Populiarios Biblijos eilutės iš Halloo 1

Dalintis

Aroyee gubb Yeeri “Ashoon no malletoona, noon shaahoonoo tunii hallibone; bahareexi haasheenaꞌon, shimaayoona yoobbiibeeti yoobbereenaꞌon, gijjeenaꞌonaa cooxinaꞌonon, showee toommona yuummiibeeti yuummere halleenaꞌo bullinoo hajjibeete” iye. Ebich Yeeri ashoon bi malletoona halliye; biin shaahoonoo tuniiꞌi halliye; anaamonaa maacheenon tuniiꞌinoo halliye.

Bi hallitoyee gubb, Yeeri boonoshin “Shiijje shiijjerebote; showoona ceenote; showee toommooch beetinaꞌo bullin hajjibote. Haasheenaꞌo toommooch, yoobbereenaꞌo toommooch, showee toommona shaꞌeebeeti halleenaꞌo bulli toommoochoo taatebote” ii diiriye.

Shiichiꞌi Yeeri shimaayoonaa showoonon halliye.

Ebiyooba showoo malletaalloonaa amolla bi toommooch aalli hulloonane. Dunne manderoo wotta aacinaꞌo toommooch beehe. Yeerichi Ayaanoo aacinaꞌo toommooch dogii beehe.

Aroochee Yeeri, “Bekko tunebe” iye; bekkoo tunehe.

Yeeriyoo bi hallito bullin bi ciinaa, oogeton gaaweto bi tunetoyich emiriye. Showoo xumeꞌi hariye; ebiyoo shirittinnee qemone.

Yeeriyoo ebi gaaweto bi tunoon ciinniꞌi emiriye. Bekkoonaa manderoonon badd badd qoodiye.

Aroyee gubb Yeeri “Ebiyoche, ittoshich maayo bi tunemmoyich, maayoonaa michi aafoonon bi shaahi shaahoona ittoshich immeto taane.

Bekkoon, “areddoo” ii shigiihe; manderoonoo, “xumo” ii shigiihe. Showoo xumeꞌi hariye; ebiyoo ikkinnee qemone.

Ebiyee gubb, Yeeri “Aacinaꞌo gutte daggooch gumoo tunebe; hini are gumoo aaconaa aaconon qoodibe” iye.

Showee toommooch beeti cooxinaꞌo bullich, shimaayoona yoobbiibeeti yoobbereenaꞌo bullich, yuummereenaꞌo bullichoo mocoonaa michi waamo bullina maayo tunebe” iye; bi gettitoommonoo tunehe.

Aree hillooch Yeeri “Areddoonaa xumoonon boonoshi barbariyemmoyich, bekkeenaꞌo shimaajji gumooch beebeete; qeminaꞌon, natinaꞌonaa yemeeneenaꞌonon boonoshi barbariyemmoyich, shimaayooch malleteenaꞌo tunebeete

Aroochee Yeeri “Mocoo, maayoonaa yaroo bi maac beeti aafoon aafeebeeti mixonon bi shaahi shaahoona showoo colliibe” iye; bi gettitoommonoo tunehe.

Ebina gumoon halliꞌi, are gumoyee desh beeti aaconaa gumoyee damba beeti aaconon barbariihe; bi gettitoommonoo tunehe.

Mocoon, maayoonaa yaroo bi maac beeti aafoon aafeebeeti mixo bullinon bi shaahi shaahoona showoo colliihe. Yeeriyoo ebi gaaweto bi tunoon ciinniꞌi emiriye.

Yeeriyoo gutte ogooge bekkeenaꞌon halliye; beshe oogoo areddoon bi aaxxemmoyich, giishoo xumoon bi aaxxemmoyich tuniihe; wotta xojjeneenaꞌon halliye.

Aroyee gubb Yeeri “Shimaayoyee desh beeti aacinaꞌo ikkooch kiceebeete; shuuꞌi xaaꞌoo bekkebe” iye; bi gettitoommonoo tunehe. Yeeriyoo hini are shuuꞌi xaaꞌoon, “showoo”, ikkooch kiceeti aaconoo, “baharo” ii shigiihe. Yeeri ebi gaaweto bi tunoon ciinniꞌi emiriye.

Yeeriyoo haasheenaꞌon ishichiꞌi diiriye: “Shiijje shiijjerebote; baharee aacooch ceenote” iye. Yoobbereenaꞌon wotta “Showee toommooch meetote” iye.

Aree hillooch Yeeri “Showoo kashechi halleenaꞌon, eboshiyoo gijjeenaꞌon, yuummere halleenaꞌonaa cooxinaꞌonon boonoshi shaahi shaahoona daniibe” iye; bi gettitoommonoo tunehe.

Aree hillooch Yeeri “Shuuriibeeti kashechi halleenaꞌo aachi daggooch ceeneete; yoobbereenaꞌo showoyee damba shimaajji gumoyee desh yoobeete” iye.

Yeeri cooxon bi shaahi shaahoona, gijjoon bi shaahi shaahoona, yuummero bullinoo bi shaahi shaahoona halliye. Yeeri ebi gaaweto bi tunoon ciinniꞌi emiriye.