Populiarios Biblijos eilutės iš Juan 10

Dalintis

Suwaqa ovejakunata suwanallanpaj jamun, wañuchinanpaj, tukuchinanpaj ima. Noqarí ovejakuna kawsanankupaj jamuni, chay qosqay kawsaytaj may sumaj kawsay kanqa.

Noqa sumaj michej jina kani. Sumaj michejqa ovejankunarayku wañunatapis mana manchachikunchu.

Noqaqa ovejaykunata rejsini, paykunataj parlasqayta rejsinku, kasuwaspataj, qhepayta jamunku.

Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

Noqarí punku jina kani. Noqanejta yaykojqa qhespichisqa kanqa, mana pej ima nisqantaj yaykuyta, llojsiyta atenqa, chantá sumaj mikhunata tarenqa.

Noqarí sumaj michej jina kani. Ovejaykunata rejsini, paykunataj noqata rejsiwanku.

Chay ovejakunata qowaj Tatayqa tukuymanta astawan atiyniyoj. Chayrayku paypa makinmanta mana pipis paykunata qhechuyta atinmanchu. Noqawan, Tata Dioswanqa ujlla kayku, nispa.

Imaynatachus Tata Diosniy rejsiwan, ajinallatataj noqapis payta rejsini. Chantá ovejaykunata qhespichinayrayku noqa wañusaj.

Mana pipis mana munajta wañuchiwanmanchu. Aswanpis noqa munasqayrayku wañusaj. Noqaqa wañuchisqa kanaypaj jaywaykukuyta atini, atillanitaj watejmanta kawsarimuytapis. Ajinata ruwanayta Tatay kamachiwarqa, nispa.

Chayrayku Jesús uj kutitawan chay runakunata nerqa: Sut'ita niykichej: Noqaqa oveja kanchaman yaykuna punku jina kani.

Chaywanpis qolqeraykulla michejqa phiña animal jamushasqanta rikuspa, ovejakunata saqerparispa ayqerikapun, ovejakuna mana paypatachu kasqanrayku. Phiña animaltaj ovejakunata jap'iraspa, ch'eqerachin.

Jesús nillarqataj: Kayta sut'ita niykichej: Pichus oveja kanchaman mana punkunta yaykuspa, perqanta wasaykoj, chay runaqa suwa.