Yine - 2008 WBT (NT) Non-Drama

Yine - 2008 WBT (NT) Drama

<div class="version vid652 iso6393pib" data-vid="652" data-iso6393="pib">
 <div class="book bkMAT">
 <div class="chapter ch13" data-usfm="MAT.13">
 <div class="label">13</div><div class="s">Yapkaklu kgitaklewaklerupirana</div><div class="p"> 1Walegogne panchi rushpakamtya Geso. Tsru wenuspuwnaga tuplata. 2Rapatyegitluna gixolune yine. Kanawa ruptekatka. Wane tuplata. Ga wa pejnuruneko gixolune yine wanga gwa. 3Gi gepikapirana runkakna yapkakluya. Wane china, &#8220;Wane rixa. Wa kgitaklewakleru gitaklewtapanu. 4Kopalajitini pimriji gatnugapostsi gapokajita. Runna koshichine. Niklokajitluna. 5Pimriji sotlu gwiyawaka gapokajita mwiyawakanu potu kajpa. Waneklumka rupchekni. Mpixnuwakapotni chiji. 6Ga wa rushpakini tkachi jimanatkalu. Ma matskinu chinanu rupriganatka. 7Pimriji kona yegi gapokajita. Tseruwna konkaka. Kapotanatkalu. 8Pimriji kiglewaka chiji gapokajita. Wane jiwatya. Rawa satu satpachaji, satu patsrujirmoleji, satu mapmoleji. 9Kajnakopnalu wa yijnakotinripa, yijnakotanu.&#8221;</div><div class="s">Kluneru chinanni yapkaklukaka</div><div class="p"> 10Runyegitluna yimaklene. Wane chinruna, &#8220;&#191;Klu chinanu yapkaklu punkaklewyegityana?&#8221;</div><div class="p"> 11Rugita Geso. Wane chinna, &#8220;Gi rixanu wa gixa geneeka gimatyaplu giyogimanatkaluru tokanchi tengogne pogirewatyawakapirana, seyni wanna gi wa geneeka. 12Wa waneyalutu wanepnute reneeka. Waneyamigjetu wane rixle konikona. 13Giyagni yapkaklu nunkaklewyegityana, retinmakna ma metinitipna, yijnakotinmakna ma yijnakotinitipna, ma mumata jeminitipna. 14Wane rixa poyagkakikolupa wannaya Gisayiya tokanchi geneklewatchri ginkakle. Wane china:</div><div class="q1"> Gijnakopna gyijnakotini, gi gimata jemanru. </div><div class="q1"> Getini getinmaka, gi gimatanru. </div><div class="q1"> 15Gi rixanu shikowgajkaakana nyi yine.</div><div class="q1"> Ga wa gijnakopnayna kyapreru yijnakotyana. </div><div class="q1"> Ga wa rushyaygaletna ma giygalna metinitipna; </div><div class="q1"> gi wa gijnakopnayna yijnakotinripna; </div><div class="q1"> gi rajiyakna rumata jemyana; ma kashrijetikotupna, </div><div class="q2"> nma mutuukakyanupna. </div><div class="p"> 16&#8220;Seyni giglenshinikanyegitkalurni giygale gi rixanu geta, ga wa gijnakopna gi rixanu gyijnakota. 17Gi rixanu galikaka wane nchingi, wa tsru galuklu rixmakluna gixo tokanchi geneklewatachine ga wa poyagkakachine. Raluka getletmakluna wa gixa getanru. Gi retluna. Raluka yijnakletmakluna wa gixa yijnakotanru. Gi wa yijnakotluna.</div><div class="s">Kgitaklewaklerupirana ginkakpokowakatka</div><div class="p"> 18&#8220;Giyagni gjemanru gixa kgitaklewakleru yapkaklepirana. 19Girukokta yijnakotlu tokanchi pogirewatyawakapirana, ga wa gi rumata jemlu, runa mugletu. Kashichlu raji gitaakaluru. Walenwa gatnugapostsi gitaakaluru. 20Ga wa sotlu gwiyawaka gitaakaluru, walenwa yijnakotlu tokanchi. Waneklu rumuwlepotuko yoptotlu. 21Seyni gi katskiri. Pshinitsonu gwachripa. Wa runini salewakchi ga wa kojwawakchi tokanchi chinanu, waneklu rutspekaaka. 22Ga wa kona gwiyawaka gitaakaluru wale yijnakotlu tokanchi. Wa kojwakanshinikanrukaka tyegogneya, ga wa ponikowlu yokwire kapotlu tokanchi. Gi wa jiwatanatka. 23Wa kiglewaka chiji gitaakaluru walenwa yijnakotlu. Rumatjemlu tokanchi. Jiwata: satu, satupachaji; satu, patsrujiremoleji; satu, mapmoleji.&#8221;</div><div class="s">Geso yapkakle triko ga wa triko pixkalutu kshanapirana</div><div class="p"> 24Satu yapkaklu runkakyana. Wane chinna, &#8220;Tengogne pogirewatyawaka satu jeji pixka rixa, kiglejiru gitakachri rusanate. 25Seyni rumkakopshinna yine runa kamnixjeru. Rutkaplu triko pixkalutu kshana, triko ganikajite. Yatka. 26Giyagni wa gitaakaluru gipchekinitka, kaji rixinitka, waneklu koxa rupgujewna triko pixkalutu kshana.</div><div class="p"> 27&#8220;Wayegrechine gapyegitlu kwangixleru. Wane chinruna, &#8216;Gitsrukaachi, &#191;gi ge kiglejiru putaklu wa pusanate? Giyagni &#191;ginaka ruyakatya triko pixkalutu kshana?&#8217;</div><div class="p"> 28&#8220;Wale wane chinna, &#8216;Satu jeji nkamnixjeru wane gixlu.&#8217;</div><div class="p">&#8220;Ga wa wayegrechine wane chinruna, &#8216;Giyagni &#191;gi ge paluklu wa woplipchetapyaplu?&#8217;</div><div class="p"> 29&#8220;Wale wane china, &#8216;Gike. Wa goplipchetinri gma moplityakoxaplu triko. 30Getasha tseruwnaletanru gepiko, jirgakoklunpotunanuko. Jirgakoklunpatka, wane nchinanna wa jirgachinepa, &#8220;Muchinangapka goplitanru triko pixkalutu kshana. Gostuptajetanru yoxikikolpatka. Ga wa triko gapatjetanu. Rumretikowakapji gitakanru.&#8221; &#8217; &#8221;</div><div class="s">Yapkaklu mostasajipirana</div><div class="p"> 31Satu yapkaklu runkakatnakna. Wane chinna, &#8220;Tengogne pogirewatyawaka mostasaji pixka rixa. Satu jeji ganiklo. Rusanate rutaklo. 32Walenwa galikaka ptowruko kajiruji mtserujitu potu. Seyni wa tseruwninitka walenwa tsru potu kshana gitaakaluru pnute. Gagmuna pixka rixa. Giyagni teno yapachine koshichine gina. Waleplu shalewatna.&#8221;</div><div class="s">Geso yapkakle gisekachripirana</div><div class="p"> 33Satu yapkaklu runkakatnakna:</div><div class="p">&#8220;Tengogne pogirewatyawaka gisekachri pixka rixa. Sato suxo gwalu. Gepmole masu yaglu trikopagi tyapjetlu, psoluko rusekinpotunanuko.&#8221;</div><div class="s">Yapkaklukakaya runkakletinri Geso</div><div class="p"> 34Pejnuruko tyekaka yapkakluya Geso ginkakna yine. Wa yapkaklu migje gike runkakna, 35wa poyagkakikolupa tokanchi geneklewatachri chinyawaka. Walenwa china:</div><div class="q1"> Nyanumatanu yapkakluya. </div><div class="q1"> Rekamrutkoklunuyakawa tye psolchijneko </div><div class="q2"> yogimanatkalurkaka nunkakletanu. </div><div class="s">Geso ginkakpokowakatlu triko pixkalutu kshana yapkaklu</div><div class="p"> 36Giyagni rungatkana gixolune. Panchi yatka Geso. Yimaklene ginyegitlu. Wane chinruna, &#8220;Punkakpokowakatanwu wa sana gajeru triko pixkalutu kshana yapkaklupirana.&#8221;</div><div class="p"> 37Rugita Geso. Wane china, &#8220;Wa kiglejiru gitakachri walekno Gita Yineru Wgenno. 38Sanni wa tye psolu chijiko. Ga wa kiglejirni wa pogirewatyawaka gajenni. Ga wa triko pixkalutu kshana walenwa muglene. 39Ga wa kamnixjeru walenwa tsru kamchi, triko pixkalutu kshana gitakachri. Wa jirgalni walenwa ralipregognepa. Ga wa jirgachinepa wannanwa Goyakalutowrerune.</div><div class="p"> 40&#8220;Giyagni wa kshana triko pixkalutu wane rixa goplitkotanu. Yochpiikotanu. Wane rixanu ralipregognepatka: 41Gita wa Yineru Wgenno nyokanatanna notowrene, pogirewatyawaka rapatinrina pejnuruko gitspetkalurkaka. Ginanshichkaluru kamrutachine koxa rapatanna. 42Wanna xirnachri giknooko. Waneplu chiyaglu ga wa gashkaygitlu. 43Giyagni poyagkakachine gatajiwnanu, tkachi pixka, Rurna pogirewatyawakaya. Kajnakopnalu wa yijnakotinripa yijnakotanu.</div><div class="s">Geso ginkakna ponikowlu yogimatkalurupirana</div><div class="p"> 44&#8220;Tengogne pogirewatyawaka ponikowlu pixka rixa sana yogimatkaluru. Satu jeji rukshikinitkalu, yogimatatnaklu. Rumuwle chinanu rushankaplu pejnuruko wane rixle. Ragjitanru wale sana.</div><div class="s">Kwenuro potu perlaji</div><div class="p"> 45&#8220;Wanepnutetnaka tengogne pogirewatyawaka kmarnewakleru pixka rixa, kigle katajiroji perlaji gijgachri. 46Rukshiklo sato kwenuro potu perlaji. Rushankaplu pejnuruko wane rixle. Ragjitatkalo.</div><div class="s">Geso yapkakle chalupirana</div><div class="p"> 47&#8220;Wanepnutetnaka tengogne pogirewatyawaka tsru chalu pixka rixa. Tsru wenu ruknokgatka. Rawlo pnumnu gixachro shima. 48Wa katsepo rixinitka chalu, wanga koshpatyatkalona. Tuplatna. Tsomitatkalona kiglero. Kojita rutakna. Ga wa gektuto shima maleka ruknokanatkalona. 49Wane rixanu ralipregognepa. Rushpakamtanna Goyakalutowrerune. Konanna muglene poyagkakachinetskalaya. 50Towrechine xirnachri giknokanunna. Waneplu chiyaglu ga wa gashkaygitlu.&#8221;</div><div class="s">Geso yapkakle ponikolewlu gerotkaka ga wa kapokotkakapirana</div><div class="p"> 51Wane chinna Geso, &#8220;&#191;Gi ge gimata jemlu wa tye pejnurkakakopirana?&#8221;</div><div class="p">Rugitluna, &#8220;Gigi.&#8221;</div><div class="p"> 52Wale wane chinna, &#8220;Giyagni pejnuruko yonchikagapri ginkaakaluru tengogne pogirewatyawakaya, satu jeji pixka rixa kapjiru. Ponikolewle koshpakyalu gerotkaka ga wa kapokotkaka.&#8221;</div><div class="s">Nasare myoptotikotu Geso</div><div class="p"> 53Wane rixa. Rali ginkakletinitkalu tyekaka yapkaklu, wane yiyatka. 54Gichijne yatka. Wanna ginkaklewawaklepji runkakjetyana. Wane rixa. Wanna giglajita. Wane chinna, &#8220;&#191;Ginaka rawyalu tye gimatkalewlu ga wa tye giyaklukaka? 55&#191;Gi ge kyosokokleru wgenekni wa Tye? &#191;Gi ge Mariya chinkalurokni wa runro? &#191;Ga wa repurune Santiyako ga wa Gosi, ga wa Simo, ga wa Gota chinkalune? 56&#191;Gi ge pejnuroneko repurone wixa yegi? &#191;Giyagni ginaka pguta rukshikyalu pejnuruko tyekaka gimatkalewlu ga wa ruyaklewle?&#8221; 57Wale pupjetyana.</div><div class="p">Seyni Geso wane china, &#8220;Maleshlu tokanchi geneklewatachri Goyakalunni mkagwakpiratkotu ga wa gichijnepjeya, gipjiya.&#8221;</div><div class="p"> 58Gi wa gixo giyaklu kamruta waneya ma malixlena chinanna.</div>
 </div>
 </div>
</div>

Walegogne panchi rushpakamtya Geso. Tsru wenuspuwnaga tuplata. Rapatyegitluna gixolune yine. Kanawa ruptekatka. Wane tuplata. Ga wa pejnuruneko gixolune yine wanga gwa. Gi gepikapirana runkakna yapkakluya. Wane china, “Wane rixa. Wa kgitaklewakleru gitaklewtapanu. Kopalajitini pimriji gatnugapostsi gapokajita. Runna koshichine. Niklokajitluna. Pimriji sotlu gwiyawaka gapokajita mwiyawakanu potu kajpa. Waneklumka rupchekni. Mpixnuwakapotni chiji. Ga wa rushpakini tkachi jimanatkalu. Ma matskinu chinanu rupriganatka. Pimriji kona yegi gapokajita. Tseruwna konkaka. Kapotanatkalu. Pimriji kiglewaka chiji gapokajita. Wane jiwatya. Rawa satu satpachaji, satu patsrujirmoleji, satu mapmoleji. Kajnakopnalu wa yijnakotinripa, yijnakotanu.”

Runyegitluna yimaklene. Wane chinruna, “¿Klu chinanu yapkaklu punkaklewyegityana?”
Rugita Geso. Wane chinna, “Gi rixanu wa gixa geneeka gimatyaplu giyogimanatkaluru tokanchi tengogne pogirewatyawakapirana, seyni wanna gi wa geneeka. Wa waneyalutu wanepnute reneeka. Waneyamigjetu wane rixle konikona. Giyagni yapkaklu nunkaklewyegityana, retinmakna ma metinitipna, yijnakotinmakna ma yijnakotinitipna, ma mumata jeminitipna. Wane rixa poyagkakikolupa wannaya Gisayiya tokanchi geneklewatchri ginkakle. Wane china:
Gijnakopna gyijnakotini, gi gimata jemanru.
Getini getinmaka, gi gimatanru.
Gi rixanu shikowgajkaakana nyi yine.
Ga wa gijnakopnayna kyapreru yijnakotyana.
Ga wa rushyaygaletna ma giygalna metinitipna;
gi wa gijnakopnayna yijnakotinripna;
gi rajiyakna rumata jemyana; ma kashrijetikotupna,
nma mutuukakyanupna.
“Seyni giglenshinikanyegitkalurni giygale gi rixanu geta, ga wa gijnakopna gi rixanu gyijnakota. Gi rixanu galikaka wane nchingi, wa tsru galuklu rixmakluna gixo tokanchi geneklewatachine ga wa poyagkakachine. Raluka getletmakluna wa gixa getanru. Gi retluna. Raluka yijnakletmakluna wa gixa yijnakotanru. Gi wa yijnakotluna.

“Giyagni gjemanru gixa kgitaklewakleru yapkaklepirana. Girukokta yijnakotlu tokanchi pogirewatyawakapirana, ga wa gi rumata jemlu, runa mugletu. Kashichlu raji gitaakaluru. Walenwa gatnugapostsi gitaakaluru. Ga wa sotlu gwiyawaka gitaakaluru, walenwa yijnakotlu tokanchi. Waneklu rumuwlepotuko yoptotlu. Seyni gi katskiri. Pshinitsonu gwachripa. Wa runini salewakchi ga wa kojwawakchi tokanchi chinanu, waneklu rutspekaaka. Ga wa kona gwiyawaka gitaakaluru wale yijnakotlu tokanchi. Wa kojwakanshinikanrukaka tyegogneya, ga wa ponikowlu yokwire kapotlu tokanchi. Gi wa jiwatanatka. Wa kiglewaka chiji gitaakaluru walenwa yijnakotlu. Rumatjemlu tokanchi. Jiwata: satu, satupachaji; satu, patsrujiremoleji; satu, mapmoleji.”

Satu yapkaklu runkakyana. Wane chinna, “Tengogne pogirewatyawaka satu jeji pixka rixa, kiglejiru gitakachri rusanate. Seyni rumkakopshinna yine runa kamnixjeru. Rutkaplu triko pixkalutu kshana, triko ganikajite. Yatka. Giyagni wa gitaakaluru gipchekinitka, kaji rixinitka, waneklu koxa rupgujewna triko pixkalutu kshana.
“Wayegrechine gapyegitlu kwangixleru. Wane chinruna, ‘Gitsrukaachi, ¿gi ge kiglejiru putaklu wa pusanate? Giyagni ¿ginaka ruyakatya triko pixkalutu kshana?’
“Wale wane chinna, ‘Satu jeji nkamnixjeru wane gixlu.’
“Ga wa wayegrechine wane chinruna, ‘Giyagni ¿gi ge paluklu wa woplipchetapyaplu?’
“Wale wane china, ‘Gike. Wa goplipchetinri gma moplityakoxaplu triko. Getasha tseruwnaletanru gepiko, jirgakoklunpotunanuko. Jirgakoklunpatka, wane nchinanna wa jirgachinepa, “Muchinangapka goplitanru triko pixkalutu kshana. Gostuptajetanru yoxikikolpatka. Ga wa triko gapatjetanu. Rumretikowakapji gitakanru.” ’ ”

Satu yapkaklu runkakatnakna. Wane chinna, “Tengogne pogirewatyawaka mostasaji pixka rixa. Satu jeji ganiklo. Rusanate rutaklo. Walenwa galikaka ptowruko kajiruji mtserujitu potu. Seyni wa tseruwninitka walenwa tsru potu kshana gitaakaluru pnute. Gagmuna pixka rixa. Giyagni teno yapachine koshichine gina. Waleplu shalewatna.”

Satu yapkaklu runkakatnakna:
“Tengogne pogirewatyawaka gisekachri pixka rixa. Sato suxo gwalu. Gepmole masu yaglu trikopagi tyapjetlu, psoluko rusekinpotunanuko.”

Pejnuruko tyekaka yapkakluya Geso ginkakna yine. Wa yapkaklu migje gike runkakna, wa poyagkakikolupa tokanchi geneklewatachri chinyawaka. Walenwa china:
Nyanumatanu yapkakluya.
Rekamrutkoklunuyakawa tye psolchijneko
yogimanatkalurkaka nunkakletanu.

Giyagni rungatkana gixolune. Panchi yatka Geso. Yimaklene ginyegitlu. Wane chinruna, “Punkakpokowakatanwu wa sana gajeru triko pixkalutu kshana yapkaklupirana.”
Rugita Geso. Wane china, “Wa kiglejiru gitakachri walekno Gita Yineru Wgenno. Sanni wa tye psolu chijiko. Ga wa kiglejirni wa pogirewatyawaka gajenni. Ga wa triko pixkalutu kshana walenwa muglene. Ga wa kamnixjeru walenwa tsru kamchi, triko pixkalutu kshana gitakachri. Wa jirgalni walenwa ralipregognepa. Ga wa jirgachinepa wannanwa Goyakalutowrerune.
“Giyagni wa kshana triko pixkalutu wane rixa goplitkotanu. Yochpiikotanu. Wane rixanu ralipregognepatka: Gita wa Yineru Wgenno nyokanatanna notowrene, pogirewatyawaka rapatinrina pejnuruko gitspetkalurkaka. Ginanshichkaluru kamrutachine koxa rapatanna. Wanna xirnachri giknooko. Waneplu chiyaglu ga wa gashkaygitlu. Giyagni poyagkakachine gatajiwnanu, tkachi pixka, Rurna pogirewatyawakaya. Kajnakopnalu wa yijnakotinripa yijnakotanu.

“Tengogne pogirewatyawaka ponikowlu pixka rixa sana yogimatkaluru. Satu jeji rukshikinitkalu, yogimatatnaklu. Rumuwle chinanu rushankaplu pejnuruko wane rixle. Ragjitanru wale sana.

“Wanepnutetnaka tengogne pogirewatyawaka kmarnewakleru pixka rixa, kigle katajiroji perlaji gijgachri. Rukshiklo sato kwenuro potu perlaji. Rushankaplu pejnuruko wane rixle. Ragjitatkalo.

“Wanepnutetnaka tengogne pogirewatyawaka tsru chalu pixka rixa. Tsru wenu ruknokgatka. Rawlo pnumnu gixachro shima. Wa katsepo rixinitka chalu, wanga koshpatyatkalona. Tuplatna. Tsomitatkalona kiglero. Kojita rutakna. Ga wa gektuto shima maleka ruknokanatkalona. Wane rixanu ralipregognepa. Rushpakamtanna Goyakalutowrerune. Konanna muglene poyagkakachinetskalaya. Towrechine xirnachri giknokanunna. Waneplu chiyaglu ga wa gashkaygitlu.”

Wane chinna Geso, “¿Gi ge gimata jemlu wa tye pejnurkakakopirana?”
Rugitluna, “Gigi.”
Wale wane chinna, “Giyagni pejnuruko yonchikagapri ginkaakaluru tengogne pogirewatyawakaya, satu jeji pixka rixa kapjiru. Ponikolewle koshpakyalu gerotkaka ga wa kapokotkaka.”

Wane rixa. Rali ginkakletinitkalu tyekaka yapkaklu, wane yiyatka. Gichijne yatka. Wanna ginkaklewawaklepji runkakjetyana. Wane rixa. Wanna giglajita. Wane chinna, “¿Ginaka rawyalu tye gimatkalewlu ga wa tye giyaklukaka? ¿Gi ge kyosokokleru wgenekni wa Tye? ¿Gi ge Mariya chinkalurokni wa runro? ¿Ga wa repurune Santiyako ga wa Gosi, ga wa Simo, ga wa Gota chinkalune? ¿Gi ge pejnuroneko repurone wixa yegi? ¿Giyagni ginaka pguta rukshikyalu pejnuruko tyekaka gimatkalewlu ga wa ruyaklewle?” Wale pupjetyana.
Seyni Geso wane china, “Maleshlu tokanchi geneklewatachri Goyakalunni mkagwakpiratkotu ga wa gichijnepjeya, gipjiya.”
Gi wa gixo giyaklu kamruta waneya ma malixlena chinanna.

Klausytis Matiyo 13