Populiarios Biblijos eilutės iš 1 Kɔ̀rintìyà 1

Dalintis

Ndi, Lohwɛ̀ à hvɔ̀rzì hweyà ema hwatò hwa anù rze yà mɔ̀nyɛ̀ hwà ɛ̀nɛ nà hweyà hwe ŋgundu, ò lì enyìrzɛ̀ hwatò ema hwa ɔ̀ŋgɛ̀lɛ̀ nanù ema hwa hwɛnì màhwiyè, à hvɔ̀rzì mamɛ ema hwatò hwa anù rze hwà ɛnɛ̀ ema è rza ohvi ŋginyà, ò lì enyìrzɛ hwatò ema hwa ɔ̀ŋgɛ̀lɛ̀ nanù ema wɔ̀ hwa ohvi ŋginyà.

Ŋmɛ̀ndì mò è kpelì yà ama Krirztò ò mbarza, mò hwèlì ndi èètì nà hwàŋgà hwatò ema hwa hwɛnì lì hvàŋgahwà. Ndì irzɔ̀ ema i hwèlì ò lì rzùŋgàhwà, ì hwi nanù ema mòŋgò ŋmɛ̀ndì mò hwèlì ndi è ŋginyà yà ama Lohwɛ̀.

Mamɛ è ɛneyà nàa èèti yà ama Lohwɛ̀, è akayi lìhwiyè là hwatò, ndèŋgàna mamɛ è ɛneyà nà lìyɔ̀ti là ama Lohwɛ̀ yà akàyi è ŋginyà yà hwatò anù rze.

Lohwɛ̀ à hwèlì à gbeyà mamɛ yà arzɛ ema à mà ohwe nanù ema à gbeyà. Mɔ̀ à è hvɔ̀rzì ò lì hwɛ mɔ̀kɔ nà è ŋmanà wà mùnyanà wà eni Yerzù Krirztò, è Rzàŋgo yà arzù.

Wònyamòwè kòkò, nà è atɛkɛ ò lìnà là ama Rzàŋgo wà arzu Yerzù Krirztò, inyɔ hwa arzɛ, è ohwe ndi eyà yɔ̀kɔ, aŋga nanù ò rza hwɛ tɔ̀ mbùnakɛ̀ tɔ̀ hvɔ̀kɔ ò ìtììtènì jà anyu. È hwɛnɛ lì ahvìyànɛ̀ ema lì ondi nà lì lùtèyà, nà etɔ̀ti yɔ̀kɔ, ò mamɛ yà arzɛ ema yà rza lì gbeyà.

Ò èŋgànɛ̀lɛ̀ rzɔ̀ è mòtò wà gbàŋgo, à rze enje tɔ̀ eyà. Ndèŋgànɛ̀lɛ̀ è Mòòkòlèlì wà mbenda ò Ìrzàyɛ̀lì à rze enje tɔ̀ eyà. Hwatò ema hwa kòkòwɛ̀lɛ̀ hwatò hweyà nà gbàŋgo ò ene hvonda wɔ̀ hvɛ hwa rze enje tɔ̀ eyà. È jɔ̀kɛ̀ è hwèlì ndi nanù ema Lohwɛ̀ à uŋmɛ̀lɛ̀yi nanù ema lìhwiyè là hwatò ema hwa aŋgo lì hwèlì ndi èètì.