Populiarios Biblijos eilutės iš Salm 91

Dywedais, “ARGLWYDD, rwyt ti’n gaer ddiogel, yn lle hollol saff i mi fynd. Ti ydy fy Nuw i, yr un dw i’n ei drystio.”

Bydd y sawl mae’r Duw Goruchaf yn ei amddiffyn yn aros yn saff dan gysgod yr Hollalluog.

Pan fydd e’n galw arna i, bydda i’n ateb. Bydda i gydag e drwy bob argyfwng. Bydda i’n ei achub e ac yn ei anrhydeddu.

Achos bydd e’n gorchymyn i’w angylion dy amddiffyn di lle bynnag rwyt ti’n mynd.

Bydd e’n rhoi ei adain drosot ti, a byddi’n saff o dan blu ei adenydd. Mae’r ffaith fod Duw yn dweud y gwir yn darian sy’n dy amddiffyn di.

Wyt, rwyt ti’n lle saff i mi guddio, ARGLWYDD! Gad i’r Duw Goruchaf fod yn hafan ddiogel i ti, a fyddi di ddim yn cael unrhyw niwed. Fydd dim haint yn dod yn agos i dy gartref di.

Bydd Duw yn dy achub di o drap yr heliwr, a rhag y pla marwol.

Gall mil o ddynion syrthio ar dy law chwith, a deg mil ar y dde, ond fyddi di ddim yn cael dy gyffwrdd.

Paid bod ag ofn dim sy’n dy ddychryn yn y nos, na’r saeth sy’n hedfan yn y dydd; yr haint sy’n llechu yn y tywyllwch, na’r dinistr sy’n taro’n sydyn ganol dydd.