Populiarios Biblijos eilutės iš GENESIS 15

Dalintis

Áko Bóhólníihii joosdląąd, áko t'áá ákogi ájít'éego há haadzíí'.

Díí bik'ijį' Éíbram bił áhoodzaago Bóhólníihii bizaad yidiizts'ą́ą'go ání, T'áadoo nił yé'í, Éíbram; shí ninaage' nishłį́, índa ayóó át'éego nich'į' niná'doodléełii nishłį́.

Áádóó hoł ch'íní'áazhgo áháłní, Níléí góde yádiłhił biyi'góó díní'į́į́'; sǫ' yíníłta'; bíninil'ą́ągo yíníłta', áádóó ánááhodoo'niid, Ákót'éego na'áłchíní náás da'ahílchíihii ákónéelą́ą́' dooleeł.

Áádóó jó'akon, Bóhólníihii bizaad náázdiizts'ą́ą'go ánááhodoo'niid, Díí doo hóó' dooleeł da; t'áá ni niye' bíí' dooleeł.

Áko Bóhólníihii éí Éíbram áyidííniid, T'áadoo naaki nilíní nił bééhoozįįh; na'áłchíní náás da'ahílchíihii dé'éyóní danilį́įgo kéyah t'áadoo daabíi' ii yiyi'di nidaal'a' doo; atídabi'dil'į́įgo dį́įdi neeznádiin nídoohah

Áko Éíbram ázhdííniid, ShiBóhólniihii Diyin God, sha'áłchíní t'ah doo haleehgóó ha'át'íí lá shaa nílé? Áko shee hólóonii Damáskasdóó Eliyíízer nilíinii bíí' dooleeł.

T'áá éí bijį́į́dą́ą́' Bóhólníihii kóníigo Éíbram yił aha'deet'ą́, Na'áłchíní náás da'ahílchíihii díí kéyah Ííjip tooh nílínídóó ayóó át'é Yufréítiiz tooh nílíníjį' baa diní'ą́

Nidi dį́įdi są́ ná'oogą́ą'go kwe'é nináhidookah, háálá Ámor dine'é doo ákwii át'éii t'ah doo bide ánéeh da.