Populiarios Biblijos eilutės iš Marcos 12

Dalintis

Jesustaj kuticherqa: Tukuy kamachisqakunamantaqa kaymin aswan kuraj kajqa: Israel, uyariy: Tata Diosninchejqa uj k'ata Diosmin. Tata Diosniykitaqa tukuy sonqoykiwan munakunki, tukuy almaykiwan, tukuy yuyayniykiwan, tukuy kallpaykiwan ima, nispa. Qhepan kaj kamachisqataj kay jinata nin: Runa masiykita qan kikiykita jina munakunki, nispa. Chay iskay kamachisqakunamantaqa mana aswan kuraj kanchu, nispa.

Jesustajrí yachachisqankunata wajyaspa, nerqa: Kayta sut'ita niykichej: Kay wajcha warmisapaqa qolqe churanaman aswan ashkhata churan tukuy churajkunamanta nisqaqa. Qhapajkunaqa kapuyninkumanta puchojllataña churanku. Payrí, wajcha kayninpi imawanchus mikhunata rantikunan karqa, chay tukuyta churaykun, nispa.

Jesús qolqe churana qayllapi tiyashaspa, imaynatachus runakuna Temploman qolqeta apamushasqankuta qhawasharqa. Chaypacha ashkha qhapajkunaqa ashkha qolqeta churasharqanku. Chayllaman uj wajcha warmisapa chayamorqa, paytaj iskay phatallata churaykorqa. Chaykuna uj phisullawan ninakun.

Chantá Diosta tukuy sonqonchejwan munakuna, tukuy yuyayninchejwan, tukuy kallpanchejwan ima, jinallataj runa masinchejtapis noqanchejta jina munakunanchej tiyan. Chaymin aswan uywa ñak'asqa q'olachinamanta, Diosman waj jaywanata jaywanamanta ima nisqaqa, nispa.

Jesustaj kuticherqa: Jina kajtenqa, Cesarpata kajtaqa Cesarman qopuychej. Diospata kajtatajrí Diosman qopuychej, nispa. Paykunataj chayta uyarispa mayta t'ukorqanku.