Populiarios Biblijos eilutės iš Jɔn 16

Dalintis

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Bɔt wɛn Gɔd in Spirit we de mek pipul no wetin tru bɔt Gɔd kam, i go mek una no ɔltin we tru. Gɔd in Spirit nɔ go tɔk wetin in want tɔk, i go tɔk wetin di Papa yɛri ɛn i go tɛl una bɔt dɛn tin we go kam bambay.

Te naw una nɔ tek mi nem aks Gɔd fɔ ɛnitin yet; una aks Gɔd fɔ ɛnitin i go gi una wetin una aks fɔ, ɛn ɔl di gladi we fɔ de na una at go lib de.

Bɔt a de tɛl una se, i go bɛtɛ fɔ una if a go, bikɔs if a nɔ go, di wan we go ɛp una fɔ du wetin Gɔd want nɔ go kam to una. Bɔt if a go, a go sɛn am kam to una. Ɛn wɛn i kam i go mek mɔtalman no se dɛn nɔ sabi wetin sin min; i go mek dɛn no se dɛn tin we dɛn tink se rayt, nɔ rayt; ɛn i go mek dɛn no se Gɔd go jɔj ɔlman.

Semwe so, una sɔri naw, bɔt tɛm de kam we a go si una bak, ɛn dat go mek una gladi bad bad ɛn nɔbɔdi kin pwɛl da gladi de. “Wɛn da tɛm de rich, una nɔ go aks mi fɔ ɛnitin. A de tɛl una se: Mi Papa go gi una ɛnitin, if una tek mi nem aks am.

A de tɛl una se: Una go kray bita bita wan, bɔt dɛn ɔda pipul na wɔl go gladi.