Populiarios Biblijos eilutės iš MATEO 16

Dalintis

Jesús túune' tu ya'alaj ti' u aj canbalo'ob: Wa yaan máax u káat u tzaypachtene', unaj u tu'ubsicubáa yéetel u ch'a'ic u cruz ca u tzaypachten.

Ten túune' quin wa'alic teech: Teche' Pedroech, yéetel tu yóokol le cháaltuna' bíin in líikes in Iglesia. Ma' bíin dzáancha'ata'ac mix tumen u páajtalil metnal.

Ten quin in dzáa teech u llaveilo'ob u ajawil ca'an; le ba'ax can a kax way yóokolcaabe' yaan u ka'axal xan te j ca'ano', le ba'ax xan can a wach' way yóokolcaabe' yaan xan u wa'ach'al te j ca'ano'.

Tumen le máax u káat u toc u cuxtale', bíin u sate: ba'ale' le máax cu satic u cuxtal tin wo'olale', bíin u toque.

Tumen ¿Ba'ax u biil ti' máac wa cu náajaltic tuláacal yóokolcaab cu dzo'ocole' cu sa'atal u pixan? ¿Wa buca'aj je'el u bo'otic máac tu yo'olal u pixane'?

Jesuse' tu ya'alaj ti'ob: Cux te'ex, ¿Ba'ax ca wa'alique'ex? ¿Máaxen teen? Simón Pedroe' tu ya'alaj túun ti': Teche' leti' le Cristo, u Paal le cuxa'an Jajal Dioso'.

Jesuse' tu núucaj ti': Qui' a wóol, Simón, u paal Jonás, tumen lela' ma' j e'esa'ab ti' teech tumen mix jun túul máaqui', ba'ale' tumen in Taata yaan te j ca'ano'.