Populiarios Biblijos eilutės iš Матфей 7

Dalintis

Истейин, да сизӓ верилеӂек; аарайын, да булаӂэныз; урун, да ачылаӂэк.

Зерӓ ким истеер – еденер, ким аарээр – булэр, хем ким урэр – она ачылэр.

Онуштан херкези, ким ишидер Беним сӧзлерими дӓ таманнээр, бензедеӂӓм аариф адама, ангысы йапты евини таш ӱстӱндӓ.

Несой истеерсиниз, инсан сизиннӓн гӧтӱрсӱн кендини, ӧлӓ гӧтӱрӱнӱз сиз дӓ кендинизи инсаннан. Бундан тутунэр Закон хем пророклар.

Ама дардыр токат хем сыкынчтыр йол, ани йашамайа гӧтӱрер, хем аз инсан ону булур.

Гирин дар токаттан, зерӓ геништир токат хем мейданныдыр йол, ани кайыплаа гӧтӱрер, да чок инсан ондан гидер.

Еер сиз, ани фенайсыныз, билирсениз ушакларыныза ии баашышлар вермӓӓ, некадар таа чок сизин Гӧктеки Бобаныз вереӂек ии ишлӓр оннара, ким Ондан истейеӂек!

Даава кесмейин, да Аллах сизӓ даава кесмейеӂек. Не даавайлан даавалайаӂэныз, о даавайлан дааваланмыш олаӂэныз. Не ӧлчӱйлӓн ӧлчеӂениз, о ӧлчӱйлӓн Аллахтан ӧлчӱлмӱш олаӂэныз.

Ама ким ишидер Беним бу сӧзлерими дӓ таманнамээр, бензӓр фикирсиз адама, ани йапты евини кум ӱстӱндӓ.

Нечин гӧрерсин кыймыы сенин кардашынын гӧзӱндӓ, ама кенди гӧзӱндӓ казыы есап алмээрсын? Несой вар насыл сӓн дейӓсин кардашына: „Брак чыкарайым кыймыы сенин гӧзӱндӓн“, ачан кенди гӧзӱндӓ казык дурэр?

Корунун йаланӂы пророклардан. Оннар гелерлӓр сизӓ гиийимни койун дерисиннӓн, ама ичйандан паралайан йабанылар. Оннары таныйаӂэныз оннарын мейваларындан. Аӂаба топлээрлар мы ӱзӱм салкымы тикенни гӱмедӓн еки инӂир чӧкелектӓн?

Ӧлӓ ки, хербир ии фидан йапэр ии мейва, ама йабан фиданы йапэр йабан мейвасы.

Ии фидан йок насыл йапсын йабан мейвасы. Хеп ӧлӓ йабан фиданы да йок насыл йапсын ии мейва.

Хербир фидан, ани йапмээр ии мейва, кесилер да атешӓ атылэр.