Populiarios Biblijos eilutės iš Lucas 5

Dalintis

Chantá yachachiyta tukuspa, Jesusqa Simonta nerqa: Boteykita aswan ukhunejman purichiy, chantá ch'ipaykichejtataj yakuman wijch'uykuychej challwakunata jap'inaykichejpaj, nispa.

Simontajrí kuticherqa: Yachachej, tukuy tutantin ni uj challwallatapis jap'iykuchu. Chaywanpis, nisqaykiman jina ch'ipata ujtawan wijch'uykusaj, nispa. Ajinata ruwaspataj, may chhika challwakunata jap'erqanku, ch'ipankupis llik'ikunayasharqaña.

Jesustajrí ch'innejman rerqa, Dioswan parlarikunanpaj.

Noqaqa mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata wajyani Diosman kutirikunankupaj, nispa.

Chayta rikuytawan, Simón Pedroqa qonqoriykukuspa, Jesusta nerqa: Tukuyta Kamachej, noqamanta ithirikuy, imaraykuchus juchasapa kani, nispa.

Jesustajrí kuticherqa: Mana walej kajkunachu jampikamayojta wajyananku tiyan manachayqa onqosqa kajkunalla.

Chantá chay challwirikuna botenkukunata qocha kantuman aysaytawan, tukuy imata saqerparispa, Jesuswan riporqanku.

Jesús uj llajtapi kashajtin, llejti onqoyniyoj uj runa payman chimparqa. Jesusta rikuytawantaj, onqosqaqa pampakama k'umuykuspa, mañakorqa: Wiraqochíy, munankichus chayqa, onqoyniymanta qhaliyachiwayta atinki llimphuchasqa kanaypaj, nispa. Jesustaj makinwan llankharispa, nerqa: Arí, llimphuchasqa kanaykita munani, llimphuchasqa kay, nispa. Chayta Jesús nejtinkamataj, onqosqa runaqa llejti onqoyninmanta qhaliyaporqa.

Mana tukuyman willarananta Jesús kamacherqa chaypis, Jesuspa ruwasqan tukuynejpi yachakorqa. Chayrayku may ashkha runakuna jamorqanku payta uyarej, jinataj onqoyninkumanta qhaliyachisqa kanankupaj.