Populiarios Biblijos eilutės iš Juwau 14

Dalintis

Ndisakusiyirani ntendere. Ntendere wanga ndisakupasani. Nkhabe kukupasani ninga pinacita dziko. Lekani kunentseka muntima mwanu, pontho lekani kugopa.

Yezu atawira tenepa: “Ine ndine njira, ndine wa ndimo mwene pontho ndine upulumuki. Nkhabe m'bodzi anaenda kuna Baba, mbakhonda kupita na pana Ine.

Yezu alonga kuti: “Lekani kunentseka m'mitima mwanu. Khulupirani Mulungu, mbamukhulupirambo Ine.

Mbwenye M'matamisi, Nzimu Wakucena unafuna kukutumizirani Baba na dzina yanga, unadza kakupfundzisani pinthu pyonsene, mbukukumbusani pyonsene pidakupangani Ine.

Ule anadziwa mitemo yanga mbaikoya, unowu ndiye anandifuna. Ule anandifuna, anafuniwa na Baba wanga, pontho Ine ndinanfunambo, mbandipangizika kuna Iye.”

Pontho Ine ndinaphemba Baba wanga, Iye mbadza kakupasani M'matamisi unango, toera adze kakhala na imwe kwenda na kwenda, Nzimu unadzesa undimo mwene. Dziko nkhabe kwanisa kuutambira, thangwi nkhabe kuuona pontho nkhabe kuudziwa. Mbwenye imwe musaudziwa, thangwi iwo usakhala na imwe, pontho unati ukhale muna imwe.

Pontho pyonsene pinaphemba imwe na dzina yanga, Ine ndinadza kapicita, toera Baba apaswe mbiri muna Mwana. Pinaphemba imwe na dzina yanga, Ine ndinadza kapicita.

“Ngakhala imwe musandifuna, munakoya mitemo yanga.

Ku nyumba kwa Baba wanga kuna mbuto zizinji zakukhala, mbidakhala si tenepo, Ine mbidakupangani. Ndiri kwenda kakusasanyirani mbuto.

Ine ndingaenda mbandikusasanyirani mbuto, ndinabwera pontho kudza kakukwatani mudze kuna Ine, toera imwe mukhalembo pale panakhala Ine.

Tomasi ampanga tenepa: “Mbuya, ife nkhabe dziwako kunaenda imwe, tinaidziwa tani njira?”