Populiarios Biblijos eilutės iš DUUCA 23

Dalintis

Yääje mma yaawä cuduusa jäcä tajoijodaawä Jesuuquidiito cönä’döaacä: —Jaaja, choone’nadiiyöcoomo encwanno’joca; towaanojöönöcoomo mädääje nödööaato; quee cönä’döaacä. Yaawä ñanno suddau yoomö’jödö töwaadäiñe cöneemecantoicho, wä’cana’canä tödöödö’jo.

Yaawä Jesuuquidiito cönä’döaacä chäwwä: —Chäänönge yääje wä’döa äwwä, eduuwa dea jaadä ma’de Aashichaato ña; quee cönä’döaacä Jesuuquidiito chäwwä.

Yaawä töwö cönä’döaacä Jesuuquidiito wwä: —Jesuuquidiito, jääcä ätö’tacä’de cajiichaanaje äwääneja’jäcä; quee cönä’döaacä.

Yääje mma yaawä Jesuuquidiito töcä’de cöna’deuwöi; cönä’döaacä: —Jaaja, äwwä tödööcä yeecato; quee cönä’döaacä. Yääje töwä’dödö’jo cönaatacoichai.

Cönä’döicho yaawä Ye’caichö’jödö ña. Yäätä cuduusa jäcä cönaajoijoicho. Ñanno conemjönö dönnamo’jödö iiñäcä cönaajoijoicho dea, ääjato.

Yaawä anunnaque yeichö tameedä nono weichö wa’cä cöntööjamöi i’ya’wä tödööene. Shii änweijo’da cönä’jaacä yaawä. Yaawä Wanaadi weichojo acä’jaajä a’dutu cöneeshiichai annai.

Yää eneea’jäcä ñäädä suddau edhaajotoncomo wwä töwö aashicha cöna’deuwöi Wanaadi jäcä; cönä’döaacä: —Chäänöngato dämma määdhä nä’jaanä; quee cönä’döaacä.