Populiarios Biblijos eilutės iš यहून्ना 4

Dalintis

परमेसर आत्मा ह, जणा ओ जरूरी ह क, बिकी भगती आत्मा अर सचाईऊँ करी जावै।”

पण बो टेम आर्यो ह, आर्यो के ह आग्यो, जद भगत आत्माऊँ परम-पिता की सची भगती करसी , जखी भगती बो चावै ह।

पण ज मेरा दियड़ा पाणी मऊँ कोई पिसी जणा बो ओज्यु कदैई कोनी तिसायो होसी। बि पाणीऊँ जखो म बानै देस्युँ, बिऊँ बे अजर-अमर जीवन ताँई जीवन देबाळा पाणी को झरनो बणज्यासी।”

ईसु जुबाब म बोल्यो, “ज तू परमेसर का बरदाननै जाणती अर आबी क, ‘जखो तेरूँ पीबा ताँई पाणी माँगर्यो ह बो कूण ह, जणा तू बिऊँ माँगती अर बो तनै जीवन देबाळो पाणी देतो।’”

ईसु बाऊँ बोल्यो, “मेरी रोटी आ ह क, म मेरा भेजबाळा की इंछ्या मानू अर बिको काम पूरो करूं।

बा लूगाई बोली, “स्याणो, पाणी भरबा ताँई थारै कनै क्युंई कोनी, अर ओ कुओ बी बोळो उन्डो ह। जणा पाछै बो जीवन देबाळो पाणी तेरै कनै कठैऊँ आयो?

लूगाई बिऊँ बोली, “म जाणू हूँ क, मसी जखो परमेसर को टाळेड़ो ह आसी। जद बो आसी जणा आपानै सगळी बाता बतासी।” ईसु जुबाब दिओ, “म जखो तेरै सागै बतळार्यो हूँ, म बोई हूँ।”

“आर एक मिनखनै देखो, बो बे सगळी बाता बता दिनी जखी म करी। के ओई तो मसी कोनी?”