Populiarios Biblijos eilutės iš Juwau 11

Dalintis

Yezu ampanga kuti: “Ine ndine kulamuka pa kufa na upulumuki. Ule ananditawira, peno mbadafa, anakhala m'maso. Ule ali m'maso, anganditawira, nkhabe kudza kafabve. Iwe unatawira penepi?”

Yezu antawira kuti: “Ine sidakupanga tayu kuti iwe ungakhulupira unati uone mbiri ya Mulungu?”

Yezu alira.

Yezu pidabva iye penepi, alonga tenepa: “Nthenda iyi si ya kufa nayo tayu, mbwenye ndi ya mbiri ya Mulungu, toera Mwana wa Mulungu apaswe nayo mbiri.”

Pakumala kulonga penepyo Yezu akhuwa na mphambvu zonsene mbalonga kuti: “Lazaru, buluka kunja!” Nyakufa abuluka mbadamala pyangirirwa na miceka, myendo na manja ene, nkhope yace mbifinikizwa na nguwo. Na tenepo, Yezu aapanga kuti: “Nsudzuleni, munsiye aende.”

Yezu atsukwala pikulu kakamwe, mbaenda mpaka ku nthumbi. Nthumbi ikhali ya dzimba, nsuwo wace ukhadafungwa na mwala.

Pakumala kulonga penepyo, Yezu athimiza na kulonga kuti: “Xamwali wathu Lazaru agona, mbwenye ndiri kwenda kweneku kamulamusa!”