Populiarios Biblijos eilutės iš GENESIS 3

Dalintis

Áádóó asdzání éí tsin bineest'ą' ch'iyáán yá'át'éehii át'éego áádóó bik'izhníghalgo hoł yá'íít'éehgo índa tsin la' t'áá hojíyą́ áhóle'ígi át'é dziniizį́į'go bineest'ą' ła' nizhdii'ą́ągo jííyą́ą́', áádóó hahastiin ałdó' ła' baazhní'ą́ągo yiyííyą́ą́'.

Áko íídą́ą́' tł'iish agháago nítséékosii éí nihokáá'góó naaldeehii Bóhólníihii Diyin God ábiilaaígíí t'áá ałtso yiláahgo át'é. Áko asdzání áyidííniid, Da' t'áásh aaníí Diyin God kóní, Tsin t'áá ałtso dá'ák'ehgi naazkaadígíí t'áadoo bąąhdóó ohsání?

Áádóó ni índa asdzání bił ałk'ee diní'niihgo ádeeshłííł; na'áłchíní índa éí ba'áłchíní yił ałk'ee dadi'niihgo ádeeshłííł; éí nitsiits'iin yidoołjish; ni éí bikétal dííłjish.

Asdzání ałdó' áyidííniid, Ts'ídá ayóó át'éego yínííł nide ánát'įįhgo i'niiłchíihgo ti'hoyíníihgo ádeeshłííł; nił nahonigaahgo ni'iyíłchíih doo; nahastiin bídin nílį́į doo, áádóó bí bóhoníłníih doo.

Łeezh nísínídlį́į'jį' nitásiil nahgóó ahíghaasgo nanilnishgo índa íyą́ą doo, háálá łeezh bits'ą́ą́dóó áni'diilyaago łeezh nílį́, áko łeezh nídíídleeł.

Áádóó Ádam ałdó' áyidííniid, Ne'asdzą́ą́ ánínígíí yísíníłts'ą́ą'go, Tsin doo bąąhdóó adííyį́įł da, nidishní yę́ę bąąhdóó ííníyą́ą́'; éí bąą niniinaa ni' hóyée'go bá ha'oodzíí'; nich' į' nahwii'náago nanilnishgo bits'ą́ą́dóó i'dílnahgo ni'dííłdįįł

Áádóó Bóhólníihii ádííniid, Háísh, T'áá łiníchí'í, niłní? Da' tsin doo bąąhdóó adííyį́įł da, nidishní yę́ęésh bąąhdóó ííníyą́ą́'?

Áko diné ch'ínizhníłchą́ą́' áádóó Diyin God éí dá'ák'eh Íídendi ha'a'aahjígo diyingo nidaal'a'í áádóó kǫ' bits'áhodino'ii diltłishgi át'éego t'áá ałtsogóó náálkiłgo iiná tsin bich'į' atiinígíí yaa ádahalyą́ą doo biniyé niinínil.

Ádam éí hwe'asdzą́ą́ Íiv bee jíízhi', háálá dajiináanii t'áá ádzíłtso hamá silį́į́'.