Populiarios Biblijos eilutės iš Matayo 5

Dalintis

Muu bar tsaa'asi ngaa daá/, ga tuntuukiiká ar lakwaanti, ala gan qaas didá' kawa geehhoó', asma múk baraá doó i dirií' sleémeero nguwa i gwa/at. Gawaá adoorihe gwa/atamaayerhúng i gwa/at dír geerá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.”

“Kuungá' a gwa/ateemaá múk baraaká' yaamu. Gixsár gawaá tloomár i dirii', ti lu/uká.

Múk amohhoó' a kudá' mune hhohhó', asma inooín Mungú ngu ariyá'.

Múk amohhoó' a kudá' gan'amuú ak leelehhiít ta muruú hatlae, asma inooín gan'amu ngu slayá'.

Ala án nu baw, wakuuserhúng sla'aak, nee kudaádá' kuungá' nu buhhtimiisá' aleefiriiriimaak

“Múk amohhoó' a kudá' narkuú qeeruuín tsatsahhaamá', asma waawuti'iimár doori a tooín.

Múk amohhoó' a kudá' wayduú tlehhiít, asma inooín ki na/'aá Mungú báy.

Múk amohhoó' a kudá' gurhaamuút, asma inooín gurkwa/asa ngi slayá'.

Múk amohhoó' a kudá' ta slahhe'eemisi as gan'amu, asma waawuti'iimár doori a tooín.

Múk amohhoó' a kudá' gurtleemuú koóm, asma inooín Mungú gi gurtláy.

“Kuungaásingá' an múk amohhoó', burtundu niqimiis, nee burtundu gusiisín, nee burtundu tli/imis ar /ayseeno asma aníng. Qwalaala/é' nee baraa/é', asma slaqwerhúng ka ur gawaá dooriiwo. Asma adoosíng an adór aaruuseedár aáng kaa /imiís.”

Múk amohhoó' a kudá' tsaén, asma inooín yaamu ki aal.

“Kuungá' a diwi nee gwa/ateemaá yaamu. Ala diwi bira hhitarút, gár ki qaasi a milá iwa maamahh? I sangw gaa bu'uká, aqo kan kwaahh tsee/áy alé, kari adarah nee muu.

Gawaá adoorihe kuungá' masók a múk ganaá', adoodár Baabuúhúng kuduú gawaá doori ir ganaai.”

Ala axweesantahúng masók a ‘Ka hhoo',’ laqaá ‘Aasla'áy’. Axweesantá dír tihe aa waarahh, a tidá' amór Kudá' tlaákw daahh.”

“Aga axasé' adór kara káh gídaabá, ‘Hee bura ila gaás, kuúng inós ila gaaseek sleeme, nee hee bura sihhino kwaáhh, kuúng inós sihhino kwahheek sleeme.’ Ala án kuungá' nu baw, miti tlaampa'aamisaara' nee heé tlaákw. Heé tlaaqarmoowók oo doó /iyáy gwa slaahh, nee tlaaqarmoó tsár warqeeseek nguwa slaahhi sleeme.

Nee iltók ar doó /iyáy bar kuúng u paslimís baraá loohír ganaa'a, tu/eek, ka kwáhh amór saáw i alé. A tsiní dír wák ar slaqwtók iwa qwat, ta slaqwtók sleémeero kawa kwahhi baraá asltá baloó gwaa'aaká. Nee dakók oo doó /iyáy bar kuúng u paslimis baraá loohír ganaa'a, tsateek, ku kwáhh amór saáw i alé. Asma a tsiní dír wák ar slaqwtók iwa qwat, ta ak slaqwtók sleémeero kawa kwahhi baraá asltá baloó gwaa'aaká.”