<div class="version vid3774 iso6393gid" data-vid="3774" data-iso6393="gid">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s1">Abram, milye&#331;ge g&#601;m Melkisedek</div><div class="p"> 1Aka pay net milye&#331;ge, Amrafel m&#601;li&#771; na Sine'ar, Aryok, m&#601;li&#771; na Ellasar, Kedarla'omer, m&#601;li&#771; na Elam, g&#601;m Tide'al, m&#601;li&#771; na Goyim 2a&#599;&#599;a&#331;g&#601;k &#601;lpa d&#601; Bera m&#601;li&#771; na Sodom, d&#601; Birsa m&#601;li&#771; na Gomorra, d&#601; Sine'ab m&#601;li&#771; na Adma, d&#601; Simeber, m&#601;li&#771; na Seboyim, g&#601;m d&#601; m&#601;li&#771; na Bela, va w&#601;n&#601;h na, So'ar. 3Eskis pak, a wala&#331; na Siddim akkala&#331;g&#601;, va w&#601;n&#601;h na, pehe na b&#601;tuwa. 4W&#601;zva k&#601;law kiy&#601;n sula, a&#599;&#599;a&#331;g&#601;k w&#601;za s&#601;n Kedarla'omer, aka &#601;zva mak&#601;law kiy&#601;n hoku na, a&#595;o&#331;go&#331;ko. 5W&#601;zva k&#601;law kiy&#601;n mapo&#599;oni, Kedarla'omer adek dit milye&#331;ge en d&#601;ndeni. Arba&#331; sitinik m&#601; Rafay&#599;e a Astarot-Karnayim, m&#601; Zuzi&#599;e a Ham, m&#601; Emi&#599;e a Sawe-Kiryatayim, 6m&#601; Hori&#599;e aka g&#601;r&#601;m net a Se'ir, ha&#771; gap a El-Paran go'o d&#601; kapta muya&#771;. 7Sissi&#331;, aman&#601;n heret k&#601;la En-Mispat, va w&#601;n&#601;h na Kades, asom&#601;n&#601;k muya&#771; net m&#601; Amalek&#599;e somu, d&#601; an net Amor&#599;e na Hasason-Tamar. 8Ya&#331; m&#601;li&#771; na Sodom are&#599; abe, milye&#331;ge na Gomorra, na Adma, na Seboyim, g&#601;m na Bela, va w&#601;n&#601;h na, So'ar; agohinik m&#601;z&#601;lpa&#331; neti, at&#601;&#331;ga&#331;g&#601;k &#601;lpa aka wala&#331; na Siddim, 9d&#601; Kedarla'omer, m&#601;li&#771; na Elam, d&#601; Tide'al m&#601;li&#771; na Goyim, Amrafel, m&#601;li&#771; na Sine'ar, Aryok, m&#601;li&#771; na Ellasar: milye&#331;ge po&#599;o &#601;gay dit sle'i. 10Wala&#331; na Siddim m&#601;so'ni vov na membezle&#331;; m&#601;li&#771; na Sodom d&#601; an na Gomorra, ab&#601;ta&#331;g&#601;k adak d&#601; &#601;nza net s&#601;ba w&#601;gaya, en d&#601;ppa&#331; na agg&#601;r&#601;m anzo&#331;gu. 11M&#601;l&#601;patni arya na Sodom d&#601; an na Gomorra pak&#601;, g&#601;m z&#601;ga nawz&#601;m net pak, nd&#601;&#599;a&#331; teki. 12Arman&#601;n&#601;k Lot, w&#601;t&#601;n m&#601;lm&#601;n Abram d&#601; arya nani, mah w&#601;kan&#601;ni. A Sodom Lot asan d&#601; g&#601;la.</div><div class="p"> 13&#394;&#601;f m&#601;s d&#601;nzan s&#601;ma w&#601;gay aki s&#601;n alabara s&#601;n Abram m&#601; Ibri d&#601;san d&#601; g&#601;la ammbet w&#601;le&#331;&#599;e adawya&#331; na, Elon na Mamre na Amori, m&#601;lm&#601;n Eskol g&#601;m Aner; aslere&#331;g&#601;k d&#601; Abram. 14S&#601;za Abram apr&#601;m na, m&#601;rmani m&#601;lm&#601;ni, asilgitik &#599;iy muwet ananda s&#601;kat hoku d&#601; k&#601;law kiy&#601;n d&#601;dopo&#599;o&#599;o. Azbetik m&#601;zuzel&#599;e nan ha&#771; a Dan. 15Aw&#599;eketik &#599;iy nan kawwak sit m&#601;zuzel&#599;e nan d&#601; d&#601;f&#599;a. Arba&#331; sitinke, azbetinin ha&#771; gap a Hova disi&#331; ki Damas. 16Amo&#771;hik arye&#599; pak&#601;, amo&#771;huk Lot m&#601;lm&#601;n nak d&#601; arya nan pak&#601;, dit gili g&#601;m &#599;iy me&#595;&#595;eti.</div><div class="p"> 17M&#601;li&#771; na Sodom al&#601;k d&#601;ka wala&#331; na Sawe, va w&#601;n&#601;h na, wala&#331; na m&#601;lya&#771;, kalma d&#601; Abram damndan s&#601; ma w&#601;gay m&#601;s aska w&#601;la Kedarla'omer dit milye&#331;ge en d&#601;zban&#601;ni.</div><div class="p"> 18 # 
 IBR 7:1-10
 Melkisedek yi, m&#601;li&#771; na Salem, akiy&#601;k pe&#331; d&#601; mbazla. M&#601;sd&#601;l&#601;v na Ma&#331;g&#601;lva M&#601;s&#601;&#599;&#601;&#599;&#601;, 19a&#599;&#599;ak &#601;za&#595; aka Abram dawn&#601;h na: &#171;Ma&#331;g&#601;lva M&#601;s&#601;&#599;&#601;&#599;&#601;, m&#601;s d&#601;z&#601;m&#601;&#599; disi&#331; d&#601; d&#601;lvafu&#331; d&#601;&#599;&#599;a &#601;za&#595; nan aka Abram! 20Soko s&#601;n Ma&#331;g&#601;lva M&#601;s&#601;&#599;&#601;&#599;&#601; m&#601;s dipsuk m&#601;zuzel&#599;e nok ammba voko!&#187; Abram aps&#601;n&#601;k mak&#601;law na z&#601;ga m&#601;s arah pak&#601;.</div><div class="p"> 21M&#601;li&#771; na Sodom anah s&#601;n Abram na: &#171;Apsiw &#599;iy kaka'&#601;, ande arye&#599; noko.&#187; 22Abram azlan s&#601;n m&#601;li&#771; na Sodom na: &#171;In tat &#601;slan vaw k&#601;laza Yawe, Ma&#331;g&#601;lva M&#601;s&#601;&#599;&#601;&#599;&#601; m&#601;s d&#601;z&#601;m&#601;&#599; disi&#331; d&#601; d&#601;lvafu&#331;; 23n&#601;g&#601;m na ga&#599;may&#601;k g&#601;zarra &#595;a, k&#601;tuw&#601;k sleprekke na hensek dayday s&#601;ra an nok &#595;a. Vi k&#601;dawn&#601;h na: &#8220;Int&#601; n&#601;kkpa&#331;gan Abram m&#601;sarya &#595;a.&#8221; 24Z&#601;ga tay d&#601;w&#601;l su ta'sa eske d&#601;b&#601;rki an gewle&#599; naw az&#601;ma&#331; &#595;a, haran net &#599;iy en d&#601;lha&#771;w&#601;n na, Aner, Eskol d&#601; Mamre, nd&#601;&#599;a&#331; s&#601;n kiyit d&#601;dawtaf&#601;ni.&#187;</div>
 </div>
 </div>
</div>

Aka pay net milyeŋge, Amrafel məlĩ na Sine'ar, Aryok, məlĩ na Ellasar, Kedarla'omer, məlĩ na Elam, gəm Tide'al, məlĩ na Goyim aɗɗaŋgək əlpa də Bera məlĩ na Sodom, də Birsa məlĩ na Gomorra, də Sine'ab məlĩ na Adma, də Simeber, məlĩ na Seboyim, gəm də məlĩ na Bela, va wənəh na, So'ar. Eskis pak, a walaŋ na Siddim akkalaŋgə, va wənəh na, pehe na bətuwa. Wəzva kəlaw kiyən sula, aɗɗaŋgək wəza sən Kedarla'omer, aka əzva makəlaw kiyən hoku na, aɓoŋgoŋko. Wəzva kəlaw kiyən mapoɗoni, Kedarla'omer adek dit milyeŋge en dəndeni. Arbaŋ sitinik mə Rafayɗe a Astarot-Karnayim, mə Zuziɗe a Ham, mə Emiɗe a Sawe-Kiryatayim, mə Horiɗe aka gərəm net a Se'ir, hã gap a El-Paran go'o də kapta muyã. Sissiŋ, amanən heret kəla En-Mispat, va wənəh na Kades, asomənək muyã net mə Amalekɗe somu, də an net Amorɗe na Hasason-Tamar. Yaŋ məlĩ na Sodom areɗ abe, milyeŋge na Gomorra, na Adma, na Seboyim, gəm na Bela, va wənəh na, So'ar; agohinik məzəlpaŋ neti, atəŋgaŋgək əlpa aka walaŋ na Siddim, də Kedarla'omer, məlĩ na Elam, də Tide'al məlĩ na Goyim, Amrafel, məlĩ na Sine'ar, Aryok, məlĩ na Ellasar: milyeŋge poɗo əgay dit sle'i. Walaŋ na Siddim məso'ni vov na membezleŋ; məlĩ na Sodom də an na Gomorra, abətaŋgək adak də ənza net səba wəgaya, en dəppaŋ na aggərəm anzoŋgu. Mələpatni arya na Sodom də an na Gomorra pakə, gəm zəga nawzəm net pak, ndəɗaŋ teki. Armanənək Lot, wətən məlmən Abram də arya nani, mah wəkanəni. A Sodom Lot asan də gəla.
Ɗəf məs dənzan səma wəgay aki sən alabara sən Abram mə Ibri dəsan də gəla ammbet wəleŋɗe adawyaŋ na, Elon na Mamre na Amori, məlmən Eskol gəm Aner; aslereŋgək də Abram. Səza Abram aprəm na, mərmani məlməni, asilgitik ɗiy muwet ananda səkat hoku də kəlaw kiyən dədopoɗoɗo. Azbetik məzuzelɗe nan hã a Dan. Awɗeketik ɗiy nan kawwak sit məzuzelɗe nan də dəfɗa. Arbaŋ sitinke, azbetinin hã gap a Hova disiŋ ki Damas. Amõhik aryeɗ pakə, amõhuk Lot məlmən nak də arya nan pakə, dit gili gəm ɗiy meɓɓeti.
Məlĩ na Sodom alək dəka walaŋ na Sawe, va wənəh na, walaŋ na məlyã, kalma də Abram damndan sə ma wəgay məs aska wəla Kedarla'omer dit milyeŋge en dəzbanəni.
Melkisedek yi, məlĩ na Salem, akiyək peŋ də mbazla. Məsdələv na Maŋgəlva Məsəɗəɗə, aɗɗak əzaɓ aka Abram dawnəh na: «Maŋgəlva Məsəɗəɗə, məs dəzəməɗ disiŋ də dəlvafuŋ dəɗɗa əzaɓ nan aka Abram! Soko sən Maŋgəlva Məsəɗəɗə məs dipsuk məzuzelɗe nok ammba voko!» Abram apsənək makəlaw na zəga məs arah pakə.
Məlĩ na Sodom anah sən Abram na: «Apsiw ɗiy kaka'ə, ande aryeɗ noko.» Abram azlan sən məlĩ na Sodom na: «In tat əslan vaw kəlaza Yawe, Maŋgəlva Məsəɗəɗə məs dəzəməɗ disiŋ də dəlvafuŋ; nəgəm na gaɗmayək gəzarra ɓa, kətuwək sleprekke na hensek dayday səra an nok ɓa. Vi kədawnəh na: “Intə nəkkpaŋgan Abram məsarya ɓa.” Zəga tay dəwəl su ta'sa eske dəbərki an gewleɗ naw azəmaŋ ɓa, haran net ɗiy en dəlhãwən na, Aner, Eskol də Mamre, ndəɗaŋ sən kiyit dədawtafəni.»

Klausytis Va'Atəŋ 14