Populiarios Biblijos eilutės iš MATIYUT 1

Dalintis

At aagaluk aap aret ndarigin o. Ndi, ndake kenok, owe-awot inomaluk nogo at nen lek eerogo punuk, inagap ndarigin me, endage Yetut aret toonenu o,” yoge kagagerak.

Yoge kagagerak nogo ti, ninogoba endagembogut nen yoge kagak aap Ala wone yorage nagagerak nabi ambi nen yorage logonet, ”At kolage nogo abila age logominggirik, aagaluk aap aret ndarigin o. Ndi, ndake kenok, at endage Imanuwen aret yogo logogun o,” yinuk, yoragagerak nogo, a'me lik yuwak nduk, yoge kagagerak. (Endage Imanuwen nogo ti, nit ninoone paga, ”Ala Ninom Wonogwe o,” yogo monggoorak.)

”Mbo pi ilik, lek a?” yinuk, iniki awo koongge nogo yege me, abi paga kage logonet, mbogut paga yonggo nege menggerak melaikat mendek ambi at owagam kin ari wage nagagirik, yoge logonet, ”Kat Yutup Ndawut ombooluk yi wae. Kwe Mariya abila agaarak nogo ti, Aberiniki paga aret abila agaarak me, keebi mbarugun o. Kat kakwe ti aret kolet o.

At Yetut nda'nagagerak nogo ti, yogop aret nda'nagagerak. Agalo Mariya aap Yutup nen miireegerak imbirak awo lambungga'lek kagak, Aberiniki nen abila eereegerak me, kwe nogo abila agagerak kin age mbareegi, ogonggolo Yutup nogo, iniki abu koonak menggerak me, ”Kwe yi, aakumi nggwok inenggaanom paga enggali wappuurak neebi o,” yinuk, ”Kote mbo pikit,” mbareegerak.