Populiarios Biblijos eilutės iš Yohanes 5

Dalintis

Suk gato Ji ki ré suksangge anare, ye gato jammo Ji bi sukdu, orete an onyar kem mo Ji bi Ai gato syogat Ji ma mo bur ré it yo, ye ne kem gesyos it. Bere Ji yo syo sukye nai ye ne mo bot gesyos nde. Ye ne brek kadit os gato mu mo bot gesyos, ete an muket os gato mu mo pe gato an kem ndo to kapyo mato kapyo it.

Yefun Yesus me an sem mone, ete Yefun jam do an i nam it sa, Yefun Yesus ndo mo yebris ne do, ”Nan iwa nan ge kadit nan bi suki ne bado?”

Nin samok wa nin baca Yefun Allah bi sukdu petok sor, we nin gendo nin baca yi sor re, bere nin kem ndo to kapyo mato kapyo. Mo sukdu ne Yefun Allah dakai anato ki sukdu rer subot Ji. Ji da kak os wa nin kem ndo to kapyo mato kapyo, sarewo nin bariwa nin jammo Ji.

Sane Yefun Yesus ki nai an do, ”Nan sun, nan pam nan bi sun, nan mu se!” Yefun Yesus do syogat an sun sane, sugane it ye ne ge re. An pam an bi sun, orete an mu. Yefun Yesus ben ye ne ge su kam Sabat, {ye Yahudi bi kam sye, kam gato yé fowa ben suk su ne.}

Yefun Yesus ki suk su ye Yahudi bi yepasye sare do, ”Suk gato Ji ki ré suksangge anare, Ji gato Yefun Allah bi Gan, Ji wadigan yo nggiwa ben suk nde. Ji ben suk gato Ji me Ji bi Ai ben ne ko. Suk gato Ji bi Ai ben ne yo, bere An bi Gan to Ji ré waii benbot dom.