Basketo - 2014 BSE (NT) Drama

Basketo - 2014 BSE (NT) Non Drama

ቢታ̈ና ጋ̈ዝ ሳፋሪን ጋርታ̇ ዎ ኣላ̈ዛ̈ር ጌይዝ ፔቲ̇ ኣሲ ማዴ። ቢታ̈ና ጋ̈ዚንዳ ማ̈ራሚክ ኢዝ ሚሺን ማ̈ርቲ̇ክ ዶኢዝ ሳፋራ። ማ̈ራማ፥ ጎዳ ዬሱ̈ሳ ቶሂን ሺታ̇ ዲርካ̇ ፌ ቆሚ̇ንባር ቁቺ̇ኖንዶ̇። ማ̈ኖ ኣላ̈ዛ̈ሪ ኢዝቦ ኢና̇ኤ። ሚሺንዲክ ጌድሚንዲ̇ክ ዎልኣ “ጎዳ̈ዶ! ኔ ካዛ ኣላ̈ዛ̈ሪ ማኔ” ጋ̈ሪ ዬሱ̈ሳክ ኪ̈ታ ሚሺዴ። ዬሱ̈ሳሬ ዪኖ̇ ሲስካ̇ሪ “ዪና̇ ዓርጊንዳ ጾ̈ሳ̇̇ ቦንቺ̇ንቲ̇ን ጾ̈ሳ̇̇ ናኣ̈ዳር ዪኒ̇ባር ቦንቺ̇ንታምፔ̈ንዶኬ ኢያ ዓይቃብ ዬልዝ ዓርጋ ጊዳካዬ” ጌይዴ።
ዬሱ̈ሲ ማ̈ርቲ̇ኬ ሚሺን ማ̈ራሞ ኢንታ ኢና̇ኣ ኣላ̈ዛራ ኢንታ̇ ዎይ ዶሲ̈ሬ። ማቂናካሬ ኣላ̈ዛ̈ሪ ማዚን ሲስካ̇ሪ ፌ ዎ ቤሲ̇ን ጋልዳ ኢና ናምኢ ቃም ጋምኢዴ። ዪኒ̇ፖ ዓኒ ኢ ፌ ታማራንኮ “ዪሁዳ ጋዳ̇ ማ̈ቂ ሉኪ̇ስቶ” ጌይዴ። ኢ ታማ̈ራንሬ ኢ̈ኮ “ኣስታማ̈ራ̈ዶ! ኣይሁዳን ዓኒፖ̇ ቲ̈ን ኔ̈ና ሹችባር ቆጺ̇ ዎንዳ ኮዪ̈ርዶ̈ን ዓት ኔ ማ̈ቃ̇ ኢና ሉካ̇ኒ?” ጌይዴ። ዬሱ̈ሳሬ ኢንታ̇ኮ ፥“ጋላሲ̇ንዳ̇ ታጶ̇ ናምኢ ሳኣታ ባያ? ጋላስ ዬ̇ዝ ኣሲ ዓና̇ ኣላሚን ጋልዶ ፎኢንን ቤቂ̇ዛኮታ̇ቦ ብንቲ̇ባ̈ሴ። ምባራ ዬ̇ዝ ኣሲ ፎኢን ባዮ̇ኮታ̇ቦ ብንቲ̇̈ሬ” ጋ̈ር ማሂዴ። ዬሱ̈ሲ ኢንታ̇ክ ዪኖ̇ ጌይኖፖ̇ ዓኒ “ኑ ላጋ̇ ኣላ̈ዛ̈ሪ ሱርቂ̇ኔ፤፤ ታ̈ናር ኢ ሱርሲ̇ን ጋርታፖ̇ ኢያ ዲንንዳብ ሉካ̇̈ሬ” ጌይዴ። ኢ ታማ̈ራንር ኢ̈ኮ “ጎዳ̈ዶ! ኢ ሱ̈ርቂኔኮ ኣባክ ባዬ̇ ባርኪዝዳ̇” ጌይዴ። ዬሱ̈ሲ ኣላ̈ዛ̈ራ ዓይቂን ሶ̈ሊንዶ̈ን፥ ኢንታኮ ኢ ሱርሲ̇ ኢያ ኤኪ̇ን ሱ̈ርቂ̇ኔ ጌይኖ ማ̈ይጺኔ። ዪ̈ኮታ̇ቦ ዬሱ̈ሲ ኢንታ̇ቦ “ኣላ̈ዛ̈ሪ ዓይቂኔ፤ “ዪንቲ̇ ኣማ̇ናምፔ̇̈ኒ ታ̈ኒ ቤስ̇ ኢዝ ጋልዳ̇ ባዮንዳ̇ ዪንታ̇ኮታ̇ ታ̈ና ኡፋይሳ̇̈ሬ። ዓት ዪዚ ዲንዲብቴ̇ ኑ ኢ̈ክ ሉኪ̇ስቶ” ጋ̈ሪ ፋል̇ ሶ̈ሊዴ።
ኢናፖ̇ ዲዲሞ̈ሳ ጌይዛ ቶ̈ማ̈ሲ ኣቲ̇ኖ ኢ ታማራንኮ “ኑ̈ናር ሉካ̇ሪ ኢባር ዓይቂስቶ” ጌይዴ።

ዬሱ̈ሲ ቢታ̈ና ዬላ̇ዚምባራ ኣላ̈ዛ̈ሪ ዱ̈ኪንቲ̇ን ኦይዲ̇ ቃም ማ̈ቂ̇ኖን ኤሪዴ። ቢታ̈ና ዬሩሳ̈ላማፖ̇ ዓይዚ̇ ኪሎሜ̈ቲራ ማ̈ቃምፔ̈ን ጎታ̇ሬ።
ዎይሊን ኣይሁዳንሬ ማ̈ርቲ̇ኬ ማ̈ራሚክ ኢንታ̇ ኢና̇ኣ ዓይቂ̇ኖኮታ̇ቦ ኢንታ ሚንንዳብ ዬይኔ። ማ̈ርታ̇ ዬሱ̈ሲ ዬዪኖን ሲስካራ ኢያ ሞካ̇ ኤካ̇ንዳብ ዛ̈ና ኬስኪ̇ን፥ ማ̈ራማ ኬስካካይ ኬ̈ ኢና ኣታ̇ዴ።
ማ̈ርታ̇ ዬሱ̈ሳኮ “ጎዳ̈ዶ! ኔ ዎን ዓንዳ ዎኮ ቴ ኢና̇ኣ ዓይቂባስዶን፤ ዓታ̇ር ማ̈ቂ̇ን ኔ ጋዝ ባዚን ዎይ ጾ̈ሲ̇ ኔ̈ብ ኢማ̇ዚን ቴ ኤራ̈ሬ” ጋ̈ዴ። ኢያር ኢዝኮ̇ “ኔ ኢና̇ኣ ዓይቃ ጋርታ̇ፖ̇ ዲንዲ̈ሬ” ጌይዴ። ኢዛሬ “ዉርሲ ጋላሲን ዓይቂ̇ኖ ኣሳን ዓይቃ ጋርታ̇ፖ̇ ዲንዲዝ ቃም ኢያር ዲንዳዚን ቴ ኤራ̈ሬ” ጌይዴ።
ዬሱ̈ሲ ኢዝኮ̇ “ዓይቃ ጋርታ̇ፖ̇ ኣስ ዲንዛ̈ዲኬ፥ ሼምፓ ኢሚ̇ዛ̈ዲ ታ̈ና፤ ታ̈ና ኣማ̇ኒዝ ኣሲ ዓይቂናካሬ ሼምፓባር ዶኢ̈ሬ። ታባር ዎልኣ ፔታ̇ን ማ̈ቃ̇ር ዶኢዛ̈ዲክ ታ̈ና ኣማ̇ኒዝ ኣሲ ኣባካር ጌይን ዓይቂባ̈ሴ፤ ዪና̇ ኔ ኣማ̇ና̈ራ?” ጌይዴ።
ኢዛር ኢ̈ኮ “ኣ̈ ጎዳ̈ዶ! ኔ̈ኒ ዓኒ̇ ኣላሚን ጋልዳ ዬይሬ ጌይኖ ክርስቶ̈ሳ ጾ̈ሳ̇̇ ናኣ ማ̈ቂ̇ኖን ቴ ኣማ̇ናሬ” ጋ̈ዴ።
ኢዛ ዪኖ̇ ጌይኖፖ̇ ዎሃ ማ̈ቃ̇ራ ፌ ሚሺን ማ̈ራሚ ሳ̈ሲንባራ ኢዝኮ “ኣስታማ̈ራ ዬይኔ፤ ኔ̈ና ኮዪ̈ሬ” ጋ̈ዴ። ኢዛር ዪኖ̇ ሲስካ̇ራ ኤሊ̇ ዲንዳር ኢ̈ክ ሉ̈ካዴ። ዪኒ̇ባራ ዬሱ̈ሲ ቢርት ሳፋሪን ጋርታ̇ ጌላካ̇ዬ። ማ̈ርታ̇ ኢያ ሞካ̇ ኤኪ̇ኖ ቤሲ̇ን ጋልዳ ዎ። ማ̈ራሞ ኬ̈ ሚን ዎ ኣይሁዳን ኢዛ ፉክ ጋር ዲንዳር ኬስኪ̇ኖን ቤቃ̇ሪ፥ ኢዛ ዱ̈ፊን ጋልዳ ዬ̈ካንዳብ ሉ̈ኪዛ ኢንታብ ማይጺን ኢዝ ዎሂን ኬስኪ̇ዴ።
ማ̈ራማሬ ዬሱ̈ሲ ዎ ቤሲ̇ን ዓጛ ዬላራ ኢያ ቤቃር ኢ ቶ̈ሂን ጋልዳ ኬዳራ “ጎዳ̈ዶ! ኔ ዎን ዓንዳ ዎኮ ቴ ኢና̇ኣዲ ዓይቂ̇ባስዶን” ጋ̈ዴ። ዬሱ̈ሳሬ ኢዛ ዬ̈ካ̇ዚምብኬ ኢዝባር ዎልኣ ዬዪኖ ኣይሁዳን ዬ̈ካ̇ዚን ቤቂ̇ ፌ ቡዳ ጋርታ ሚጪንታሪ፥ “ዪንቲ̇ ኢያ ዱ̈ኪ̇ኖ ቤሲ̇ን ዎንዳ?” ጋ̈ር ኦይጪ̇ዴ። ኢንታ̇ሬ ኢ̈ኮ “ጎዳ̈ዶ! ዓይ ዬ̈ር ቤቃ̇ቤ” ጌይዴ።
ዬሱ̈ሳር ዬ̈ኪ̇ ኣብጺ̇ዴ። ኣይሁዳንሬ “ና̈ሳ ዓ̈ ኣላ̈ዛ̈ራ ዎዛርፌ̈ን ካ̈ርኮ ቤቂ̇ብቴ̇” ጌይዴ።
ኢንታ̇ ጋርታ̇ፖ̇ ፔታ̇ን ፔታ̇ናን “ኢ ኣ̈ፊ ዎቢ̇ኖ ኣሳን ኣ̈ፊን ፊርቂ̇ኖ̈ዲ፥ ዓት ዓ̈ ናሳ ዓይቃካ̇ይፌ̈ን ዎታንዳ ዳንዳኢባ̈ሳ? ጌይዴ።

ዬሱ̈ሲ ዓታ̇ር ፌ ቡ̈ዳ ጋርታ̇ ዎይሊን ሚጪንቲ̇ሙታ̇ ዱ̈ፊንኮ̇ ሉ̈ኪዴ። ዱ̈ፊንዳሬ ጴች ሹችባር ዪብጺንቲ̇ኖ ጋዊዬ። ኢያር ኢንታ̇ኮ “ሹቺ̇ን ፊሪሳር ፋይብቴ̇” ጌይዴ።
ዓይቂ̇ኖ ና̈ሳ ሚሺን ማ̈ርታ̇ ኢ̈ኮ “ጎዳ̈ዶ! ኢ ዱ̈ኪንቲ̇ኖፖ̇ ዓታ̇ብ ኦይዲ̇ ቃም̇ ማ̈ቂ̇ኖኮታ̇ቦ ዜይቂ̇ዝዳ̇” ጋ̈ዴ።
ዬሱ̈ሳሬ ኢዝኮ̇ “ኣማ̇ኔጌይንዶ ኔ ጾ̈ሳ̇̇ ቦንቻ̇ ቤቃ̇̈ሬ ጌያ ቴ ኔ̈ብ ሶ̈ላካ̇?” ጌይዴ።
ኣሳንር ሹቺ̇ን ፊሪሲ ፋይዴ። ኢናፖ̇ ዬሱ̈ሲ ፉዳ ኣፋ ሾክ ጋ̈ክ ቤቃ̇ሪ “ቴ ባ̈ባ̈ዶ! ኔ ቴ ጌይኖ ባዚን ሲስኪ̇ኖኮታ̇ቦ ቴ ኔ̈ና ጋላታሬ። ዎይ ጋላስ ኔ ታ̈ኮን ሲስካ̇ዚን ቴ ኤራ̈ሬ። ዎቲናካሬ ዪኖ̇ ቴ ሶ̈ሊኖንዳ ቴ ላፍ ኤቂ̇ኖ ኣሳን ኔ ታ̈ና ኪ̈ታ̇ ሚሺኖን ኢንቲ̇ ኤሪ ኣማናንፔ̈ኔ” ጌይዴ።
ዬሱ̈ሲ ዪኖ̇ ጌይኖፖ̇ ዓኒ ፌ ቆ̈ን ሾ̈ክ ዎታሪ “ኣላ̈ዛ̈ሮ! ዓይ ኬስካ̇ቤ” ጋ̈ር ጼይጊዴ። ዓይቂ̇ኖ ኣላ̈ዛ̈ራር ኢ ኩሺንዶ ኢ ቶ̈ሂንዶ ኢ ኣ̈ፊንባር ዎይ ዱ̈ፊ ኣፊላባር ጻቂንቲ̇ኖ̈ዲፌ̈ን ኬስኪ̇ዴ። ዬሱ̈ሳር ኢንታ̇ኮ “ኢያ ጻቂኖ ባዛን ቢሊ̇ብቴ̇፥ ዬ̇ ሉካጋ̈ቤ” ጌይዴ።


ማ̈ራሚክ ዬይኖ ኣይሁዳን ጋርታ̇ፖ̇ ዎይሊንን ዬሱ̈ሲ ኦ̈ኖን ቤቃ̇ሪ ኢያ ኣማ̇ኒዴ። ዎቲናካር ፔታ̇ን ፔታ̇ናን ሉካ̇ር ዬሱ̈ሲ ኦ̈ኖ ባዛን ፋራሳ̈ዋንቦ ሶ̈ሊዴ። ኢናፖ̇ ቄ̈ሳ ኣላቃንኬ ፋራሳ̈ዋን ኣይሁዳ ኣላቃን ሺ̈ቃ ጋርታ̇ ቤንቲ̇ዝ ኣሳን ዎይ ጼይጊ ሺ̈ሺ̇ዴ። ኢንታ̇ር ጋ̈ሪ “ዓ ና̈ሳ ዎይሊን ታሚ̇ራታ ባዝ ኦ̈ሙታ̇ ዎ። ዪዚ ኑ ኣብዝ ዎቲን ኮሻ̇? ኑ ኢያ ሜላ̇ ኣሼጌይንዶ ኣሲ ዎይ ኢያ ኣማ̇ኒ̈ሬ፥ ሮም ጋዶ̇ ኣሳን ዬ̈ሪ ጾ̈ሳ̇̇ ኬ̈ንዲኬ ኑ ዎርዣ ይሲ̈ሬ” ጌይዴ።
ዎቲናካሬ ኢንታ̇ ጋርታ̇ፖ̇ ፔታ̇ና ቃያ̈ፋ ጌይዛ̈ዲ ላይን ኢዝ ጋርታ̇ ቄ̈ሳንቦ ኣላቃዶ̈ሪ ኢንታ̇ኮ “ዪንቲ̇ ኣባካር ኤሪባ̈ሴ፥ ዎርዣ ዎይ ያናፖ̇ ዎርዣ ጊሻ̇ቦ ፔቲ̇ ኣሲ ዓይቂኖኮ ኮሽ ማ̈ቃዚን ኤራካ̇ያ?” ጌይዴ።
ኢያሬ ዪኖ̇ ሶ̈ሊኖንዳ ፌ ጋልዳፖ̇ ጊዳካ̇ይዶን ላይን ኢዝ ጋርታ̇ ኢ ቄ̈ሳንቦ ኣላቃ ማ̈ቂ̇ኖኮታ̇ቦ፥ ዬሱ̈ሲ ኣይሁዳ ዎርዣ̈ቦ ዓይቃ̇ዚን ካ̈ያ ሶ̈ሊኔ። ኣይሁድ ዎርዣ̈ቦ ሙታ̇ ጊዳካይዶን ላ̈ሊ̇ንቲኖ ጾ̈ሳ̇̇ ናኣን ሺ̈ሻ̇ንዳብኬ ዎል ፔታ̇ን ማሃንዳብ ዓይቂ̈ሬ።
ዪዚ ዪና̇ ኢዝ ቃሚ̇ንፖ̇ ኤ̈̇ር ዬሱ̈ሳ ዎንዳብ ዞሪንቲ̇ዴ። ዪ̈ኮታ̇ቦ ዬሱ̈ሲ ዪኒ̇ፖ ዓኒ ኣይሁዳን ጊዳ̇ ኢንታባር ቤንቲ̇ ቢሪንቲ̇ባ̈ሴ። ዎቲናካሬ ባራሃ ላፍ ዎን ኤፍሬ̈ማ ጋ̈ዝ ካታሚን ጋርታ̇ ጌ̈ሚታሪ ፌ ታማራንባር ዎልኣ ኢና ጋምኢዴ።
ኣይሁዳንቦ ፋ̈ሲጋ ባ̈ሊ ኡኪ̇ንዶ̈ን ዎይሊንን ባ̈ሊን ዬላ̇ናፖ̇ ቲ̈ን ፌ̈ና ቃሺ ጌሺ̇ዝ ዎጋ ኦንዳቦ ዎይሊንን ፌ ዎ ጋዲን ጋርታፖ̇ ፉዳ ዬሩሳ̈ላም ሉኪ̇ዴ። ኢንታ̇ሬ ዬሱ̈ሳ ኮዪ ኤ̈̇ዴ። ማ ጾ̈ሳ̇̇ ኬ̈ ጋርታ ሺ̈ቃሪ ዎልዎልኣ “ዪንታ̇ብ ኣ ማይጻ̈ራ? ኢ ባ̈ሊን ቦንቻ̇ንዳ ዬ̈ይርቤ ኣታ̇ንዳዶ̈ኔ?” ጋ̈ር ኦይች ኤ̈̇ዴ። ማ ቄ̈ሳ ኣላቃንኬ ፋራሳዋ̈ን ዬሱ̈ሳ ኤ̈̇ንዳብ ኮያሪ ኢ ዎ ቤሲ̇ን ዎንዳኮ ኤሪዝ ኣሲ ኢንታ̇ብ ሶ̈ላምፔ̈ኒ ኣሳን ኪ̈ቲ̇ዴ።

Klausytis ዋ̈ኒ̇ሳ 11