Populiarios Biblijos eilutės iš मत्ती 6

Dalintis

पर आघे तुहुरे अपन जीवनमे परमेश्वरके राजहे सक्कुहुनसे खास चिज बनाऊ। और एकथो धार्मिक जीवन जिना इच्छा धारो। तब यी सक्कु चिज तुहुरिन्हे मिलजाई।

तबेकमारे काल्हिक बारेमे चिन्ता जिन करो। काकरेकी काल्हिक चिन्ता काल अइबे करी। आझिक दुःख आझिके लग धेउर बा।”

“तबेकमारे मै तुहुरिन्हे कहतुँ, रोज ‘का खैबुँ, का पिबुँ’ कहिके जिअक लग और ‘का घल्बुँ’ कहिके अपन शरीरके लग चिन्ता जिन करो। पक्कै फेन जीवन खानासे धेउर और शरीर लुग्गाफाटासे धेउर किम्ती बा।

पर जब तुँ प्राथना करबो, अपन भितरका कोन्तीमे जाऊ, और दवार लगाके अपन स्वर्गमे रहुइया बाबाहे प्राथना करो, जोन बाबाहे केऊ फेन देखे नै सेकत। तब तोहाँर बाबा जे गुप्तमे कर्लक काम देखत, ऊ तुहिन्हे ईनाम दि।

“पर तुहुरे असिके प्राथना करहो: ‘हे हमार बाबा, जे स्वर्गमे बतो, तोहाँर नाउँ पवित्र मानजाए। तोहाँर राज आए। तोहाँरिक इच्छा जसिन स्वर्गमे बा, ओस्तेहेँ यी पृथ्वीमे पूरा होए।

हम्रिहिन्हे उ खाना देऊ, जोन खानक आज हम्रिहिन्हे जरुरी बा।

हमार पापहे माफ करदेऊ, जसिके हम्रे ओइन्के पापहे माफ कर्थी। जेने हमार विरोधमे पाप करथाँ।

हम्रिहिन्हे परीक्षामे परे ना देहो, पर शैतानसे बँचाऊ। (काकरेकी राज, पराक्रम और महिमा सदासर्वदा तोहाँरे हुइँत, आमेन! (यकर मतलब हुइत, अस्तेहेँ होए।)’”

“काकरेकी तुहुरे मनैनके पाप माफ करबो कलेसे तुहुरिन्के स्वर्गमे रहुइया बाबा फेन तुहुरिन्के पाप माफ करी।

आकाशके चिरैँचुरुंगीनहे हेरो। ओइने ना ते बिया छित्थाँ। ना अनाज कटनी करथाँ। ना देहरीमे जमा करथाँ। पर स्वर्गमे रहुइया बाबा ओइन्हे खवैथिन। पक्कै फेन तुहुरे चिरैँचुरुंगीनसे धेउर किम्ती बतो।

“अपन लग पृथ्वीमे धन-सम्पति जमा ना करो, जहाँ किरा और खियासे उ नाश होजाइत, और जहाँ चोरनके घर फोरके उ चोरैथाँ। पर भलाई करके अपन लग स्वर्गमे ईनाम जमा करो, जहाँ किरा और खियालेके नाश नै हुइत, और ना ते चोरवा चोराइत। काकरेकी तुहुरिन्के मन वहैँ लागल पलिरहत, जहाँ तुहुरिन्के धन रहत।”

कौनो फेन मनैया एकथो समयमे दुईथो मलिक्वनके सेवा करे नै सेकत। काकरेकी ऊ एकथोहे घृणा करी, और दोसुरहे प्रेम करी या ऊ एकथोक कहल मानी, और दोसुरके कहल नै मानी। तुहुरे परमेश्वर और धनसम्पति दुनुहे सेवा करे नै सेक्बो।”

जोन आज हरियर बा, और दोसुर दिन आगीमे फेँकाजिना घाँसहे परमेश्वर असिके सजैथाँ कलेसे, पक्कै फेन ऊ तुहुरिन्हे रेखदेख करहीँ। तुहुरिन्के विश्वास अतरा कम काकरे बा?”

पर जब तुँ गरिब मनैनहे दान कर्बो कलेसे असिके करहो कि ओकर बारेमे दोसुर मनै पता ना पाइँत। तोहाँरिक दान गुप्तमे देजाए, और स्वर्गमे रहुइया तोहाँरिक बाबा, जे वहे गुप्त ठाउँमे फेन बा, और वहे तुहिन्हे ईनाम दि।”

तब येशू असिके कतिरलाँ, “हौश्यार बैठो! तुहुरे मनैनहे देखाइक लग मजा काम ना करो, नै ते अपन स्वर्गमे रहुइया बाबासे तुहुरे कुछु ईनाम नै भेटैबो।”

“जब तुहुरे उपवास बैठ्बो, तब् कपटीनके हस उदासी मुहार ना देखाऊ। काकरेकी मनैनसे प्रशंसा पाइक लग ओइने उदास देखैथाँ। जात्तिके, मै तुहुरिन्हे कहतुँ, मनैनके प्रशंसक रुपमे ओइने अपन ईनाम भेटासेकल बताँ। पर तुँ भर उपवास बैठ्बो ते अपन कपारीम तेल लगाऊ और अपन मुह धोऊ। और तोहाँर उपवास मनैनके नै देख्के स्वर्गमे रहुइया बाबा देखी, जे गुप्तमे देखत और जोन बाबाहे केऊ फेन देखे नै सेकत। तब तोहाँर बाबा जे गुप्तमे कर्लक काम देखत, ऊ तुहिन्हे ईनाम दि।”