Populiarios Biblijos eilutės iš Matayo 6

Dalintis

Mbe nimutandike kuhiga obukama bwa Mungu n’obutakatifu bwabwo, kai ebyo byona mulyongezibwaho.

Mbe muleke kuhahibwa eby’olunaku lwa nencha, kuba olunaku lwa nencha lulemanyira lwonene. Buli lunaku luhikirwe amabi galwo.

Nicho nkubagambirira nti: Mutahahira muno obuzima bwanu ha byo mulalya, kandi n’engingo zanu ha byo mulazwara. Si omwoyo tigukukira ebilyo, n’engingo tizikukira ebizwaro?

Nawe iwe walembereza, wagenda mu nzu yawe, wakingaho omulyango, walembereza Iso bwesereke; mbe Iso, akubona ebiserekire, alikuhera.

Mbe nimulemberezega muti: Tata wetu ali mw’igulu, izina lyawe likuzibwe; obukama bwawe bwize; kwenda kwawe kugirwe mu nsi nko mw’igulu.

Otuhe lero ebilyo byetu bya lero

otukize ebiheno byetu okw’itwe tukiza abatuhenera

otatuleka kubasibwa mu mitego, nawe otuchungule mu mabi. Amina.

Kuba mukasasira abantu mu ntambala zabo nikwo na So wo mw’igulu alibakiza ebiheno byanu.

Nimwetegereze enoni zo mu lutumba: tizibiba, tizigesa, tizihunika mu bitara; nawe Iso wanu wo mw’igulu azilisya. Mbe imwe timuzikizire?

Muleke kwenibira ebintu mu nsi, omwo bikumalirwa amahuka n’obutale, n’omwo abasuma bakwizira kubiba. Nawe nimwenibe ensabo mw’igulu, eyo etakumarwa amahuka n’obutale, n’eyo abasuma batakwiza kugiba. Kuba aho ensabo yawe ekuba eli, niho n’omutima gwawe guli.

Tihaliho omuntu akuhicha kukolera abakama babili; kuba hamo akuhataho omo, kai ondi yamwenda, hamo yahuliraho omo, ondi yamugaya. Timukuhicha kukolera Mungu n’obutunga.

Mbe raba Mungu nazweka atyo inansi lyo mw’iswa, eliliho lero, kai nencha likanagwa mu lyokezo, mbe kai kuta imwe bantu bo kwikiriza kuke!

Nawe okagaba ekintu, omukono gwawe mumoso gutamanya ech’omulyo gukukola, niho ogabe bwesereke; kai Iso, akubona ebiserekire, alikurongora.

Mutagira ebikorwa byanu bizima mu meso g’abantu, bahiche kubabona; mutyo timulibona mpera hal’Iso wanu wo mw’igulu.

Mwasibaga, mwaleka kubihirirwa nk’abazigi, abakuhiriga obusyo bwabo, abantu bamanye okwo basiba. Koto nkubagambira nti: babwene empera yabo. Nawe iwe okasiba, wasiga omutwe gwawe, kai wanaba mu busyo, abantu batamanya okwo wasiba, nawe obonwe Iso ayeserekire; mbe Iso wanu, akubona mu bwesereke, alikuhera.