Populiarios Biblijos eilutės iš Juan 8

Dalintis

Jesús uj kutitawan parlallarqataj: Noqa tukuy runapaj k'anchay jina kani. Pillapis noqawan purejqa mana laqhapichu purenqa, aswanpis wiñay kawsayman pusaj k'anchaypi purenqa, nispa.

Jinataj Diosmanta cheqa kajta yachasqaykichejqa cheqatapuni kacharichisonqachej, nispa.

Chantá Jesús paypi atinikoj runakunata nerqa: Nisqaytachus kasunkichej chayqa, cheqapuni yachachisqaykuna kankichej.

Chayrayku Churichus juchaykichejmanta kacharichisonqachej chayqa, cheqapuni kacharichisqa kankichej.

Anchatapuni payta tapojtinkutaj, sayarispa, paykunata nerqa: Mayqenchá qankunamanta mana juchayoj kankichej, chay ñawpajta kay warmita rumiwan ch'anqaykuchun, nispa.

Jesustaj paykunata nerqa: Kayta sut'ita niykichej: Pichus juchallikojqa juchaj wata runanmin.

Chantá Jesús sayarispa, warmita nerqa: Maytaj chay ch'ataykusojkunari? Manachu mayqenpis juchachasunku? nispa. Warmitaj nerqa: Mana pipis, wiraqochíy, nispa. Jesustaj payta nerqa: Noqapis manallataj juchachaykichu. Kunanqa ripuy, amañataj ajinata juchallispa puriyñachu, nispa.