Populiarios Biblijos eilutės iš KUTURA 10

Dalintis

Maku Yahova yavolera Musa, “Zia olole Mwami kigira mali kumukola oyo harara na vatumikiri veve kudinyia mioyo jaavo, nduuki kokora vilolekizu hagati haavo, kandi munyi muladuuki kovoolera avana vinyu kandi visukululwi vienyu kuli ndakora vandu va Egebeti kololeka avasiru ulwandaakola vilolekizu hagati haavo. Na munyi mwosi mulamanya inzi mbeeye Yahova.”

Kunangwa Yahova yavolera Musa, “Ginga mukono gugwo mwigulu, ni kisundi kenene chu kutihiza kiduuki kukunika kivala choosi cha Egebeti.” Musa yaginga mukono gwigwe mwigulu, na chaali ho kisundi kenene mu Egebeti mwosi ku lwa madiku gavaga. Avandu va Egebeti sivali vanyara kolola avache mba, mundu kali mulala siyatula munyumba yeeye ing'inga yeyo mba. Navuzwa vandu va Isiraeli vaali nuvulavu aha vamenya.

Kunangwa Musa yaginga imbimbu yeeye igulu ku kivala cha Egebeti, na Yahova yaleeta imbuza yu kudiviza kutura Ivugwi nihuza ku kivala umbasu gwosi nu vudiku vwosi. Nivuchezaa mu mavwevwe imbuza yeyo yaleeta zisigi. Zisigi ziaza muvunyingi nizigwa kukivala choosi cha Egebeti. Ziali zisigi zinyingi ligali zikikiri kololeka ku, kandi izilivula kololeka ku kivala mba.