Populiarios Biblijos eilutės iš MATIU 24

Dalintis

A gineu esi rain gagaburegi, ko giniehi, a tabetabe nora sinobu u sao vin gamwadidi. Nge ihine vin labe siaga vin dadari lo rovonagi vin mwaso.

Ko vin toretore gina Roro Garea ngaha huri ve i God vin voragi nora Ratahigi dali na ure doluegi, huri na gigilegi lawera tangaloi doluegi - siu a rovonagi vin vonai.

Gimiu nein rongo huri na vuro ko a roroi vuro. Nen leo goro vaiteu nem romasi hurie. A gineu ingere ngaha rain he mese tea rain dadari tomue, nge a rovonagi hatie tau.

Huri a sinobu vin qalo mena sinobu, ko a vanue mena vanue. A maro ko a ruru rain vonai lo vanue saosao. A gineu ingere naha doluegi ram mwere na tauvui gagarasi lo bavabava.

A mahava ko a tano roin rovo, nge noku leo vin he rovo lai tea.

A tangaloi u sao rain vonai lo henaku, rain veve vena, ‘Ineu hi i Kraes!’ ko rain sine na sinobu sao.

“Ngere rain wiri bibi gimiu huri ve rain vei gagarasigi gimiu ko rain uevagamate gimiu. A tangaloi doluegi rain sebugi gimiu huri na henaku. U sao rain siregi na nora ladohogo lo taro hi; rain vui rono na leoi gara ko rain vui sebuginire. A tangaloi ligoligogi kalikeli u sao rain maraga ko rain sine na sinobu u sao.

I Jisas mo duvi lawera vena: “Nen leo goro gimiu vaiteu ihine tea mo sine gimiu.

Giniehi, gimiu vage nen toga rarai, a vevenagi i Netui Tangaloi vin vonai lo tarogi gimiu nge he lado rarai tea.

Siu nen leo huri, a vevenagi ne he ilo tea a tarogi a nomiu Huqe vin vonai lolona.

“Nge huri na bongi ngehi sige a mahoi reni ngehi ihine he ilo tea, hatie ira engsel ta eulu, hatie i Netui, nge i Mama hogosie.

Huri ira Kraes kalikeli ko ira tangaloi veve rarai kalikeli rain maraga; rain vei na gigilegi lalawua ko a vaigivui huri ve ran sinara leowahe noi God, tare mo lai.

Huri mwere u vei lo taroi Noa, mwerehi vage vin vei lo tarogi i Netui Tangaloi vin vonai. Huri lo taro tomue a wai u horo goro na vanue, rau gagani, rau inuinu, rau legi, u dadari lo tarogi Noa mo kalo lolo aka; nge rahe ilo na hava gineu tea, u dadari a wai u horo goro na vanue ko mo wali vohoginire doluegi. Vin vei mwerehi lo tarogi i Netui Tangaloi vin vonai.