Populiarios Biblijos eilutės iš Matie 18

Dalintis

Ɔmuhi ɛyri léyi anwrɔn anhyrɛ̀ mán anhɔ̀n kɛ borɛkru m'ebɩ́ mɛ̀n nɔn, mɛ̀n dú yɔ anwanzi.”

Mɛ dɔ́ nyɛ̀n le, ke dú kɛ, ny'ɛmɛ̀n lɔ, anwrɔn anhyrɛ̀ ɔmùan kɛ krɔn ɛnu hibù wú, kɛ sán y'Ɔwɔ-sɛ́n mɛ̀n eci totɔtɔ̀n léyi yɔ ji nɔn, Dade léyi dú anhobɩ́ nɔn, kɛ lɛ tán yɔ.

Zhezü bi ɛnẅì cɛ tɔ̀n, bɩ́ nɛ̀n hɛ́n y'eziwú kɩ kɛ dɔ̀ le: “Mɛ dɔ́ nyɛ̀n annànwɔrɛ mɛ̀n le: ke dú kɛ nyɛ́n sɩ̀ crɔ̀n hàn, nyɛ́n srɔ̀ ɛẅì hɔ̀n hɔ́ hô, nyɛ́n sɩ̀ bru Anhobɩ́ Nɛ̀ncüì-dúyri lɔ rɔ́.

Anhobɩ́ nɛ̀ncüì-dúyri lɔ ecüìcüì dú ɔwrɔn léyi ke sɩ́ n'edomɛ̀n ɛnhi kɩ kɛ srɔ ɛnẅì cɛ ndɔ lɔ nɔn hɔ́.

Kɩ ɔwrɔn léyi ke bɩ́ ɛnẅì tɔ̀n, hán ndɔ léyi nyɔn nɔn, m'ɛcüɛ̀n kruhú, mɛ́n mumù de ne bɩ́ mɛ̀n nɔn.”

Mɛ dɔ́ nyɛ̀n annànwɔrɛ mɛ̀n le: eci léyi nyɛ lɛ mrɛ́n sɔhɔ́ ɛnhibù wú nɔn, anhobɩ́ mán yɛ lɛ mrɛ́n sɔhɔ́; eci lɔ fɛn léyi nye le bɩ́ ɛnu hi nɔn, anhobɩ́ mán ye le bɩ.

Kɩ Zhezü vru kɛ dɔ̀ le: “Ɔmu lɔ de Dade léyi dú anhobɩ́ nɔn ke le ci nyɛ̀n ɛmrɛ̀n ke dú kɛ ɔwrɔn kè sɩ̀ bɩ ɛgbàn ke ce nɛ́n nyran n'ɛnbɔrɛ lɔ fɛn mɛ̀n.”

“Ɔwrɔn léyi kɛ hán ɛẅì hɔ̀n ndɔ hɔ̀n léyi ke bú m'ankà kɛ tán ankàẅì, ɛnzri ke bru ɛgbàn mɛ̀n hô, zrɔ tán le ɔwrɔn ndɔ lɔ, ye mú nɛ̀n obù vri tɔ̀n ɔbɔ̀n, ô yɛ kɔ́n nɛ̀n di ecüe.

Anhɔntan nyɛ hán nye tro hɛ̀? Ke dú kɛ ɔwrɔn tɔ̀n kɛ ẅɛn Kɔ̀kɔ̀sɛ̀ ɛkoẅi-ɛnrì kɩ ɛnzri ke dú ɛmɛ̀n kɛ zrɛ́n, ɔwrɔn ndɔ lɔ ke sɩ̀ teze kɔ̀kɔ̀sɛ̀ ndɔ hɔ̀n léyi wɔrɔ nɔn, ô nɛ́n hɔ́n nɛ̀n ji ɛnzri léyi zrɛ́n nɛ́n?