag ang kanilang kalooban nang marinig ito, kaya't tinanong nila si Pedro at ang ibang mga apostol, &#8220;Mga kapatid, ano ang dapat naming gawin?&#8221;</div><div class="p"> 38Sumagot si Pedro, &#8220;Pagsisihan ninyo't talikuran ang inyong mga kasalanan at magpabautismo kayo sa pangalan ni Jesu-Cristo upang kayo'y patawarin; at tatanggapin ninyo ang kaloob ng Espiritu Santo. 39Sapagkat ang pangako ay para sa inyo at sa inyong mga anak, at sa lahat ng nasa malayo, sa bawat taong tatawagin ng ating Panginoong Diyos.&#8221;</div><div class="p"> 40Marami pang inilahad si Pedro upang patunayan ang kanyang sinabi, at nanawagan siya sa kanila, &#8220;Iligtas ninyo ang inyong mga sarili mula sa parusang sasapitin ng masamang lahing ito.&#8221;</div><div class="p"> 41Kaya't ang mga naniwala sa ipinangaral niya ay nagpabautismo, at nadagdagan ang mga alagad ng may tatlong libong katao nang araw na iyon. 42Inilaan nila ang kanilang mga sarili upang matuto sa turo ng mga apostol, magsama-sama bilang magkakapatid, magsalu-salo sa pagkain ng tinapay, at manalangin.</div><div class="s">Ang Pamumuhay ng mga Sumasampalataya</div><div class="p"> 43Dahil sa maraming himala at kababalaghang ginagawa sa pamamagitan ng mga apostol [sa Jerusalem],#2:43 sa Jerusalem: Sa ibang manuskrito'y hindi nakasulat ang mga salitang ito. naghari sa lahat ang takot. 44Nagsama-sama#Gw. 4:32-35. ang lahat ng sumasampalataya at ang kanilang mga ari-arian ay itinuring na para sa lahat. 45Ipinagbili nila ang kanilang mga ari-arian at ang napagbilhan ay ipinamahagi sa bawat isa ayon sa kanyang pangangailangan. 46Araw-araw, sila'y nagkakatipon sa Templo at nagpipira-piraso ng tinapay sa kanilang mga tahanan, na masaya at may malinis na kalooban. 47Nagpupuri sila sa Diyos, at kinalulugdan sila ng lahat ng tao. At bawat araw ay idinaragdag sa kanila ng Panginoon ang mga inililigtas.</div>
 </div>
 </div>
</div>

Nagkakatipon silang lahat sa isang lugar nang sumapit ang araw ng Pentecostes. Walang anu-ano'y may ingay na nagmula sa langit, na tulad ng ugong ng malakas na hangin, at napuno nito ang bahay na kinaroroonan nila. May nakita silang parang mga dilang apoy na dumapo sa bawat isa sa kanila, at silang lahat ay napuspos ng Espiritu Santo at nagsimulang magsalita ng iba't ibang wika, ayon sa ipinagkaloob sa kanila ng Espiritu.
May mga debotong Judio noon sa Jerusalem na nagmula sa bawat bansa sa buong mundo. Nang marinig nila ang ugong, nagdatingan ang maraming tao. Namangha sila sapagkat nagsasalita ang mga alagad sa wika ng mga nakikinig. Sa pagkamangha at pagtataka ay kanilang nasabi, “Hindi ba taga-Galilea silang lahat? Bakit sila nakapagsasalita sa ating wika? Tayo'y mga taga-Partia, Media, Elam, Mesopotamia, Judea at Capadocia, Ponto at Asia. Mayroon pa sa ating taga-Frigia at Pamfilia, Egipto at sa mga lupain ng Libya na malapit sa bayan ng Cirene, at mga nagmula sa Roma, mga Judio at mga Hentil na nahikayat sa pananampalatayang Judio. May mga taga-Creta at Arabia rin. Paano sila nakapagsasalita sa ating mga wika tungkol sa mga kahanga-hangang ginawa ng Diyos?” Hindi nila lubusang maunawaan ang nangyari, kaya't nagtanungan sila, “Ano ang kahulugan nito?”
Ngunit may ilang nagsabi nang pakutya, “Lasing lang ang mga iyan!”

Kaya't tumayo si Pedro, kasama ng labing-isang apostol, at nagsalita nang malakas, “Mga taga-Judea, at kayong lahat na nakatira sa Jerusalem, pakinggan ninyong mabuti ang sasabihin ko. Hindi lasing ang mga taong ito, gaya ng palagay ninyo. Alas nuwebe pa lamang ng umaga ngayon. Ang nakikita ninyo'y katuparan ng ipinahayag ni Propeta Joel,
‘Ito ang gagawin ko sa mga huling araw,’ sabi ng Diyos,
‘Ibubuhos ko ang aking Espiritu sa lahat ng tao;
ipahahayag ng inyong mga anak na lalaki at babae ang aking mensahe.
Ang inyong mga kabataang lalaki ay makakakita ng mga pangitain,
at ang inyong matatandang lalaki ay magkakaroon ng mga panaginip.
Sa panahong iyon, ibubuhos ko rin ang aking Espiritu,
sa aking mga alipin, maging lalaki at maging babae,
at ipahahayag nila ang aking mensahe.
Magpapakita ako ng mga kababalaghan sa langit
at mga himala sa lupa;
dugo, apoy at makapal na usok.
Ang araw ay magdidilim,
ang buwan ay pupulang parang dugo,
bago dumating ang dakila at maluwalhating araw ng Panginoon.
At sinumang tumawag sa pangalan ng Panginoon ay maliligtas.’
“Mga Israelita, pakinggan ninyo ito! Si Jesus na taga-Nazaret ay sinugo ng Diyos. Pinatunayan ito ng mga himala, mga kababalaghan, at mga palatandaang ginawa ng Diyos sa pamamagitan niya. Alam ninyo ito sapagkat ang lahat ng ito ay naganap sa kalagitnaan ninyo. Ang Jesus na ito, na ipinagkanulo sa inyo ayon sa pasya at kaalaman ng Diyos sa mula't mula pa, ay ipinapako ninyo at ipinapatay sa mga taong masasama. Subalit siya'y muling binuhay ng Diyos at pinalaya mula sa kapangyarihan ng kamatayan, sapagkat hindi maaaring siya'y bihagin nito, gaya ng sinabi ni David tungkol sa kanya,
‘Nakita ko ang Panginoon na lagi kong kasama,
hindi ako matitinag sapagkat kapiling ko siya.
Dahil dito, natuwa ang puso ko at
ang mga salita ko'y napuno ng galak,
at ang katawan ko'y mananatiling may pag-asa.
Sapagkat ang kaluluwa ko'y di mo pababayaan sa daigdig ng mga patay,
At hindi mo hahayaang makaranas ng pagkabulok ang iyong Banal na Lingkod.
Itinuro mo sa akin ang mga landas patungo sa buhay,
dahil ikaw ang kasama ko, ako'y mapupuno ng kagalakan.’
“Mga kapatid, may katiyakang sinasabi ko sa inyo na ang ninuno nating si David ay namatay at inilibing, at naririto ang kanyang libingan hanggang ngayon. Siya'y propeta at alam niya ang pangako sa kanya ng Diyos, na magiging haring tulad niya ang isang magmumula sa kanyang angkan. Noon pa man ay nakita na ni David ang muling pagkabuhay ng Cristo at ipinahayag niya ito nang kanyang sabihing, ‘hindi siya pinabayaan sa daigdig ng mga patay, at hindi nakaranas ng pagkabulok ang kanyang katawan.’ Ang Jesus na ito ay muling binuhay ng Diyos at saksi kaming lahat sa pangyayaring iyon. Pinaupo siya sa kanan ng Diyos at tinanggap niya mula sa Ama ang ipinangakong Espiritu Santo. Ito ang kanyang ibinuhos sa amin, tulad ng inyong nakikita at naririnig. Hindi si David ang umakyat sa langit, kundi sinabi lamang niya,
‘Sinabi ng Panginoon sa aking Panginoon,
“Maupo ka sa kanan ko,
hanggang lubusan kong mapasuko sa iyo ang mga kaaway mo.”’
“Kaya't dapat malaman ng buong Israel na itong si Jesus na ipinako ninyo sa krus ay siyang ginawa ng Diyos na Panginoon at Cristo!”
Nabagabag ang kanilang kalooban nang marinig ito, kaya't tinanong nila si Pedro at ang ibang mga apostol, “Mga kapatid, ano ang dapat naming gawin?”
Sumagot si Pedro, “Pagsisihan ninyo't talikuran ang inyong mga kasalanan at magpabautismo kayo sa pangalan ni Jesu-Cristo upang kayo'y patawarin; at tatanggapin ninyo ang kaloob ng Espiritu Santo. Sapagkat ang pangako ay para sa inyo at sa inyong mga anak, at sa lahat ng nasa malayo, sa bawat taong tatawagin ng ating Panginoong Diyos.”
Marami pang inilahad si Pedro upang patunayan ang kanyang sinabi, at nanawagan siya sa kanila, “Iligtas ninyo ang inyong mga sarili mula sa parusang sasapitin ng masamang lahing ito.”
Kaya't ang mga naniwala sa ipinangaral niya ay nagpabautismo, at nadagdagan ang mga alagad ng may tatlong libong katao nang araw na iyon. Inilaan nila ang kanilang mga sarili upang matuto sa turo ng mga apostol, magsama-sama bilang magkakapatid, magsalu-salo sa pagkain ng tinapay, at manalangin.

Dahil sa maraming himala at kababalaghang ginagawa sa pamamagitan ng mga apostol [sa Jerusalem], naghari sa lahat ang takot. Nagsama-sama ang lahat ng sumasampalataya at ang kanilang mga ari-arian ay itinuring na para sa lahat. Ipinagbili nila ang kanilang mga ari-arian at ang napagbilhan ay ipinamahagi sa bawat isa ayon sa kanyang pangangailangan. Araw-araw, sila'y nagkakatipon sa Templo at nagpipira-piraso ng tinapay sa kanilang mga tahanan, na masaya at may malinis na kalooban. Nagpupuri sila sa Diyos, at kinalulugdan sila ng lahat ng tao. At bawat araw ay idinaragdag sa kanila ng Panginoon ang mga inililigtas.

Klausytis Mga Gawa 2