Populiarios Biblijos eilutės iš ወንጌል ዘማቴዎስ 9

Dalintis

ወይቤሎሙ ለአርዳኢሁ ማእረሩሰ ብዙኅ ወገባሩ ኅዳጥ። ሰአልዎ እንከ ለበዓለ ማእረር ከመ ይወስክ ገባረ ለማእረሩ።

ሑሩ ወአእምሩ ምንት ውእቱ ዘይቤ «ምጽዋተ አበድር እመሥዋዕት» እስመ ኢመጻእኩ እጸውዕ ጻድቃነ አላ ኃጥኣነ ለንስሓ።

ወርእዮ ብዙኃነ ሰብአ አምሐርዎ ወተሣሀሎሙ እስመ ስሩሓን እሙንቱ ወግዱፋን ከመ አባግዕ ዘአልቦ ኖላዊ።

ወሰሚዖ እግዚእ ኢየሱስ ይቤሎሙ ሕሙማን ይፈቅድዎ ለዐቃቤ ሥራይ ወአኮ ጥዑያን።

ወአንሶሰወ እግዚእ ኢየሱስ ውስተ ኵሉ አህጉር ወበሓውርት እንዘ ይሜህር በምኵራባቲሆሙ ወይሰብክ ወንጌለ መንግሥት ወይፌውስ ኵሎ ድዉያነ ወኵሎ ሕሙማነ ዘውስተ ሕዝብ።