Populiarios Biblijos eilutės iš JOHANA 15

Dalintis

Kei grêp chu ka ni, nangni a pêngte chu in ni. Tu pawh keimaha awm renga, kei pawh amaha ka awm rengna chu tam takin a rah ṭhîn; keimah lovin eng mah in ti thei si lo.

Keimahah awm reng ula, kei pawh nangmahniah ka awm reng ang. Pêng chu grêp hruia a awm reng loh chuan a rah thei lo ang bawkin, nangni pawh keimaha in awm reng loh chuan in rah thei lo vang.

Keimaha in awm renga, ka thu nangmahnia a awm reng bawk chuan, in duh apiang dîl ula, in hmu zêl ang.

Nangnin mi thlang lo, keiman ka thlang zâwk che u a, va rah tûr leh in rah awm reng tûrin ka ruat bawk a che u; tichuan, ka hminga Pa hnêna in dîl apiang a pe dâwn che u nia.

Miin a ṭhian tân a nun a pêk aliama hmangaihna nasa zâwk tu man an nei lo.

Ka zawmpui pêng rah lo apiang a paih ṭhîn a, a rah apiang a thian fai ṭhîn, a rah tam lehzual nân.

Hei hi ka thupêk chu a ni; ka hmangaih che u ang hian nangni pawh inhmangaih tawn rawh u.

Tam taka in raha, ka zirtîrte in nih tak meuh hian ka Pa chawimawiin a awm ṭhîn.

“Kei hi grêp tak chu ka ni a, ka Pa a huan enkawltu a ni.

Tu pawh keimaha awm reng lo chu, pêng anga paih chhuahin an awm ṭhîn, pêng paih chu a vuai a, an fawm a, meiah an paih a, a kâng ṭhîn.

“Ka lâwmna hi nangmahnia a awm reng nân leh, in lâwmna chu a famkim nân hêng thu hi in hnênah ka sawi a ni.

Ka thupêkte in zawm chuan, ka hmangaihin in awm reng ang, keiin ka Pa thupêkte ka zâwm a, a hmangaiha ka awm reng ang hian.

He thu hi ka pe a che u, inhmangaih rawh u.

Khawvêl mi ni ula chuan, khawvêlin ama ta chu a hmangaih ang che u; nimahsela, khawvêl mi in ni lo va, khawvêla mi ka thlan chhuah in nih avângin khawvêlin a hua che u a ni.