Populiarios Biblijos eilutės iš Mateu 5

Dalintis

Kadu deinake, avi tuta lampa V katunu, eha kunia kata‑tana‑kabubu lampa V hetana. Eha yaka dewa deina. Kate yaka dewa lampa V a pai vi‑ai hetana kaboui, e manua habuhabuna na‑mahetei, e lampana V tomotau habuhabuna manuana nihenina ivaitei deina. Itomi kadu lampa V deinake. Nau‑wawanimi yami maheta un'‑awaehei na‑mahetei tomotau mataia, e taui yami dewa ahiahina idueyei deina, ka apaina taui Amami wahuma in'‑awa‑davei.

Ka kadu itomi lampa V a maheta tau ma' tanopi wayahi deina. Aituhu aitam meagai atu‑oyaoyana hetana mamaei, eha ana pata tomotau meagai‑nana ihive.

Aituhu aviyaivia yai nuanua eha tana‑vewanina, kate tuta tuta yai nuanua maheta nuai vo‑vi‑mahetei, akanai, taui avaha nau‑iaiava ivaniahei. Iuna apaina taui Yaubada idudueyei.

Aituhu aviyaivia yai nuanua ananina Yaubada ya nuanua ivi‑ateteyei, akanai, taui avaha nau‑iaiava ivaniahei. Iuna apaina Yaubada yai nuanuana ananina n'‑awaehei deina.

Kate ataina aviwavenemi tunina. Ami havia kadu udewa‑vidovidohei! Ka aituhu aviyaivia ivo‑vi‑vihami, nau‑wawanimi uviama wayahi Yaubada na‑ivaitei.

“Aituhu aviyaivia avaha ianamanei taui awakabi Yaubada matana, ka eha aitam aviani yai dewa wayahia Yaubada n'‑apa‑vidovidohe, akanai taui avaha nau‑iaiava ivaniahei. Iuna taui ai pata Yaubada ya pai veimea ivaniahei.

Aituhu aviyaivia havia ivo‑vi‑gomani ivi‑yaiana, akanai, taui avaha nau‑iaiava ivaniahei. Iuna apaina Yaubada n'‑awaeha wayahi, ‘Taui natunatu.’

Aituhu aviyaivia ataina ivi‑mohai, akanai taui avaha nau‑iaiava ivaniahei. Iuna apaina Yaubada nuai vo‑vi‑tunuhi ividoha.

Aituhu aviyaivia Yaubada yana vona ivi‑ateteyei, kate inahe ivaniahei yai dewa tunutunuhina wayahina, akanai, taui avaha nau‑iaiava ivaniahei. Iuna taui Yaubada ya pai veimea ivaniahei.

Aituhu aviyaivia mani tomotau iate‑nuanuaiei, akanai taui avaha nau‑iaiava ivaniahei. Iuna apaina Yaubada kadu taui n'‑ate‑nuanuaiei aitamoata deina.

Ka aituhu aviyaivia itomi wayahimia uvi‑muni‑waiwaieu, ka aituhu mani tomotau inau‑vonuvonuemi, kadu ivi‑ginibaiemi, kadue yai vitupu wayahina iapa‑goyogoyoemi yauke taua wayahiu, akanai, taumi avaha nau‑iaiava uvaniahei deina. Avaha uanamanei tuta nonova a itoava tuta ataina wayahina, Yaubada ya tau apa‑taputapu inahe ivaniahei tomotau wayahia aitamoata deinake. Wayahina, vona ahiahina, nau‑wawanimi udewa‑haiawa ani‑vainena. Iuna Yaubada ami nau‑pata ahiahina poy'‑avini wahuma, ka apaina uvaniahei.

Aituhu aviyaivia eha ita‑nua‑vane, ka taui ai wava eha ananina tomotau mataia, akanai taui avaha nau‑iaiava ivaniahei. Iuna apaina Yaubada tanopi habuhabuna venei iveimeyei.

Itomi au tau vi‑muni‑waiwai tau ma' tanopi una‑ivaitei, niuna aniani na‑ivaitei deina. Aituhu niuna wetona iopu iakwa, unana eha ana pata vidoha‑havine. Akanai, tomotau ivihahaiei, iepa‑yavunei etawana wayahina, ka tomotau iva‑taunei tanopia.

Ka taumi nau‑wawanimi uvi‑muni‑waiwaieu, ka nau‑wawanimi tomotau habuhabui udewa‑vidovidohei, Amami wahuma yana dewa deina.”

Wayahina, akanai ena‑vona, ‘Ika, apaina adewei deina,’ o kadi ena‑vona, ‘Eha, apaina eha adewe deina.’ Aituhu kadu aitam vona ebou yam vona hetana, vonana hetana vin'‑omo Satana wayahina.

Avaha uanamanei nonova, avi tuta aitam tomotau gonia vaniahei a niam wayahina, Yaubada ya veimea yaka tupua‑nenenehi veimeyei, ivona, ‘Mata aitamoata a nau‑pata mata aitamoata, kadu niho aitamoata a nau‑pata niho aitamoata.’ Kate ataina aviwavenemi tunina. Aituhu tomotau goyogoyona vi‑goyom, eha enau‑pata goyo‑nana wayahina. Aituhu koiaka awayaem ateim piahi, akanai awayaem akenim en'‑awaehei kadu na‑piahi.

Wayahina, aituhu goyona vin'‑omo matam ateim ya dunea, e vo‑vi‑peum, nau‑wawanim matam emoi‑yavunei. Viha‑nana eha ananina, ka tupwana. Ahiahina wayahim aituhu hutam aitamoata evo‑haini deina. Iuna aituhu goyona vi‑peum, apaina Yaubada yam dewa‑yaiyai vi‑nua‑dadani, e kaiwadi, tauna veimeyem vivane ininim habuhabuna ihaponei ena‑opu ai ananata nihenina. Aina viha‑vavaha. Ka kadu aituhu goyona vin'‑omo nimam ateim ya dewea, e vo‑vi‑peum, nau‑wawanim nimam eupwa‑yavunei. Viha‑nana eha ananina, ka tupwana. Ahiahina wayahim aituhu hutam aitamoata evo‑haini deina. Iuna aituhu goyona vi‑peum, apaina Yaubada yam dewa‑yaiyai vi‑nua‑dadani, e kaiwadi, tauna veimeyem vivane ininim habuhabuna ihaponei ena‑opu ai ananata nihenina. Aina viha‑vavaha.