Populiarios Biblijos eilutės iš Yoˇhaˬ 15

Dalintis

“Ngaˇ-aˬ, aˬ gaꞈ baw duˆ ma. Naw maꞈ-aˬ, uˬ pyaˬ uˬ laꞈ meh. Ngaˬ-ahˇ tsoꞈ tsaꞈ-awˇ, ngaˇ kʼawꞈ aˬ yawꞈ-ahˇ tsoꞈ tsaꞈ-eu tsawˇ haˬ-aˬ, aˇ siˬ gʼawˬ mya ni siˬ le-eu meh. Ngaˬ-ahˇ maˬ tsoꞈ tsaꞈ naˇ, naw maꞈ tiˬ jeˬ-iˬ maˬ jahˇ nya-a.

Ngaˇ naw maꞈ-ahˇ tsoꞈ tsaꞈ taˬ-euˬ loꞈ-ehˇ, naw maꞈ ngaˬ-ahˇ tsoꞈ tsaꞈ-awˬ. Uˬ laꞈ-aˬ, baw duˆ-ahˇ maˬ tsoꞈ tsaꞈ naˇ aˇ siˬ maˬ siˬ le nya-eu loꞈ-ehˇ, naw maꞈ kʼawꞈ, ngaˬ-ahˇ maˬ tsoꞈ tsaꞈ naˇ, aˇ siˬ maˬ siˬ le nya-a.

Naw maꞈ ngaˬ-ahˇ tsoꞈ tsaꞈ-awˇ, ngaˬ-euˬ dawˬ naw maꞈ-ahˇ tsoꞈ tsaꞈ taˬ naˇ, naw maꞈ kʼaˇ shaˇ mawꞈ-eu jeˬ shaˇ-awˬ. Kʼaˇ shaˇ-eu jeˬ za tehꞈ-a.

Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Yawˬ ha-euˬ cawˬ gʼaˇ duˬ shiˇ dah nehˬ-eu naˆ maˬ tseˇ huiˬ dzehˬ-eu gʼoeˇ-eu gaˬ-eu jeˬ maˬ paˇ jaˆ meh.

Aˇ siˬ maˬ siˬ le-eu ngaˬ-euˬ uˬ laꞈ deuˬ-ahˇ aˬ yawꞈ deuˆ cuˬ dzeh jiˇ-eu meh. Ehˇ kʼawꞈ, aˇ siˬ siˬ le-eu uˬ laꞈ deuˬ-ahˇ-aˬ, bi siˬ dzehˬ le-eu gʼaˇ duˬ, uˬ pyaˬ daw nehˬ-eu meh.

Naw maꞈ-ahˇ dawˬ heu dawˬ biꞈ-eu ma. Ngaˇ naw maꞈ-ahˇ gaˬ-eu loꞈ-ehˇ, naw maꞈ tiˬ gʼaˬ tiˇ gʼaˬ gaˬ-awˬ.

Naw maꞈ aˇ siˬ siˬ dui dui le gaˇ haw-awˇ, ngaˬ Da-euˬ yaw shehꞈ kʼahˬ sehˇ-ahˇ aˬ cawˬ ya mawˇ tehꞈ-a. Kʼoeˇ ngeh jawˇ, naw maꞈ ngaˬ-euˬ zaˬ lahˇ pyeuꞈ laˇ-euˬ meh lehˇ ehˇ nya meh.

Ngaˇ-aˬ, maˇ maˇ ni gʼeh-eu aˬ gaꞈ baw duˆ ma. Ngaˬ Da-aˬ, aˬ gaꞈ yaˇ kmˇ-ahˇ bo saˆ-eu gʼaˬ meh.

Ngaˬ-ahˇ maˬ kʼaˇ tsoꞈ tsaꞈ-eu tsawˇ haˬ-aˬ, uˬ laꞈ bi deuˆ tsehˆ dzeh-awˇ koˆ-iˇ gaˇ duˇ tehꞈ-a. Kʼoeˇ loꞈ-ehˇ gʼeh-eu uˬ laꞈ deuˬ-ahˇ gʼoˆ uiˬ-awˇ, miˬ dzaˬ jehˆ bymˇ-ahˇ baꞈ ahˇ-awˇ bi puiˆ dzaˬ jiˇ tehꞈ-a.

Ngaˬ-euˬ laˬ kʼaˬ cehˇ-eu jeˬ naw maꞈ laꞈ kʼoeˇ ahˇ-awˇ, naw maꞈ laˬ kʼaˬ cehˇ-eu jeˬ byah laˇ ni, naw maꞈ-ahˇ ngaˇ heu loꞈ-ehˇ ehˇ nehˬ-euˬ jeˬ pyeuꞈ-eu ma.

Ngaˬ Da-euˬ dawˬ-ahˇ ngaˇ naˇ haˬ geuꞈ-awˇ, ngaˬ Da-euˬ gʼoeˇ-eu gaˬ-eu jeˬ laꞈ kʼoeˇ ngaˇ jawˇ-eu loꞈ-ehˇ, naw maꞈ ngaˬ-euˬ dawˬ-ahˇ naˇ haˬ geuꞈ naˇ, ngaˬ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ jawˇ tehꞈ-a.

Ngaˇ naw maꞈ-ahˇ biꞈ-euˬ dawˬ-aˬ, heu loꞈ-ehˇ ma. Naw maꞈ tiˬ gʼaˬ tiˇ gʼaˬ gaˬ-awˬ.

Naw maꞈ miˇ tsaˬ heu-ahˇ taꞈ naˇ, miˇ tsaˬ heu naw maꞈ-ahˇ aˬ yawꞈ-euˬ zaˬ loꞈ-ehˇ gaˬ tehꞈ-a. Ehˇ kʼawꞈ, miˇ tsaˬ heu-euˬ laꞈ kʼoeˇ neh naw maꞈ-ahˇ ngaˇ tseˇ doˆ gʼaˬ-euˬ ma. Miˇ tsaˬ heu-ahˇ naw maꞈ maˬ paˇ taꞈ meh. Kʼoeˇ miˇ neh, miˇ tsaˬ zaˬ deuˬ naw maꞈ-ahˇ muiˇ-eu meh.