Populiarios Biblijos eilutės iš Kabavelamu 3

Dalintis

Beqa vavine ikiseni no kaivuavuaqa giamaina kabakani, kanakisa giamaina wete wayaqidi inakania beqa matana inakawananaqai vakai matatabudi inayagovidi. Beqa tupwaidiavo vuadi ikewadi, tamo ikania. We mwanedi no waineye taiauda imiamia, beqa tamo iveleni ikania.

Baisoa nanuauya katupoe paipaina ilaga-otoqa mulineye tupwaidiavo kaisaya Iave Yaubada ivalabubunidi. Baisoa vavine ivelautoliedi ivo, “Dede mwaqitana Yaubada ivonemi no kaivuavuaqanidiavo tanoqa naqeneye ge kwaikanidi?”

Aivekaiwemu komu wete vavine kwaivetalavuala tubuleleleqimwavo wete vavine tubuleleleqinavo inavetalavuala. Vavinenina tubuleleleqina kunukunumu inatutuguali, we komu kaqekedukeduna kiovai.”

Iave Yaubada vavine waidie ivona ivo, “Avona waimie kamikaimatavuloqa paipaina. Kamukabeida mwau waimie veviqa bwaigina kwaibabaneni gwamana natubuqa waineye. We kamikaimatavuloqa kanaveluqa dede mesaida, komi wayaqimi mwanemi kwailoineni we mwanemi inaloinemi menaveluluna.”

We kilituqa-veluveluluna kilaugamweai kanikani kibabaneni, we kivila-vaituqana pwayapwaya waineye. Pwayapwayaeqa pwayapwaya kaupualina akewai avalabubunimu wete kivepwayapwaya-vaituqana.”

Iave Yaubada Adama ivoneni ivo, “Avona waimue kamukaimatavuloqa paipaina. Komu mwanemu bonadi kunoqai, we kaivuavuaqa kukania gumanina avonemu avo, ‘Ge kikania,’ “Beqa pwayapwaya aikavekapoi, we komu lituqaeqa kiveviqa kanikani kigoyovi kikani yawaimu kanamatatabu waineye.

Yaubada ivelautoli ivo, “Aitoi ivonemu kuvekayakaigwene? Oge kaivuavuaqanina avonemu ge kikaniaqa komu kaivuavuaqanina vuana kukania?”

Mulineye tomoqo ikwavineni isauyeni, we selubima tupwaidiavo ivonedi inatovotovoi bolimana (isiti) navikaie tanoqa Ideni waineye. Wete kepata tamoqana niniqona we yabeyabelina ielauvivila vikai puena waidie iyatoi. Beqa no sakunidiavo yawaina vaqata kanakaivuavuaqa kanakeda inavekisabodebodeni, we ge tamo aitoi inalugu vikainina waineye.

Tomoqo iyagovi mwanena inave'ina tomo'otoqa yawayawaidi puena waidie beqa iqoledi Ibe.