Populiarios Biblijos eilutės iš Mateo 28

Dalintis

Chayrayku qankuna rispa, tukuy suyupi runakunata yachachisqayman tukuchimuychej. Paykunatataj Tata Diospa, Churej, chantá Santo Espíritoj sutinpi bautizaychej. Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

Jinapi angelqa chay warmikunata nerqa: Ama manchachikuychejchu. Noqa yachani Jesusta mask'ashasqaykichejta, pichus cruzman chakatasqa karqa, chayta, icharí? Payqa mana kaypiñachu, manachayqa nisqanman jina kawsarimpunña. Jamuspa, qhawaykuychej maypichus ayan churasqa karqa, chayta.

Chantá Jesús paykunata nerqa: Ama manchachikuychejchu, manachayqa rispa, wawqeykunaman willamuychej Galileaman rinankupaj. Chaypi rikuwanqanku, nispa.

Kuraj sacerdotekunataj, kurajkunawan tantaykukuspa, yachachinakorqanku, soldadokunaman ashkha qolqeta lluk'iykunankupaj. Chantá paykunata nerqanku: Qankuna niychej: Noqayku puñunaykukama yachachisqankuna tuta jamuspa, Jesuspa ayanta suwasqanku, nispa. Kamachej chayta yachajtinrí, noqayku paywan parlasqayku, ama imanasunaykichejpaj, nispa. Chantá soldadokuna qolqeta jap'iytawan, kikinta ruwarqanku, yachachisqa kasqankuman jina. Ajinaqa chay llullakusqanku kunan p'unchaykama judiokuna ukhupi willakun.