Populiarios Biblijos eilutės iš ᒉᓂᓯᐢ 6

Dalintis

ᑳ ᑎᐯᔨᐦᒋᑫᐟ ᒫᑲ ᑭ ᒥᐦᒋᔭᐁᐧᔦᔨᑕᒼ ᐁ ᑭ ᐅᓯᐦᐋᐟ ᐊᔨᓯᔨᓂᐊᐧ ᐊᐢᑭᕽ, ᒥᓇ ᑭ ᐃᐧᓴᑭᑌᐦᐁᐢᑲᐠ.

ᑭᓭᒪᓂᑐ ᒫᑲ ᑭ ᐋᐧᐸᐦᑕᒼ ᐁ ᐃᓯ ᒥᓵᔨᐠ ᐊᔨᓯᔨᓂᐊᐧ ᐅ ᒪᒋᑐᑕᒧᐃᐧᓂᔨᐤ ᐊᐢᑭᕽ, ᒥᓇ ᑲᐦᑭᔭᐤ ᐅᐟ ᐃᑌᔨᑕᒧᐃᐧᓂᔨᐤ ᑳ ᐃᓯ ᒫᒥᑐᓀᔨᑕᒥᔨᐟ ᐅᑌᐦᐃᔨᕽ ᑕᐦᑭᓀ ᐱᑯ ᐁ ᒪᒑᔨᐊᐧᓂᔨᐠ.

ᒫᑲ ᓄᐊ ᑭ ᒥᔪ ᑲᓇᐋᐧᐸᒥᐠ ᑳ ᑎᐯᔨᐦᒋᑫᔨᐟ.

ᐁᐊᐧᑯᓂ ᒫᑲ ᐅᐦᐃ ᐁ ᐊᔮᓂᐢᑫ ᐱᒫᑎᓯᐟ ᓄᐊ; ᓄᐊ ᑭ ᑲᐧᔭᐢᐠ ᐃᓯᐁᐧᐱᓯᐃᐧ ᐊᔨᓯᔨᓂᐃᐧᐤ ᒥᓇ ᑭ ᑲᐧᔭᐢᑳᐧᑎᓯᐤ ᐁ ᐊᔮᓂᐢᑫᐱᒫᑎᓯᐟ, ᓄᐊ ᒫᑲ ᑭ ᐃᐧᒋᐱᒧᐦᑌᒣᐤ ᑭᓭᒪᓂᑐᐊᐧ.

ᐁᑯᓯ ᑳ ᑎᐯᔨᐦᒋᑫᐟ ᑭ ᐃᑌᐧᐤ, ᓂ ᑲ ᓂᓯᐊᐧᓈᒋᐦᐋᐤ ᐊᔨᓯᔨᓂᐤ ᑳ ᑭ ᐅᓯᐦᐊᐠ ᐊᐧᐢᑭᑕᐢᑲᒥᐠ ᐅᐦᒋ; ᒫᒪᐤ ᐊᔨᓯᔨᓂᐤ, ᒥᓇ ᐱᓯᐢᑭᐤ, ᒥᓇ ᐊᓇ ᑳ ᐸᐹᒥᑖᒋᒧᐟ, ᒥᓇ ᐊᓂᑭ ᐱᔦᓯᓴᐠ ᑳ ᐸᐹᒥᔮᒋᐠ; ᒋᑫᒫ ᓂ ᒥᐦᒋᔭᐁᐧᔦᔨᑕᒥᐃᑯᐣ ᐁ ᑭ ᐅᓯᐦᐊᑭᐠ.

ᑭ ᐊᔨᐦᑭᐣ ᒫᑲ, ᐃᐢᐱ ᐊᔨᓯᔨᓂᐊᐧᐠ ᐁᑎ ᒥᐦᒉᑎᒋᐠ ᐊᓂᑕ ᐊᐧᐢᑭᑕᐢᑲᒥᐠ, ᒥᓇ ᐅᑖᓂᓯᐋᐧᐊᐧ ᐁ ᑭ ᓂᐦᑖᐃᐧᑭᑕᒫᒋᐠ, ᐊᓂᑭ ᒫᑲ ᐅᑯᓯᓴ ᑭᓭᒪᓂᑐ ᑭ ᐋᐧᐸᒣᐊᐧᐠ ᐊᔨᓯᔨᓂᐊᐧ ᐅᑖᓂᓯᔨᐊᐧ ᐁ ᑲᑕᐊᐧᓯᓯᔨᐟ; ᐁᑯᓯ ᐱᑯ ᑕᐦᑐ ᐁ ᒧᐢᑕᐃᐧᓇᐋᐧᒋᐠ ᑭ ᐅᑎᓀᐊᐧᐠ ᐁ ᐃᐧᐃᐧᒋᐠ. ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᓂᐟ ᐊᐦᒑᕽ ᓇᒪᐃᐧᔭ ᑳᑭᑫ ᑲᑕ ᐃᐧᑯᐢᑕᐁᐧᐤ ᐊᔨᓯᔨᓂᐊᐧ, ᒋᑫᒫ ᐃᐧᐢᑕ ᐁ ᐅᐃᐧᔮᓯᐟ; ᒫᑲ ᐁᔨᐁᐧᕽ ᐅ ᑭᓯᑲᒪ ᐯᔭᑳᐧᐤ ᒥᑖᐦᑐᒥᑕᓇᐤ ᓂᓯᑕᓇᐤ ᐊᔨᐋᐧᐠ ᑕᐦᑐ ᐱᐳᐣ ᑲᑕ ᐃᑕᐦᑎᓂᔨᐊᐧ. ᐁᑯᐢᐱ ᒫᑲ ᐁ ᑲᑭᓯᑳᐠ ᒥᐢᑖᐯᐊᐧᐠ ᑭ ᐊᔮᐊᐧᐠ ᐊᐢᑭᕽ; ᒥᓇ ᒣᐧᐢᑕᐢ ᐃᔨᑯᕽ, ᐃᐢᐱ ᑭᓭᒪᓂᑐ ᐅᑯᓯᓴ ᑳ ᐱᐦᑐᑲᐋᐧᒋᐠ ᐊᔨᓯᔨᓂᐊᐧ ᐅᑖᓂᓯᔨᐊᐧ ᑭ ᓂᐦᑖᐃᐧᑭᑕᒫᑲᐧᐠ ᐊᐋᐧᓯᓴ, ᐁᐊᐧᑯᓂᐠ ᒫᑲ ᑲᔮᐢ ᑳ ᑭ ᑭᐦᒋᐦᑖᐃᐧ ᐊᔨᓯᔨᓂᐃᐧᒋᐠ, ᒥᓇ ᑳ ᐊᔮᒋᒥᑯᐃᐧᓯᒋᐠ ᑭ ᐃᑐᐃᐧᑲᓂᐃᐧᐊᐧᐠ.

ᐁᑯᓯ ᐅᒪ ᑳ ᑭ ᑐᑕᕽ ᓄᐊ; ᒣᐧᐦᒋ ᑲᐦᑭᔭᐤ ᐊᓂᒪ ᑭᓭᒪᓂᑐᐊᐧ ᑳ ᑭ ᐃᑎᑯᐟ, ᐁᑯᓯ ᑭ ᑐᑕᒼ.

ᐁᑯᓯ ᑭᓭᒪᓂᑐ ᑭ ᐃᑌᐤ ᓄᐊ, ᓂ ᐯ ᐅᑎᐢᑲᐃᐧᐢᑳᑯᐣ ᐊᓂᒪ ᑭᑕ ᐳᓂᐃᐦᑖᒋᐠ ᑲᐦᑭᔭᐤ ᑳ ᐅᐃᐧᔮᓯᒋᐠ; ᒋᑫᒫ ᐃᐧᔭᐋᐧᐤ ᐅᐦᒋ ᐊᐢᑭ ᓵᑲᐢᑭᓀᐤ ᐋᐦᑳᐧᑎᓯᐃᐧᐣ; ᒋᐢᐟ ᒫᑲ, ᓂ ᑲ ᓂᓯᐊᐧᓈᒋᐦᐋᐊᐧᐠ, ᐊᓯᒋ ᐊᐢᑭ.

ᐅᓯᐦᑕᒫᓱ ᒫᑲ ᑭᐦᒋ ᓈᐱᐦᑳᐧᐣ ᑯᐸᕒ ᒥᐢᑎᐠ ᐅᐦᒋ; ᑭ ᑲ ᐸᐯᐢᑭᐦᒋᑭᐸᐁᐣ ᒫᑲ ᐊᓂᒪ ᑭᐦᒋ ᓈᐱᐦᑳᐧᐣ, ᑭ ᑲ ᐱᑭᑳᑌᐣ ᐱᐦᑐᑕᐠ ᒥᓇ ᐊᐧᐢᑭᑐᑕᐠ ᐱᑭᐤ ᐅᐦᒋ.

ᑭᓭᒪᓂᑐ ᑭ ᐃᑖᐱᐤ ᐊᐢᑭᕽ, ᒋᐢᐟ ᒫᑲ, ᑭ ᐁᐧᐢᑖᓯᓈᑲᐧᐣ; ᒋᑫᒫ ᑲᐦᑭᔭᐤ ᑳ ᐅ ᐃᐧᔮᓯᒋᐠ ᑭ ᐁᐧᐢᑖᓯᓈᑯᑖᐊᐧᐠ ᐅᐟ ᐃᓯᐦᒋᑫᐃᐧᓂᐋᐧᐤ ᐊᐢᑭᕽ.

ᒥᓇ ᑳ ᑕᐦᑐ ᐱᒫᑕᕽ ᑫᑲᐧᐩ ᑲᐦᑭᔭᐤ ᑳ ᐅ ᐃᐧᔮᓯᐊᐧᕽ, ᑭ ᑲ ᐅᑎᓀᐣ ᓈᓂᓱ ᑳ ᐃᐦᑕᓯᒋᐠ ᑭ ᑲ ᐳᓯᐦᐋᐊᐧᐠ ᑭᐦᒋ ᓈᐱᐦᑲᐧᓂᕽ, ᑭᑕ ᑲᓇᐁᐧᔨᒪᒋᐠ ᑭᑕ ᐱᒫᑎᓯᒋᐠ ᐊᓯᒋ ᑭᔭ: ᑲᑕ ᓈᐯᐊᔭᐋᐃᐧᐊᐧᐠ ᒥᓇ ᑲᑕ ᓄᓭᐊᔭᐋᐃᐧᐊᐧᐠ.