Populiarios Biblijos eilutės iš Sélimɛ 3

Dalintis

A cɛliwɛ wi sí ki nyaa, kányiʔɛ nɛ̄ tiige yasɛngɛ gáà ki bé gbɛ̀ puu káadanʔa nɛ́ ki 'nyaa kiī cɛ̀ngɛ, ki míɛni bé gbɛ̀ sícilige kɛn. A cɛliwɛ wi 'kàa cuɔ nɛ̀ káa nɛ́ sɛ́nì kàa kɛn wi pɔli mɛ́ wè wire ŋáà wi 'puu nɛ́ wi ní wè, a wi 'ki káa.

Nyàʔayɛrɛ dáà ti mìɛni Yewe Kulocɛliɛ wi cé faan dè, wɔ̀bugɔ kire ki yé cìlige nɛ̀ tóri ti mìɛni nɛ̄. Cɛngɛ káà, a ki pɛ́nì cɛliwɛ yúgo wè nɛ́ jo: «Kányiʔɛ gī lé, Kulocɛliɛ wi 'jo yeli fǎa ga kákpuɔ yasɛngɛ káà káa lé ?»

M'bé leguuro nyɔ́gɔ muɔ nɛ́ cɛliwɛ sunʔɔmɔ ní bè, nɛ́ muɔ siimɛ nɛ́ cɛliwɛ wi siimɛ nī bè. Cɛliwɛ wi siimɛ pi bé ba muɔ nyùgo muʔɔrɔ gè; muɔ wè, muɔ bé ba wi nɔ̀ yedagbiɛnnɛ nɛ̄ lè.»

A Yewe Kulocɛliɛ wi 'cɛliwɛ yɛ wè, nɛ́ jo: «M'bé muɔ cesiʔi gbɛ̀ngɛ gè; a muɔ je pùɔ sii, muɔ bé wuʔɔ kpuʔɔ bè nɛ sii. Muɔ sɔ̀ngirɔ ti béri muɔ píle de waa muɔ pɔli wi kɔli mɛ́ gè; wire wè, wi bé puu muɔ kàfɔli.»

Muɔ gbɛlɛ káfugo nɛ̄ muɔ béri taʔa de líi, fúɔ bè taa muɔ ba koli baa dàala nī lè. Nɛ́ ki cɛ́n tárigɛ nī muɔ 'yiri, kire nɛ̄, muɔ bé ní koli tárigɛ nī gè.»

A Yewe Kulocɛliɛ wi 'nàguɔ yɛ wè, nɛ́ jo: «Tiige gáà mi yé jo muɔ fǎa ga ki yasɛngɛ káà káa gè, a muɔ pɛ́nì muɔ cuɔ wi siɛnrɛ lúʔu dè nɛ́ ki káa gè, kire nɛ̄ dàala ni bé cúʔɔ muɔ kɛnmɛ nɛ̄, muɔ béri wuʔɔ kpuʔɔ bé nɛ́ de muɔ yaliire taʔa dè muɔ sìi cɛnyɛ yi mìɛni nī.

A Yewe Kulocɛliɛ wi sí wi yɛ: «Ŋáasiɛn wi 'ki juu muɔ mɛ́ nɛ́ jo muɔ yē nábori ? Tiige yasɛngɛ gáà mi yé jo muɔ fǎa ga káa gè, kire káà gī lé muɔ kɛ́nì káa ?»

Bà wi 'siɛnnɛ cìra bèle nɛ̀ yige nɛ̀ kúɔ kákpuɔ nī gè, a wi 'seribɛnnɛ yérige bèle baa kákpuɔ ki cɛngɛnyɛnifoligɔli mɛ́ gè, nɛ̀ fàri juuŋɔnɔ nɛ̄ nàa ni 'puu nɛ nyí kàsun gè níɛ nyíʔɛnɛ níɛ yiʔi nɛ mári lè, kire ga buu peri sìi tiige koligo wéli gè.

A nàguɔ wi 'wi cuɔ wi míʔɛ le gè nɛ wi yeri Awa, (ki kɔri wire wī: lewiiwe) nɛ́ ki cɛ́n wire wī siɛnnɛ pe mìɛni yàa wè.