Populiarios Biblijos eilutės iš Juan 12

Dalintis

Qankunamanta pillapis kamachiy kayta munajqa kasunawan tiyan. Pikunachus kamachiy kajkunataj, maypichus noqa kasaj, chayllapitaj kanqanku. Tataytaj tukuy kamachiykunata jatunchanqa, nispa.

Pichus noqata kasunawanmanta nisqaqa kawsaynin aswan kasqanta qhawajqa mana wiñay kawsayman yaykonqachu. Pichus kawsayninta mana may kasqanta qhawaspa noqata kasuwan chayrí, payqa wiñay kawsayman yaykonqa.

Chantá rijch'anachinawan parlaspa, nerqa: Kayta sut'ita niykichej: Trigo mujuchus jallp'aman tarpusqa kaspa mana wañunman chayqa, mana poqonmanchu. Sichus wañun chayrí, ashkhata poqonqa.

Noqa k'anchay jina kay pachapi k'anchanaypaj jamorqani, noqapi tukuy atinikojkuna amaña laqhallapipuni kanankupaj.

Chaywanpis parlasqayta uyarispa mana kasojtaqa mana noqachu juchachani, imaraykuchus mana runakunata juchachajchu jamorqani. Aswanpis paykunata qhespichej jamorqani.

Chaymantaj María nardomanta ruwasqa sumaj jawinata apamorqa. Apamusqan jawinaqa khuskan litro jina karqa, ashkha precioyojtaj. Chantá Mariaqa Jesuspa chakinta chaywan jawerqa, chujchanwantaj ch'akicherqa. Chay jawinaj sumaj q'apasqantaj wasiman junt'aykorqa.

chay runakunaqa palma jap'irisqa Jesusta taripaj llojserqanku. Chantá qhaparerqanku: Diosniyku, qhespichiwayku. Tukuyta Kamachej Diospa sutinpi jamojqa yupaychasqa kachun. Israelpa Kuraj Kamachejnin jatunchasqa kachun, nispa.

Jesustajrí paykunaman kuticherqa: Runaj Churin jatunchasqa kananpaj p'unchay chayamunña, nispa.