Populiarios Biblijos eilutės iš MATIUS 5

Dalintis

Oso wer snonkaku spam paramrom raimnai sikawefi kuker fyomba, mḇoi skafi ro adadu, isof ḇyeisnai snonkaku sya kaim ro rum ya. Rarirya isnai ḇedi isak ma isnaiyar snonkaku sya insa smam fararur ḇepyum ḇena ma sisandik Kmami ro boiyaswa.”

Mko ine isnai supswan. Mnu ḇekain ro Urek bori ipok fyanarḇa.

Aski isya faro snonkaku sne ḇesren sya, snar nari smam Allah.

Aski isya faro snonkaku ḇebiser ma ḇembrow snar napnapes ya, snar nari sisyopen.

Ḇape Yakofen faro mko: Mkoswar mbroḇ mkoḇesi ma mkoḇenadi wark ḇeḇewayam mko sya.

“Aski faro snonkaku rur ḇesaḇarar sya ro Allah ḇarpon ḇyedi, snar siḇena Ḇaḇesasoser Boiyas.

Aski isya faro snonkaku ḇeyun aski, snar nari sap siḇe romawa-romawa Allah.

Aski isya faro snonkaku ḇeḇarop sya, snar nari sisma sneprei.

Aski isya faro snonkaku ḇeḇekandera snar napnapes, snar sikada nari sisma Ḇaḇesasoser Boiyas.

Aski isya faro snonkaku ḇesaswar sya, snar nari sisma fakamaman.

Aski isya faro mko, rofyor skoryae mko ma sifrur kandera mko ma sonef mko kuker wos ḇeḇor ḇeḇyeḇa snar Aya. Mkoryaḇ ma mkomarisen, snar ḇaḇyak mkoḇena naba ro boiyas, snar rarirya kako sifrur kandera kwar faro nabi-nabi ḇepon mko sya.”

Aski isya faro snonkaku sne ḇesḇunek sya, snar siso nari ḇena supswan ine, ḇeromowi imnis Allah ankankinem ḇyedi.

“Mko ine karumasen supswan. Rofyor karumasen ani ḇyuar, kuker rosaiso nari kofrur fa myasmasen wer? Ḇyuk fainda werḇa rarirya ḇyeḇesawen ma snonkakusya saref apapen i.

Inja mkonapes imnis raris Kma mkoḇedi ro boiyaswa moḇ inapes rai.”

Rofyor mḇoi, iḇye mkokofen: mḇoi, rofyor roḇa, iḇye mkokofen: roḇa. Rosai ḇesyadi ro ine ḇyeknam ro ḇeḇarḇor ya.

Mkomnaf kwar kako wos: Mkamor syadwer mkamor ma nakor syadwer nakor. Ḇape Yakofen faro mko: Mkomunsu awer snonkaku ḇefrur ḇarḇor faro mko, mḇoi manseiryawer ḇyaser fofer raku bedi, buk kako faro i fofer rasar bedi.

Inja rofyor mkamsu ḇar rakuya ḇyeninyan au, weri ḇo wasawen i, snar ipyum syadi faro au rofyor kina oso ro ḇaken bedi ryo, ro ḇaken bedi ḇesiper ḇyeḇesawen ro for ḇembrerḇa. Rofyor ḇramsu ḇar rakuya ḇyeninyan au, kwaruk i ma wasawen i, snar ipyum syadi faro au kina oso ro ḇaken bedi ryo ro ḇaken bedi ḇesiper ḇyeḇesawen ro for ḇembrerḇa.