Romani, Sinti - Romanes Arbeit Marburg (Drama NT)

<div class="version vid3082 iso6393rmo" data-vid="3082" data-iso6393="rmo">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">O tchatchepaskro rai un i djuwel</div><div class="p"> 1Un o Jesus penas lenge laba, kai i khatedo tchatchepen dren hi, te sikrell lo len, te hunte mangenn le o Debles hako tsiro, un te hunte mukenn le gar tele, te denn le les gole. Un job penas: 2&#8220;An i foro djiwas i tchatchepaskro rai. Kowa putchas gar pal o Debleste, un daras kek menshestar.</div><div class="p"> 3An ko foro djiwas ninna i djuwel, kolakro rom meras. Koja was bud kope pash leste, un penas: Ab ap miri rig, te lap miro tchatchepen!</div><div class="p"> 4I rah tsiro kras ko tchatchepaskro rai lake tchi. Pal i tsiro penas lo ap peste: Tchatchepah, pal o Debleste putchau gar, un witar gar darau i menshendar. 5Koi djuwel mukell gar tele. Doleske kamau te krell, te lell li lakro tchatchepen, te nai tchingrell li gar ap mande.&#8221;</div><div class="p"> 6Koi penas o Jesus: &#8220;Shunenn tumer, hoi ko tchilatcho tchatchepaskro rai penas? 7Har bud feteder hi o Dewel! Patsenn tumer gar, te well lo ap i rig peskre wi-rodede menshendar, kai diwes un rati ap leste gole denna? Awa, job well ap lengri rig un dell len lengro tchatchepen. Lell lo pes bud tsiro, te well lo ap lengri rig?</div><div class="p"> 8Na-a, penau me tumenge: Jon lenn sik pengro tchatchepen.</div><div class="p">Hoi penenn tumer mange, te putchau tumendar: Te well o Mensheskro Tchawo pale, hatsell job menshen ap i phub, kai patsenn ap leste?&#8221;</div><div class="s1">O Farisari un o pale-tchiddo</div><div class="p"> 9His menshe trul o Jesuseste tardo, kai patsan pendar, te hi le latcho un feteder har kol wawar.</div><div class="p">Un o Jesus penas lenge laba, kai i khatedo tchatchepen dren hi, un penas: 10&#8220;Dui mursha djan an o Debleskro baro kheer, te mangenn le o Debles an. Ko jek hi i Farisari, ko wawar hi jek kolendar, kai lenn lowe i biboldendar i Remarjenge dren#18:10 Kal menshe his pale-tchiddo an i biboldengre jaka..</div><div class="p"> 11Ko Farisari tchiwas pes tardo un penas: Mo Dewel, me parkrau man pash tute, te hom gar jaake har kal wawar menshe: tchorepangre, chochene, un har kolla, kai chochenn pengri romjat i wawar djuwjah, un gar jaake har kowa, kai koi wergel tardo hi: Ko pale-tchiddo#18:11 dik, hoi an o verso 10 tchinlo hi.. 12Dui diwessa an o kurko#18:12 kurko wocha chau me tchi, te mangap tut an. Un me dau tut o deshto kotar halauterestar, hoi dren lau.</div><div class="p"> 13Ko pale-tchiddo atchas palla tardo, un hadas gar peskro shero pre. Un job das ap peskro betch, te sikrell lo, kai leskro tchilatcho koowa khaitas les, un penas: Miro Dewel, me hom i tchilatcho mursh. Dik ap mande un ab mange latcho!&#8221;</div><div class="p"> 14Un o Jesus penas: &#8220;Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.&#8221;</div><div class="s1">O Jesus un i tikne tchawe</div><div class="p"> 15Un i menshe anan tchawen pash leste, te tchiwell lo peskre wasta ap lende. Har peskre mala kowa dikan, tchingran le ap kol menshende.</div><div class="p"> 16Koi das o Jesus peskre malen gole, un penas ap lende: &#8220;Mukenn kol tchawen pash mande te well! Ma rikrenn len pale! Sawe har jon, kolen das o Dewel gole, te djiwenn le khetne leha an o bolepen.</div><div class="p"> 17Tchatchepah, me penau tumenge: Koon gar ap mande patsella har kol tchawe, kowa nai well gar ap o Debleskro drom.&#8221;</div><div class="s1">O Jesus un o brawelo mursh</div><div class="p"> 18Koi putchas lestar i pralstuno: &#8220;Latcho sikepaskro, hoi hunte krap, te dell man o Dewel o djipen, hoi gar pre-herella?&#8221;</div><div class="p"> 19Penas o Jesus ap leste: &#8220;Hoske peneh tu: Latcho sikepaskro! ap mande? Kek mensho hi latcho. O Dewel kokres hi latcho. 20Tu prindjreh kol deesh Debleskre laba: Romeha, ma choche tiri romjat i wawar djuwjah! Romnija, ma choche tiro romes i wawar mursheha! Ma mare kekes! Ma tchore! Ma pen chochepen pral jekeste! Dik ap tiro dadeste un ap tiri date, te djal lenge mishto!&#8221; </div><div class="p"> 21Koi penas job: &#8220;Me krom kowa lauter jaake rah, har me djiwau.&#8221;</div><div class="p"> 22Har o Jesus kowa shunas, penas lo ap leste: &#8220;Jek hunte kress tu budeder. Bike lauter, hoi tut hi, un de kol lowe i tchorwelende! Palle hi tut i brawlepen an o bolepen. Un am un dja mantsa!&#8221;</div><div class="p"> 23Har o pralstuno kowa shunas, dukas les kowa an o dji. Les hi bud brawlepen.</div><div class="p"> 24Un o Jesus dikas, kai kol laba les dukan. Un job penas: &#8220;Har pharo hi i brawelenge, te wenn le ap o Debleskro drom. 25Hi gar jaake pharo, te djal i baro viecho an i subjakro kand#18:25 subjakro kand, ap gadjkenes: Nadel&#246;hr dren, har te well i brawelo ap o Debleskro drom.&#8221;</div><div class="p"> 26Penan kolla, kai pash leste tardo hi, ap leste: &#8220;Te hi kowa jaake, koon nai lell o Debleskro djipen?&#8221; 27Penas lo: &#8220;Kowa hoi i menshe nai krenn gar, kowa nai krell o Dewel.&#8221;</div><div class="p"> 28Koi penas o Petro: &#8220;Mer mukam lauter tchiddo un djam tuha.&#8221;</div><div class="p"> 29Penas o Jesus ap lende: &#8220;Tchatchepah, me penau tumenge: Hakeno, kai mukell peskro kheer, peskri romjat, phralen, tchawen, dades un dat, te nai budrell lo feteder o Debleske, 30kowa lell an kau tsiro lauter bud kope pale. Un an ko tsiro, kai wella, dell o Dewel les o djipen, hoi gar pre-herella.&#8221;</div><div class="s1">O Jesus rakrell o triinto kopo pral peskro merepen</div><div class="p"> 31Un o Jesus las i deesh-te-dui ap i rig un penas lenge: &#8220;Shunenn! Mer djah kanna an o foro Jerusalem. Kote well lauter tchatcho, hoi o Debleskre rakepangre pral o Menshengro Tchaweste tchinan: 32Jon denn les an i wasta kolendar, kai kek bibolde hi. Un kolla praassenn les, denn les dawa un tchungrenn ap leste. 33Jon denn les i tchupnijah#18:33 tchupni, ap gadjkenes: Peitsche , un marenn les. Un pal triin diwessa krell o Dewel les djido.&#8221;</div><div class="p"> 34Leskre mala haiwan kek lab. Kowa, hoi job lenge kal labentsa kamas te penell, djas gar an lengro shero dren. Un jon djinan gar, pral hoi job rakras.</div><div class="s1">O Jesus krell i koreles sasto</div><div class="p"> 35Un o Jesus djas pash o foro Jericho. Un i korelo#18:35 korelo blindo , his pash o drom beshdo, un mangas lowe i menshendar. 36Un job shunas bud menshen, kai djan ap ko drom. Koi putchas lo lendar: &#8220;Hoi djal kote?&#8221; 37Koi penan le: &#8220;O Jesus dran Nazaret djal kote.&#8221;</div><div class="p"> 38Koi das lo gole: &#8220;Jesus, tu Davideskro tchawo, kre tiro dji mange pre!&#8221;</div><div class="p"> 39Un kolla, kai djan glan o Jesuseste ap o drom, tchingran ap ko mursheste un penan: &#8220;Muk tele un atch!&#8221;</div><div class="p">Job das budeder gole: &#8220;Jesus, Davideskro tchawo, kre tiro dji mange pre!&#8221;</div><div class="p"> 40Un o Jesus atchas tardo, un penas: &#8220;Anenn les pash mande!&#8221;</div><div class="p">Un har ko mursh pash leste was, putchas o Jesus lestar: 41&#8220;Hoi kameh tu, te krap tuke?&#8221;</div><div class="p">Penas kowa: &#8220;Rai, me kamau te dikell.&#8221;</div><div class="p"> 42Penas o Jesus: &#8220;Palle dik! Tiro patsepen kras tut sasto.&#8221;</div><div class="p"> 43Un job dikas nai pale, djas o Jesuseha, un sharas o Debles. Un halauter, kai kowa dikan, sharan o Debles ninna.</div>
 </div>
 </div>
</div>

© 2021 Romanes-Arbeit-Marburg e.V. Erste Auflage Alle Rechte vorbehalten Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen. Herausgeber und Vertrieb: Romanes-Arbeit-Marburg e.V., Germany info@romanes-arbeit-marburg.de ISBN: 978-3-00-068366-4 Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995 Farbige Illustrationen mit Erlaubnis von Louise Bass Kartenmaterial generiert mit Bible Mapper © 2005-2010 von David P. Barret Alle Rechte an den Karten © 2021, Wycliffe Bible Translators, Inc.

Un o Jesus penas lenge laba, kai i khatedo tchatchepen dren hi, te sikrell lo len, te hunte mangenn le o Debles hako tsiro, un te hunte mukenn le gar tele, te denn le les gole. Un job penas: “An i foro djiwas i tchatchepaskro rai. Kowa putchas gar pal o Debleste, un daras kek menshestar.
An ko foro djiwas ninna i djuwel, kolakro rom meras. Koja was bud kope pash leste, un penas: Ab ap miri rig, te lap miro tchatchepen!
I rah tsiro kras ko tchatchepaskro rai lake tchi. Pal i tsiro penas lo ap peste: Tchatchepah, pal o Debleste putchau gar, un witar gar darau i menshendar. Koi djuwel mukell gar tele. Doleske kamau te krell, te lell li lakro tchatchepen, te nai tchingrell li gar ap mande.”
Koi penas o Jesus: “Shunenn tumer, hoi ko tchilatcho tchatchepaskro rai penas? Har bud feteder hi o Dewel! Patsenn tumer gar, te well lo ap i rig peskre wi-rodede menshendar, kai diwes un rati ap leste gole denna? Awa, job well ap lengri rig un dell len lengro tchatchepen. Lell lo pes bud tsiro, te well lo ap lengri rig?
Na-a, penau me tumenge: Jon lenn sik pengro tchatchepen.
Hoi penenn tumer mange, te putchau tumendar: Te well o Mensheskro Tchawo pale, hatsell job menshen ap i phub, kai patsenn ap leste?”

His menshe trul o Jesuseste tardo, kai patsan pendar, te hi le latcho un feteder har kol wawar.
Un o Jesus penas lenge laba, kai i khatedo tchatchepen dren hi, un penas: “Dui mursha djan an o Debleskro baro kheer, te mangenn le o Debles an. Ko jek hi i Farisari, ko wawar hi jek kolendar, kai lenn lowe i biboldendar i Remarjenge dren.
Ko Farisari tchiwas pes tardo un penas: Mo Dewel, me parkrau man pash tute, te hom gar jaake har kal wawar menshe: tchorepangre, chochene, un har kolla, kai chochenn pengri romjat i wawar djuwjah, un gar jaake har kowa, kai koi wergel tardo hi: Ko pale-tchiddo. Dui diwessa an o kurko chau me tchi, te mangap tut an. Un me dau tut o deshto kotar halauterestar, hoi dren lau.
Ko pale-tchiddo atchas palla tardo, un hadas gar peskro shero pre. Un job das ap peskro betch, te sikrell lo, kai leskro tchilatcho koowa khaitas les, un penas: Miro Dewel, me hom i tchilatcho mursh. Dik ap mande un ab mange latcho!”
Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

Un i menshe anan tchawen pash leste, te tchiwell lo peskre wasta ap lende. Har peskre mala kowa dikan, tchingran le ap kol menshende.
Koi das o Jesus peskre malen gole, un penas ap lende: “Mukenn kol tchawen pash mande te well! Ma rikrenn len pale! Sawe har jon, kolen das o Dewel gole, te djiwenn le khetne leha an o bolepen.
Tchatchepah, me penau tumenge: Koon gar ap mande patsella har kol tchawe, kowa nai well gar ap o Debleskro drom.”

Koi putchas lestar i pralstuno: “Latcho sikepaskro, hoi hunte krap, te dell man o Dewel o djipen, hoi gar pre-herella?”
Penas o Jesus ap leste: “Hoske peneh tu: Latcho sikepaskro! ap mande? Kek mensho hi latcho. O Dewel kokres hi latcho. Tu prindjreh kol deesh Debleskre laba: Romeha, ma choche tiri romjat i wawar djuwjah! Romnija, ma choche tiro romes i wawar mursheha! Ma mare kekes! Ma tchore! Ma pen chochepen pral jekeste! Dik ap tiro dadeste un ap tiri date, te djal lenge mishto!”
Koi penas job: “Me krom kowa lauter jaake rah, har me djiwau.”
Har o Jesus kowa shunas, penas lo ap leste: “Jek hunte kress tu budeder. Bike lauter, hoi tut hi, un de kol lowe i tchorwelende! Palle hi tut i brawlepen an o bolepen. Un am un dja mantsa!”
Har o pralstuno kowa shunas, dukas les kowa an o dji. Les hi bud brawlepen.
Un o Jesus dikas, kai kol laba les dukan. Un job penas: “Har pharo hi i brawelenge, te wenn le ap o Debleskro drom. Hi gar jaake pharo, te djal i baro viecho an i subjakro kand dren, har te well i brawelo ap o Debleskro drom.”
Penan kolla, kai pash leste tardo hi, ap leste: “Te hi kowa jaake, koon nai lell o Debleskro djipen?” Penas lo: “Kowa hoi i menshe nai krenn gar, kowa nai krell o Dewel.”
Koi penas o Petro: “Mer mukam lauter tchiddo un djam tuha.”
Penas o Jesus ap lende: “Tchatchepah, me penau tumenge: Hakeno, kai mukell peskro kheer, peskri romjat, phralen, tchawen, dades un dat, te nai budrell lo feteder o Debleske, kowa lell an kau tsiro lauter bud kope pale. Un an ko tsiro, kai wella, dell o Dewel les o djipen, hoi gar pre-herella.”

Un o Jesus las i deesh-te-dui ap i rig un penas lenge: “Shunenn! Mer djah kanna an o foro Jerusalem. Kote well lauter tchatcho, hoi o Debleskre rakepangre pral o Menshengro Tchaweste tchinan: Jon denn les an i wasta kolendar, kai kek bibolde hi. Un kolla praassenn les, denn les dawa un tchungrenn ap leste. Jon denn les i tchupnijah, un marenn les. Un pal triin diwessa krell o Dewel les djido.”
Leskre mala haiwan kek lab. Kowa, hoi job lenge kal labentsa kamas te penell, djas gar an lengro shero dren. Un jon djinan gar, pral hoi job rakras.

Un o Jesus djas pash o foro Jericho. Un i korelo, his pash o drom beshdo, un mangas lowe i menshendar. Un job shunas bud menshen, kai djan ap ko drom. Koi putchas lo lendar: “Hoi djal kote?” Koi penan le: “O Jesus dran Nazaret djal kote.”
Koi das lo gole: “Jesus, tu Davideskro tchawo, kre tiro dji mange pre!”
Un kolla, kai djan glan o Jesuseste ap o drom, tchingran ap ko mursheste un penan: “Muk tele un atch!”
Job das budeder gole: “Jesus, Davideskro tchawo, kre tiro dji mange pre!”
Un o Jesus atchas tardo, un penas: “Anenn les pash mande!”
Un har ko mursh pash leste was, putchas o Jesus lestar: “Hoi kameh tu, te krap tuke?”
Penas kowa: “Rai, me kamau te dikell.”
Penas o Jesus: “Palle dik! Tiro patsepen kras tut sasto.”
Un job dikas nai pale, djas o Jesuseha, un sharas o Debles. Un halauter, kai kowa dikan, sharan o Debles ninna.

Klausytis Luka 18