Populiarios Biblijos eilutės iš Lucas 22

Dalintis

Tatáy, munankichus chayqa, noqamanta karunchay, imatachus ñak'arinay kashan, chayta. Chaywanpis ama noqaj munaynillay kachunchu, manachayqa qanpa munayniyki ruwasqa kachun, nispa.

Noqarí qanpaj mañapuyki, mana llawch'iyaspa noqapi atinikunaykipaj. Chayrayku maypachachus noqaman kutirimunki chaypacha, wawqe masiykikunata sinch'ita sayanankupaj kallpachay, nispa.

Chaymanta, t'antatañataj oqharispa, Diosman pachis nerqa, paykunaman jaywaspataj, nerqa: Kayqa ukhuymin, mayqenchus qankunarayku qosqa kanqa. Kay jinata ruwaychej noqamanta yuyarikunaykichejpaj, nispa.

Jinallatataj mikhojtinkukama, Jesús vinoyoj copata oqharispa, nerqa: Kay copapi vinoqa yawarniywan ninakun, chaywantaj Dios qankunawan mosoj tratota ruwan, chaytaj qankunarayku jich'asqa kanqa.

Anchatañapuni ñak'arishaspataj Jesús aswan sinch'ita Dioswan parlarqa, jump'iynintaj jatuchaj yawar sut'uy jina pampaman sut'orqa.

Qankuna ukhupirí mana ajinachu kanqa. Manachayqa qankunamanta pichus kuraj kayta munajqa sullk'a jinalla kachun, kamachej kayta munajtaj kamachi jinalla kachun.

Jesustajrí kuticherqa: Pedro, ujta nisqayki: Manaraj gallo waqashajtin, qanqa kinsa kutitapuni ninki mana rejsiwasqaykita, nispa.