Populiarios Biblijos eilutės iš Zhan 4

Dalintis

Ɔwɔ dú ɛnhɛ́n, kɩ yɔ hɔ̀n léyi kɛ sɛ́n nɛ̀n nɔn, ke ji le kɛ̀ sɛ́n nɛ̀n ɛnhɛ́n mɛ̀n mán annanwɔrɛ mɛ̀n.”

Tɛ́n ɛnvra kɛ và, kɩ ɛnvra lɔ mán cɔ̀a, kɩ Ɔwɔ-sɛ́n-bɔ̀ annanwɔrɛ hɔ̀n lɔ, kɛ lɛ sɛ́n Ɔwɔ Zi ɛnhɛ́n mɛ̀n mán annanwɔrɛ mɛ̀n; ɔmuhi Ɔwɔ ke ji le Ɔwɔ-sɛ́n-bɔ̀ kè cüe nɛ̀n ankɔrɛ̀ ezìwú ɔmu lɔ nɔn.

tɛ́n ɔwrɔn léyi ke le mi ɛnshi léyi mɛ lɛ tán nɛ̀n nɔn, ɛnshi mùanwù ke sɩ̀ vru ẅɛn nɛ̀n mrìmrì. Ɔmuhi, ɛnshi léyi mɛ lɛ tán nɛ̀n nɔn, kɛ lɛ srɔ ɛnshi-bɛ léyi ɛwúvà léyi ke sɩ̀ trɔa nɔn ke le dú nɛ̀n ɛmɛ̀n kɛ̀ gbɛ́ nɔn.”

Zhezü mrɛ́n nɛ̀n ɔmùan le: “Ke dú kɛ è nyri eci léyi Ɔwɔ kɛ tán nɔn, kɩ è nyri ɔwrɔn léyi kɛ sán mɛ́n ɛnshi kè mì nɔn, vɛ́n de ɛ lɛ gɔ̀ sán nɛ̀n ɛnshi kɩ nɛ lɛ tán mɛ́n ɔkɔrɛ shi.”

Zhezü kɛ dɔ́ yɔ le: “M'ɛci-zî dú hɩ le mɛ lɛ hán ɔwrɔn léyi wá mɛ̀n ɔkɔhɔ̀n nɔn n'ɛkɔrɛzì-ci, ô ɔkɔhɔ̀n léyi nɛ̀n tán mɛ̀n nɔn, mɛ̀n trɔ n'ɛhán.

Ɛnnyɔnwrɔn lɔ kɛ dɔ́ nɛ̀n le: “Ankà-yé-wrɔn, è sɩ̀ ẅɛ̀n sonu, kɩ ovru lɔ mán vrɛ́n. Anwɔntan de ɛ lɛ hán, ô ɛ̀ cɔ́ ɔkɔrɛ shi nɛ́n?

Ɛnnyɔnwrɔn lɔ kɛ dɔ́ Zhezü le: “Mɛ̀n nyri ɔmu le Ebɩ̀die-wrɔn (Krisì) kɛ lɛ và. Ɛnvra léyi nɛ lɛ và nɔn, nɛ lɛ dɔ́ bɔ̀ ankà lɔ fɛn.” Zhezü mrɛ́n nɛ̀n ɔmùan le: “Mɛ̀n dú Ebɩ̀die-wrɔn, mɛ̀n léyi mɛ dɔ́ mɛ́n ankà nɔn.”

“Nyɛ́n và nyɛ́n nyan ɔwrɔn tɔ̀n léyi dɔ́ mɛ̀n m'eci lɔ fɛn léyi mɛ̀n hán nɔn. Nɛ́n de ne le dú Ebɩdie-wrɔn lɔ nɛ́n?”