Populiarios Biblijos eilutės iš Yowannisi 6

Dalintis

Yesuusi ishichiꞌi boonoshich wochiye: “Kashee kosho taane; ta waan waabeeto cir shaaceyaachemmone; bi mulloon ta toommooch tooꞌiibeeto, bulli yemeenoon cir shacheweyaachemmone.

Kashoon immiibeeto Yeerichi Ayaanoone; ashi giidoo amoonolla hallaache. Ta ittoshich getteti qaaro ayaanoonaa kashoonane.

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Yeerichi Bushoo taan ciinniꞌi bi mulloon ta toommooch tooꞌiibeeto bulli, bulli yemeenee kashoon bi danemmoyich ta Nihoochi daaggoo ebine; tawoo ciireexi aabooba qitoochee biin tiijjemmo taane” iye.

Yesuusi wochiꞌi, “Yeeri qaawiibeeti shuunoo, bi wochee deejjito toommooch mulloon ittoshi tooꞌiyoone” iye.

Shimaayoochee ta kindito, taan wocheti Yeerichi daaggoon tuniyoyichalli, ta daaggoon tuniyoyich toonoone. Ebich ta Nihoo Yeeri taach immito bulli ta waan woyemmone; ta waan waammo bullin cir maaxooch kichi dufaachemmo taane.

Simoon Pheexiroosi wochiꞌi, “Ta Doonocho, koni waaniye no hammemmo? Bulli yemeenee kashee qaaro ne waaniye bi beeto.

Shimaayoochee kinditi, kashoon immiibeeti kosho taane. Asho hini koshoochee bi maagaata, bulli yemeenoon beeyemmone. Showee toommooch beetinaꞌo kashoon boonoshi danemmoyich ta immemmi kosho ta meenone” iye.

Taan wocheti Nihoo Yeeri yeepphitoyee beshetaa, ta waan womon hakkemmo koniyoona aalloone; tawoo ciireexi aabooba qitoochee biin tiijjemmo taane.

Ebiyoo Yeeri immiibeeti kosho, shimaayoochee kindiꞌi alemooch beeti asheenaꞌoyich kashoon immii bi beetoyichiye” iye.

Kashee kosho taane.

Yesuusiyoo koshon tiijjiꞌi Yeerin galletehe; arooch koteti asheenaꞌoyichoo bi beddemmoyich tuniihe. Ebiyoommon wotta haashoocheenoo boonoshi qaawiti wottoon boonoshich bi beddemmoyich tuniihe. Asheenaꞌo bulli maaꞌi michitoyee gubb, bi dabbeenaꞌon “Duubiyaanoon gaawichiree echeti ooyoon maci kicibote” iye.

Uuche woyee shiritte kiilo meetiroon markabee boojjetoona yoppeebee boonoshi hammitoyee gubb, Yesuusi baharee toommona shaꞌeebee markabe waan bi katinaa beeggiꞌi keqqoona qitiyeete. Tunebaani aroo “Taane, shattaahote” iye.