Populiarios Biblijos eilutės iš Yohani 15

Dalintis

Mi ki nvitera, nyu nri miritta. Ntthu nokhala mwa mi, ni mi mwa uyo, nawiima mihokorokho cinci, kontha woohikhala mi, khiiwo inhalenyu woorya upanka.

Nkhale mwa mi, ni mi kikhale mwa nyu. Toko miritta cihineemaya veekha, caahikhaleke wanviterani, ciicammo nyu mwaahikhaleke mwa mi.

Nanso mwakhalaka mwa mi, ni moolumo aka akhalaka mwa nyu, nnaahala ulepela imphavelenyu, ni inaahala wiirannyaa.

Khanhimweni nyu nkithanlile mi, nanso, phi mi kuthanlileni nyu ni kihoorumani wiira mwiime mihokorokho, ni mihokorokho cinyu cikhale coohimala; wiira cothene cinhalenyu uvekela wa Apaapa mwa ncina naka, ayo yuvaheni.

Khaawo rina nifento toko nna, woovaha ntthu ukumi awe nlattu wa asimpwanawe.

Miritta cothene ciri mwa mi, caahiimeke mihokorokho, ayo anaathikila, ni miritta cothene cineema mihokorokho anaakwatthacera, wiira ciime tho venci.

Vano nlamulo naka phi nna: Nfentane ntthu ni nkhwawe, toko mi cufentilyakani.

Commo phinttittimihiyaya Apaapa, wiira mwiime mihokorokho cinci, ni nnaahala ukhala eetthuci aka.

Mi ki mwiri weekhweli uneehaninya nvitera; Apaapa ari mayolima.

Vano ntthu aahikhaleke mwa mi, naavonyeriya uta toko cineerihiyaya nritta wo wuuma, naattottiya n'upahiya wamooroni.

Kinoohimeryani nnya citthu nnya wiira utteeliya waka ukhale mwa nyu, ni ciicammo utteeliya winyu ukwanele.

Vano mwattharihelelaka malamulo aka, nnaakhala nnifentoni mwaka; toko mi cinttharihelelaka malamulo a Apaapa ni kikhalaka nnifentoni mwaya.

Paahi iyo phinoolamulakani, wiira nfentane ntthu ni nkhwawe.

Vano mwaari o nttuniyani, ittuninya yaanoofentani toko awaya. Nanso, nyu khannakhala o nttuniyani, vano kihoothanlani ni kihookumihani nttuniyani. Phimaana, ittuninya inawuramani.