Populiarios Biblijos eilutės iš Mateo 7

Dalintis

Ma tiyaꞌ kan rukꞌutuxik ri ndikꞌutuj, y kin xtiyoꞌox chiwa, tikanoj ri ndiwojoꞌ, y kin xtiwil, kixkꞌujkꞌut apu chi puerta, y kin xtijaq pe chiwech.

Porque konojel ri ma ndikiyaꞌ ta kan rukꞌutuxik ri ndikikꞌutuj, kin ndiyoꞌox wi chake. Keriꞌ chuqaꞌ ri ndikikanoj ri ndikajoꞌ, kin ndikil wi, y ri ngekꞌujkꞌut apu chi puerta, kin ndijaq wi pe chikiwech.

Romariꞌ, ri ndirakꞌaxaj ri tzij ngitajin chubꞌixik y ndubꞌen pa rukꞌaslen, nijunumaj rikꞌin jun achi ri kin ndikaney runoꞌoj. Ri achi riꞌ nej xukꞌat qa ri ulew chin xubꞌen qa ruxeꞌ ri rachoch pa xeq ulew.

Romariꞌ, tibꞌanaꞌ chake ri wineq achel ndirayij rix chi ndikibꞌen rejeꞌ chiwa. Porque jareꞌ rukꞌuꞌx ri ndubꞌij ri ley y rukꞌuꞌx ri kitzꞌibꞌan kan ri profetas.

Pero ri puerta y ri bꞌey ri ndukꞌuan chin ndawil ri kꞌaslen ma ndikꞌis ta, kaꞌal ok kiwech, y ma ekꞌiy ta ndikil ri bꞌey riꞌ, porque kꞌayew ngabꞌiyin chupan.

Kixok apu chupan ri puerta kaꞌal ruwech. Porque nim ruwech ri puerta y nim ruwech ri bꞌey ri ndukꞌuan pa kamik, y ekꞌiy wineq ngeꞌok apu chupan.

Y si rix ri ma utz ta inoꞌoj iwetaman ndiyaꞌ utzulej teq achike chake ri iwalkꞌuaꞌl, ¡kin más wi retaman nduyaꞌ utzulej teq achike ri aj chikaj Itataꞌ Dios chake ri ngekꞌutun chare!

Ma kixwalal chirij rukꞌaslen jun wineq, chin ma xtibꞌan ta keriꞌ chiwij rix. Porque achel ri castigo xtirayij rix chi ndiqaqa pa kiwiꞌ chꞌaqa chik, keriꞌ xtirayix chi ndiqaqa pa iwiꞌ rix. Y achel runikꞌoxik kikꞌaslen ri wineq xtibꞌen rix, keriꞌ chuqaꞌ xtibꞌan chiwa.

Pero ri ndakꞌaxan ri tzij ngitajin chubꞌixik y ma ndubꞌen ta ri nibꞌij chare, nijunumaj rikꞌin jun achi ri ma ndikaney ta runoꞌoj, ri pariꞌ sanayiꞌ xupabꞌaꞌ ri rachoch.

¿Achike roma ndatzꞌet ri chꞌuti kꞌin qꞌatel pa ruwech ri a-hermano, y ma ndayaꞌ ta cuenta chare ri ten qꞌatel pa awech rat? Si rat qꞌatel jun ten pa awech, ¿achike roma kaw awech ndabꞌij kereꞌ chare ri a-hermano: Tayaꞌ qꞌij chuwa chi niwelesaj la chꞌuti kꞌin qꞌatel pa awech?

Rix tichajij iwiꞌ chikiwech ri ndikiqꞌabꞌaj kiꞌ chi e-profetas chin ri Dios, porque atoq ngebꞌeqaqa chiꞌikajal, eꞌachel teq karneꞌl ri nixta jun kimak ndikibꞌen, pero pa kánima ri itzel teq wineq riꞌ eꞌachel kꞌuxunel teq utiwaꞌ, porque ndikajoꞌ ngixkikꞌis. Rix ngixtiker ndiyaꞌ cuenta chare si utz o ma utz ta kinoꞌoj ri wineq ri ngebꞌeqaqa chiꞌikajal roma ri ngekibꞌanalaꞌ. Rix iwetaman chi ri kꞌixlej teq qꞌayis ma ndikiyaꞌ ta uvas, nixta higos.

Y keriꞌ chuqaꞌ nojel utzulej cheꞌ, utz kiwech ndikiyaꞌ, jakꞌa ri ma eꞌutzulej ta chi cheꞌ, ma utz ta kiwech ndikiyaꞌ.

Jun utzulej cheꞌ ma nduyaꞌ ta ma utz ta ruwech, y jun ma utzulej ta cheꞌ ma nduyaꞌ ta utz ruwech.

Y nojel cheꞌ ri ma ndikiyaꞌ ta utzulej kiwech, ngechoy y ngetorix pa qꞌaqꞌ.