Populiarios Biblijos eilutės iš Matáyɔ 16

Dalintis

Mpɔ Yéso áǒngoɗea ɓagoigi nɛkɛ: «Aoɓá nkpa n'akondi ɓeá ani, ěyɛ sisakɛ, ákumbɛ moyangɔ nɛkɛ, ámoɓeɛ.

Eme neongoɗi gǎkɛ ɓe: Onde Pɛ́tɛɛ, na gǔ á ɛtɛ ndee, aunge nɛphɛkande kanisa nɛmɔ, ɓukpɛkpɛ á kukuwa kágeɛku ú na ka kema.

Nekophande phembekete á koɓoamɛ á na koba. Kema bui nde oyánde ka mokonda, ɓáyánde ú na koba. Kema bui nde ooɓeekea ka mokonda, ɓáɓeekeande phɔtɔ ú na koba.»

Ka nyɔngɔ nde, mmbé akondi amisa á enda akɛ, aɓúngisande. Mmbé a gǎkɛ oɓeekea ɓúngisa á enda akɛ ka nyɔngɔ ani, atɔande goto ú.

Cɔ, ana kantíti sina aoɓá nkpa n'atɔi kema bubui á ka mokonda n'aɓúngisi ndiu enda akɛ, ɛtɔi ndɔ anengande k'éke? Ekende ɓɛɔtɔka na ɓemphendi na Mokonga ka anganisa na enda?

Mpɔ, Yéso áǒɓúsia: «Cɔ, ɓenu gǎkɛ, ɓogi te nende ani?» Simɔ́ni-Pɛ́tɛɛ áonsikisia: «Oɓɛ, onde Kiísito, Muna-Mokonga mmbé aoenda.»

Yéso áongoɗea: «Maseye k'oɓɛ Simɔ́ Muna-Yɔ́na ka nyɔngɔ nde, nna nkpa aámbé akophangi nyɔngɔ nde base, a ndiu tɔ Abɛ mmbé á na koba.