Populiarios Biblijos eilutės iš Ruk 18

Dalintis

Areme Jesu fu vuak be bijame e vuak fuon faivo iji kuardiain. Fu ijeg kuardiaga bu vierafekin buka tavan uruvana sirimamekgavo buba uzakfuon.

Areme E Bomana Jesu fu uri kia, Ja vuak irerag e bomana akai samuamo fu renma na kuaivo iji jan fain. Regavo ja vierafe God fube efuon iji bu nakikmazak fuon sirimamejo iji ijeg ifejdiak? Revo madu ja vierafe fube saroime ifejdiak? Naka ma kuardiav fuba saroik gavo fuka migegare ifejdiak. Regavo tavan iji Ema ijiebuon Farif igi na una roko iji ja vierafe e fok bu kafu vek na ma vierafeke na giak? Ijefuon nika unam izeg bara amun fu kenma ijeg mimatame God sirimamene kuara unar kekin fu ifejdiaga e ani jon buba unam jon kam arafiriakfuon.

Bu ijeg kuaivga Jesu fu una kia, E be fu erar fum fuon izeg fu mukoi vierafeno ga unam fuon fu kegoino ijia fu aresrenma bakin. Regavo fun Godri fuonkua fu aresredo fu ire fok rekfuon. Fur fuonkua era fu vierafenma iji kuaga fu e iji God fu oibuon iji samuagdiamo ijiena buna besum mazikno kiain.

Regavo e bomana kot faimo iji fuka ba ifejdakafa vierafen. Revo fu uri fui kuai, Na God na juvknum ema iji akariavo bakin. Revo bara amun iji fu na kiekieko naka isediem. Ijefuon ivia na fu ifejdame unam fuon amarek. Regavo bakma fu ijegreke na fuka isediekno kuain.

Regavo igia faif. Eraneb buba am ukaknak iji bu asoijbuon ma vierafejo igegreare na ma vierafekva e iji bu Godon e rekva bano kiain.

Bu ijeg bijuivga Jesu fu uri kia, Am ukaknak iji jab bijukuriakgavo ni arega bu ruaf. Ijefuon maiji God fu e iji eraneb bu am ukaknak igi bu asoijbuon ma vierafejo ijeg bu na ma vierafejo fu e ijekin iji samuagdiakafa vierafen.

Fu ijeg kuamga Jesu fu uri e ni zuriaigin iji kua, On a ma vierafenma ijar a amardainmano ni ninaramne kuain. Rega tavan ijia e iji fu una ninara nisaime uri Godon oimarknum Jesu ja vain. Fu ja vakga e fok bu iji game buk uri Godon oimaren.

Fu ijeg kuardamga Jesu fu una kua, A irerafuon na kie a e mano kiem? Fu e be erar e ma bakin revo e ma iji fun e besum God fuonkua.